5712
צור קשר עם תהילים.net
סגולות שירים מאמרים הקדשות תרום לנו תקשורת
יום בחודש יום בשבוע
השם שלך בתהילים שאל בתהילים
חיפוש באתר

תהלים ליום יג בחודש - פרק סט

סט ע עא
 תרום לאמירת תהילים והקדשתך תופיע כאן הוסף הקדשה
(א) לַמְנַצֵּחַ עַל-שׁוֹשַׁנִּים לְדָוִד:
(ב) הוֹשִׁיעֵנִי אֱלֹהִים כִּי בָאוּ מַיִם עַד-נָפֶשׁ:
(ג) טָבַעְתִּי בִּיוֵן מְצוּלָה וְאֵין מָעֳמָד בָּאתִי בְמַעֲמַקֵּי-מַיִם וְשִׁבּלֶת שְׁטָפָתְנִי:
(ד) יָגַעְתִּי בְקָרְאִי נִחַר גְּרוֹנִי כָּלוּ עֵינָי מְיַחֵל לֵאלֹהָי:
(ה) רַבּוּ מִשַּׂעֲרוֹת ראשִׁי שׂנְאַי חִנָּם עָצְמוּ מַצְמִיתַי איְבַי שֶׁקֶר אֲשֶׁר לֹא-גָזַלְתִּי אָז אָשִׁיב:
(ו) אֱלֹהִים אַתָּה יָדַעְתָּ לְאִוַּלְתִּי וְאַשְׁמוֹתַי מִמְּךָ לֹא-נִכְחָדוּ:
(ז) אַל-יֵבשׁוּ בִי קוֶֹיךָ אֲדנָי יֱהוִה צְבָאוֹת אַל-יִכָּלְמוּ בִי מְבַקְשֶׁיךָ אֱלֹהֵי יִשְׂרָאֵל:
(ח) כִּי-עָלֶיךָ נָשָׂאתִי חֶרְפָּה כִּסְּתָה כְלִמָּה פָנָי:
(ט) מוּזָר הָיִיתִי לְאֶחָי וְנָכְרִי לִבְנֵי אִמִּי:
(י) כִּי-קִנְאַת בֵּיתְךָ אֲכָלָתְנִי וְחֶרְפּוֹת חוֹרְפֶיךָ נָפְלוּ עָלָי:
(יא) וָאֶבְכֶּה בַצּוֹם נַפְשִׁי וַתְּהִי לַחֲרָפוֹת לִי:
(יב) וָאֶתְּנָה לְבוּשִׁי שָׂק וָאֱהִי לָהֶם לְמָשָׁל:
(יג) יָשִׂיחוּ בִי ישְׁבֵי שָׁעַר וּנְגִינוֹת שׁוֹתֵי שֵׁכָר:
(יד) וַאֲנִי תְפִלָּתִי לְךָ יְהוָה עֵת רָצוֹן אֱלֹהִים בְּרָב-חַסְדֶּךָ עֲנֵנִי בֶּאֱמֶת יִשְׁעֶךָ:
(טו) הַצִּילֵנִי מִטִּיט וְאַל-אֶטְבָּעָה אִנָּצְלָה מִשּׂנְאַי וּמִמַּעֲמַקֵּי-מָיִם:
(טז) אַל-תִּשְׁטְפֵנִי שִׁבּלֶת מַיִם וְאַל-תִּבְלָעֵנִי מְצוּלָה וְאַל-תֶּאְטַר עָלַי בְּאֵר פִּיהָ:
(יז) עֲנֵנִי יְהוָה כִּי-טוֹב חַסְדֶּךָ כְּרב רַחֲמֶיךָ פְּנֵה אֵלָי:
(יח) וְאַל-תַּסְתֵּר פָּנֶיךָ מֵעַבְדֶּךָ כִּי-צַר-לִי מַהֵר עֲנֵנִי:
(יט) קָרְבָה אֶל-נַפְשִׁי גְאָלָהּ לְמַעַן איְבַי פְּדֵנִי:
(כ) אַתָּה יָדַעְתָּ חֶרְפָּתִי וּבָשְׁתִּי וּכְלִמָּתִי נֶגְדְּךָ כָּל-צוֹרְרָי:
(כא) חֶרְפָּה שָׁבְרָה לִבִּי וָאָנוּשָׁה וָאֲקַוֶּה לָנוּד וָאַיִן וְלַמְנַחֲמִים וְלֹא מָצָאתִי:
(כב) וַיִּתְּנוּ בְּבָרוּתִי ראשׁ וְלִצְמָאִי יַשְׁקוּנִי חֹמֶץ:
(כג) יְהִי שֻׁלְחָנָם לִפְנֵיהֶם לְפָח וְלִשְׁלוֹמִים לְמוֹקֵשׁ:
(כד) תֶּחְשַׁכְנָה עֵינֵיהֶם מֵרְאוֹת וּמָתְנֵיהֶם תָּמִיד הַמְעַד:
(כה) שְׁפָךְ-עֲלֵיהֶם זַעְמֶּךָ וַחֲרוֹן אַפְּךָ יַשִּׂיגֵם:
(כו) תְּהִי-טִירָתָם נְשַׁמָּה בְּאָהֳלֵיהֶם אַל-יְהִי ישֵׁב:
(כז) כִּי-אַתָּה אֲשֶׁר-הִכִּיתָ רָדָפוּ וְאֶל-מַכְאוֹב חֲלָלֶיךָ יְסַפֵּרוּ:
(כח) תְּנָה-עָוֹן עַל-עֲוֹנָם וְאַל-יָבאוּ בְּצִדְקָתֶךָ:
(כט) יִמָּחוּ מִסֵּפֶר חַיִּים וְעִם-צַדִּיקִים אַל-יִכָּתֵבוּ:
(ל) וַאֲנִי עָנִי וְכוֹאֵב יְשׁוּעָתְךָ אֱלֹהִים תְּשַׂגְּבֵנִי:
(לא) אֲהַלְלָה שֵׁם-אֱלֹהִים בְּשִׁיר וַאֲגַדְּלֶנּוּ בְתוֹדָה:
(לב) וְתִיטַב לַיהוָה מִשּׁוֹר פָּר מַקְרִן מַפְרִיס:
(לג) רָאוּ עֲנָוִים יִשְׂמָחוּ דּרְשֵׁי אֱלֹהִים וִיחִי לְבַבְכֶם:
(לד) כִּי-שׁמֵעַ אֶל-אֶבְיוֹנִים יְהוָה וְאֶת-אֲסִירָיו לֹא בָזָה:
(לה) יְהַלְלוּהוּ שָׁמַיִם וָאָרֶץ יַמִּים וְכָל-רמֵשׂ בָּם:
(לו) כִּי אֱלֹהִים יוֹשִׁיעַ צִיּוֹן וְיִבְנֶה עָרֵי יְהוּדָה וְיָשְׁבוּ שָׁם וִירֵשׁוּהָ:
(לז) וְזֶרַע-עֲבָדָיו יִנְחָלוּהָ וְאהֲבֵי שְׁמוֹ יִשְׁכְּנוּ-בָהּ:
גרסת הדפסה שלח לחבר
קראתי את הפרק לא קראתי את הפרק
פרק הבא פרק קודם
תגיות
שלא יחלש דוד המלך ראש חבר אריה שנאה מזמורים מכר תלמוד תרומה לאמירת תהילים דוד תמותה AboutUs נפלים הקדשות מלך החיות עין הצלחה לשבת בבית מוות זוג שירי תהילים סגולה אדם אישה בנים נפטר טעות תעוקה שונא תהלים about משאלה מריבה דואר אלקטרוני שכול קמח לפסח רבים ישועות שיעור ללא ילדים


מקבוצת מפעל הלכה ברשת   ‎©‎ All Rights Reserved, tehilim.net