|
.png "בית המדרש")
לומר אותו אחר מנחה ואחר ערבית - פרק סב
124 קריאות
Update Required
To play the media you will need to either update your browser to a recent version or update your Flash plugin.
(א)
לַמְנַצֵּחַ עַל-יְדוּתוּן מִזְמוֹר לְדָוִד:
(ב)
אַךְ אֶל-אֱלֹהִים דוּמִיָּה נַפְשִׁי מִמֶּנּוּ יְשׁוּעָתִי:
(ג)
אַךְ-הוּא צוּרִי וִישׁוּעָתִי מִשְׂגַּבִּי לֹא-אֶמּוֹט רַבָּה:
(ד)
עַד-אָנָה תְּהוֹתְתוּ עַל-אִישׁ תְּרָצְּחוּ כֻלְּכֶם כְּקִיר נָטוּי גָּדֵר הַדְּחוּיָה:
(ה)
אַךְ מִשְּׂאֵתוֹ יָעֲצוּ לְהַדִּיחַ יִרְצוּ כָזָב בְּפִיו יְבָרֵכוּ וּבְקִרְבָּם יְקַלְלוּ-סֶלָה:
(ו)
אַךְ לֵאלֹהִים דּמִּי נַפְשִׁי כִּי-מִמֶּנּוּ תִּקְוָתִי:
(ז)
אַךְ-הוּא צוּרִי וִישׁוּעָתִי מִשְׂגַּבִּי לֹא אֶמּוֹט:
(ח)
עַל-אֱלֹהִים יִשְׁעִי וּכְבוֹדִי צוּר-עֻזִּי מַחְסִי בֵּאלֹהִים:
(ט)
בִּטְחוּ-בוֹ בְכָל-עֵת עָם שִׁפְכוּ לְפָנָיו לְבַבְכֶם אֱלֹהִים מַחֲסֶה-לָּנוּ סֶלָה:
(י)
אַךְ הֶבֶל בְּנֵי-אָדָם כָּזָב בְּנֵי אִישׁ בְּמאזְנַיִם לַעֲלוֹת הֵמָּה מֵהֶבֶל יָחַד:
(יא)
אַל-תִּבְטְחוּ בְעשֶׁק וּבְגָזֵל אַל-תֶּהְבָּלוּ חַיִל כִּי-יָנוּב אַל-תָּשִׁיתוּ לֵב:
(יב)
אַחַת דִּבֶּר אֱלֹהִים שְׁתַּיִם-זוּ שָׁמָעְתִּי כִּי עז לֵאלֹהִים:
(יג)
וּלְךָ-אֲדנָי חָסֶד כִּי-אַתָּה תְשַׁלֵּם לְאִישׁ כְּמַעֲשֵׂהוּ:
קראת? שתף חברים
