|
.png "בית המדרש")
לשלום בין אדם לחברו - פרק צח
449 קריאות
Update Required
To play the media you will need to either update your browser to a recent version or update your Flash plugin.
(א)
מִזְמוֹר שִׁירוּ לַיהוָה שִׁיר חָדָשׁ כִּי-נִפְלָאוֹת עָשָׂה הוֹשִׁיעָה-לּוֹ יְמִינוֹ וּזְרוֹעַ קָדְשׁוֹ:
(ב)
הוֹדִיעַ יְהוָה יְשׁוּעָתוֹ לְעֵינֵי הַגּוֹיִם גִּלָּה צִדְקָתוֹ:
(ג)
זָכַר חַסְדּוֹ וֶאֱמוּנָתוֹ לְבֵית יִשְׂרָאֵל רָאוּ כָל-אַפְסֵי-אָרֶץ אֵת יְשׁוּעַת אֱלֹהֵינוּ:
(ד)
הָרִיעוּ לַיהוָה כָּל-הָאָרֶץ פִּצְחוּ וְרַנְּנוּ וְזַמֵּרוּ:
(ה)
זַמְּרוּ לַיהוָה בְּכִנּוֹר בְּכִנּוֹר וְקוֹל זִמְרָה:
(ו)
בַּחֲצצְרוֹת וְקוֹל שׁוֹפָר הָרִיעוּ לִפְנֵי הַמֶּלֶךְ יְהוָה:
(ז)
יִרְעַם הַיָּם וּמְלֹאוֹ תֵּבֵל וְישְׁבֵי בָהּ:
(ח)
נְהָרוֹת יִמְחֲאוּ-כָף יַחַד הָרִים יְרַנֵּנוּ:
(ט)
לִפְנֵי-יְהוָה כִּי בָא לִשְׁפּט הָאָרֶץ יִשְׁפּט-תֵּבֵל בְּצֶדֶק וְעַמִּים בְּמֵישָׁרִים:
קראת? שתף חברים
