תהילים - אמירת תהלים , סגולות תהלים , הכל על תהילים
    |     | חזור לגרסה הישנה     |

פרקים 136-150 - פרק נב

7 קריאות


(א)
לַמְנַצֵּחַ מַשְׂכִּיל לְדָוִד:
(ב)
בְּבוֹא דּוֹאֵג הָאֲדמִי וַיַּגֵּד לְשָׁאוּל וַיּאמֶר לוֹ בָּא דָוִד אֶל-בֵּית אֲחִימֶלֶךְ:
(ג)
מַה-תִּתְהַלֵּל בְּרָעָה הַגִּבּוֹר חֶסֶד אֵל כָּל-הַיּוֹם:
(ד)
הַוּוֹת תַּחְשׁב לְשׁוֹנֶךָ כְּתַעַר מְלֻטָּשׁ עשֵׂה רְמִיָּה:
(ה)
אָהַבְתָּ רָע מִטּוֹב שֶׁקֶר מִדַּבֵּר צֶדֶק סֶלָה:
(ו)
אָהַבְתָּ כָל-דִּבְרֵי-בָלַע לְשׁוֹן מִרְמָה:
(ז)
גַּם-אֵל יִתָּצְךָ לָנֶצַח יַחְתְּךָ וְיִסָּחֲךָ מֵאהֶל וְשֵׁרֶשְׁךָ מֵאֶרֶץ חַיִּים סֶלָה:
 
(ח)
וְיִרְאוּ צַדִּיקִים וְיִירָאוּ וְעָלָיו יִשְׂחָקוּ:
(ט)
הִנֵּה הַגֶּבֶר לֹא-יָשִׂים אֱלֹהִים מָעוּזּוֹ וַיִּבְטַח בְּרב עָשְׁרוֹ יָעז בְּהַוָּתוֹ:
(י)
וַאֲנִי כְּזַיִת רַעֲנָן בְּבֵית אֱלֹהִים בָּטַחְתִּי בְחֶסֶד אֱלֹהִים עוֹלָם וָעֶד:
 
(יא)
אוֹדְךָ לְעוֹלָם כִּי עָשִׂיתָ וַאֲקַוֶּה שִׁמְךָ כִי-טוֹב נֶגֶד חֲסִידֶיךָ: