תהילים - אמירת תהלים , סגולות תהלים , הכל על תהילים
    |     | חזור לגרסה הישנה     |

תהלים ליום ב בחודש - פרק י

8 קריאות


(א)
לָמָה יְהוָה תַּעֲמד בְּרָחוֹק תַּעְלִים לְעִתּוֹת בַּצָּרָה:
(ב)
בְּגַאֲוַת-רָשָׁע יִדְלַק עָנִי יִתָּפְשׂוּ בִּמְזִמּוֹת זוּ חָשָׁבוּ:
(ג)
כִּי-הִלֵּל רָשָׁע עַל-תַּאֲוַת נַפְשׁוֹ וּבצֵעַ בֵּרֵךְ נִאֵץ יְהוָה:
(ד)
רָשָׁע כְּגבַהּ אַפּוֹ בַּל-יִדְרשׁ אֵין אֱלֹהִים כָּל-מְזִמּוֹתָיו:
(ה)
יָחִילוּ דְרָכָיו בְּכָל-עֵת מָרוֹם מִשְׁפָּטֶיךָ מִנֶּגְדּוֹ כָּל-צוֹרְרָיו יָפִיחַ בָּהֶם:
(ו)
אָמַר בְּלִבּוֹ בַּל-אֶמּוֹט לְדר וָדר אֲשֶׁר לֹא-בְרָע:
(ז)
אָלָה פִּיהוּ מָלֵא וּמִרְמוֹת וָתֹךְ תַּחַת לְשׁוֹנוֹ עָמָל וָאָוֶן:
 
(ח)
יֵשֵׁב בְּמַאֲרַב חֲצֵרִים בַּמִּסְתָּרִים יַהֲרג נָקִי עֵינָיו לְחֵלְכָה יִצְפּנוּ:
 
(ט)
יֶאֱרב בַּמִּסְתָּר כְּאַרְיֵה בְסֻכּה יֶאֱרב לַחֲטוֹף עָנִי יַחְטף עָנִי בְּמָשְׁכוֹ בְרִשְׁתּוֹ:
(י)
יִדְכֶּה יָשׁחַ וְנָפַל בַּעֲצוּמָיו חֵיל כָּאִים :
 
(יא)
אָמַר בְּלִבּוֹ שָׁכַח אֵל הִסְתִּיר פָּנָיו בַּל-רָאָה לָנֶצַח:
 
(יב)
קוּמָה יְהוָה אֵל נְשָׂא יָדֶךָ אַל-תִּשְׁכַּח עֲנָוִים:
 
(יג)
עַל-מֶה נִאֵץ רָשָׁע אֱלֹהִים אָמַר בְּלִבּוֹ לֹא תִדְרשׁ:
 
(יד)
רָאִתָה כִּי-אַתָּה עָמָל וָכַעַס תַּבִּיט לָתֵת בְּיָדֶךָ עָלֶיךָ יַעֲזב חֵלֶכָה יָתוֹם אַתָּה הָיִיתָ עוֹזֵר:
 
(טו)
שְׁבר זְרוֹעַ רָשָׁע וָרָע תִּדְרוֹשׁ-רִשְׁעוֹ בַל-תִּמְצָא:
 
(טז)
יְהוָה מֶלֶךְ עוֹלָם וָעֶד אָבְדוּ גוֹיִם מֵאַרְצוֹ:
 
(יז)
תַּאֲוַת עֲנָוִים שָׁמַעְתָּ יְהוָה תָּכִין לִבָּם תַּקְשִׁיב אָזְנֶךָ:
 
(יח)
לִשְׁפּט יָתוֹם וָדָךְ בַּל-יוֹסִיף עוֹד לַעֲרץ אֱנוֹשׁ מִן-הָאָרֶץ: