תהילים - אמירת תהלים , סגולות תהלים , הכל על תהילים
    |     | חזור לגרסה הישנה     |

- פרק קלח

0 קריאות


(א)
לְדָוִד אוֹדְךָ בְכָל-לִבִּי נֶגֶד אֱלֹהִים אֲזַמְּרֶךָּ:
(ב)
אֶשְׁתַּחֲוֶה אֶל-הֵיכַל קָדְשְׁךָ וְאוֹדֶה אֶת-שְׁמֶךָ עַל-חַסְדְּךָ וְעַל-אֲמִתֶּךָ כִּי-הִגְדַּלְתָּ עַל-כָּל-שִׁמְךָ אִמְרָתֶךָ:
(ג)
בְּיוֹם קָרָאתִי וַתַּעֲנֵנִי תַּרְהִבֵנִי בְנַפְשִׁי עז:
(ד)
יוֹדוּךָ יְהוָה כָּל-מַלְכֵי-אָרֶץ כִּי שָׁמְעוּ אִמְרֵי-פִיךָ:
(ה)
וְיָשִׁירוּ בְּדַרְכֵי יְהוָה כִּי גָדוֹל כְּבוֹד יְהוָה:
(ו)
כִּי רָם יְהוָה וְשָׁפָל יִרְאֶה וְגָבהַּ מִמֶּרְחָק יְיֵדָע:
(ז)
אִם-אֵלֵךְ בְּקֶרֶב צָרָה תְּחַיֵּנִי עַל אַף איְבַי תִּשְׁלַח יָדֶךָ וְתוֹשִׁיעֵנִי יְמִינֶךָ:
(ח)
יְהוָה יִגְמר בַּעֲדִי יְהוָה חַסְדְּךָ לְעוֹלָם מַעֲשֵׂי יָדֶיךָ אַל-תֶּרֶף: