|
.png "בית המדרש")
פרקים 136-150 - פרק קמ
137 קריאות
Update Required
To play the media you will need to either update your browser to a recent version or update your Flash plugin.
קלו קלז קלח קלט קמ קמא קמב קמג קמד קמה קמו קמז קמח קמט קנ
(א)
לַמְנַצֵּחַ מִזְמוֹר לְדָוִד:
(ב)
חַלְּצֵנִי יְהוָה מֵאָדָם רָע מֵאִישׁ חֲמָסִים תִּנְצְרֵנִי:
(ג)
אֲשֶׁר חָשְׁבוּ רָעוֹת בְּלֵב כָּל-יוֹם יָגוּרוּ מִלְחָמוֹת:
(ד)
שָׁנְנוּ לְשׁוֹנָם כְּמוֹ נָחָשׁ חֲמַת עַכְשׁוּב תַּחַת שְׂפָתֵימוֹ סֶלָה:
(ה)
שָׁמְרֵנִי יְהוָה מִידֵי רָשָׁע מֵאִישׁ חֲמָסִים תִּנְצְרֵנִי אֲשֶׁר חָשְׁבוּ לִדְחוֹת פְּעָמָי:
(ו)
טָמְנוּ-גֵאִים פַּח לִי וַחֲבָלִים פָּרְשׂוּ רֶשֶׁת לְיַד מַעְגָּל מקְשִׁים שָׁתוּ-לִי סֶלָה:
(ז)
אָמַרְתִּי לַיהוָה אֵלִי אָתָּה הַאֲזִינָה יְהוָה קוֹל תַּחֲנוּנָי:
(ח)
יֱהוִֹה אֲדנָי עז יְשׁוּעָתִי סַכּוֹתָה לְראשִׁי בְּיוֹם נָשֶׁק:
(ט)
אַל-תִּתֵּן יְהוָה מַאֲוַיֵּי רָשָׁע זְמָמוֹ אַל-תָּפֵק יָרוּמוּ סֶלָה:
(י)
ראשׁ מְסִבָּי עֲמַל שְׂפָתֵימוֹ יְכַסֵּימוֹ:
(יא)
יִמּוֹטוּ עֲלֵיהֶם גֶּחָלִים בָּאֵשׁ יַפִּלֵם בְּמַהֲמרוֹת בַּל-יָקוּמוּ:
(יב)
אִישׁ לָשׁוֹן בַּל-יִכּוֹן בָּאָרֶץ אִישׁ-חָמָס רָע יְצוּדֶנּוּ לְמַדְחֵפת:
(יג)
יָדַעְתִּי כִּי-יַעֲשֶׂה יְהוָה דִּין עָנִי מִשְׁפַּט אֶבְינִים:
(יד)
אַךְ צַדִּיקִים יוֹדוּ לִשְׁמֶךָ יֵשְׁבוּ יְשָׁרִים אֶת-פָּנֶיךָ:
קראת? שתף חברים
