|
.png "בית המדרש")
לראות ניסים גדולים - פרק צב
5666 קריאות
Update Required
To play the media you will need to either update your browser to a recent version or update your Flash plugin.
(א)
מִזְמוֹר שִׁיר לְיוֹם הַשַּׁבָּת:
(ב)
טוֹב לְהדוֹת לַיהוָה וּלְזַמֵּר לְשִׁמְךָ עֶלְיוֹן:
(ג)
לְהַגִּיד בַּבּקֶר חַסְדֶּךָ וֶאֱמוּנָתְךָ בַּלֵּילוֹת:
(ד)
עֲלֵי-עָשׂוֹר וַעֲלֵי-נָבֶל עֲלֵי הִגָּיוֹן בְּכִנּוֹר:
(ה)
כִּי שִׂמַּחְתַּנִי יְהוָה בְּפָעֳלֶךָ בְּמַעֲשֵׂי יָדֶיךָ אֲרַנֵּן:
(ו)
מַה-גָּדְלוּ מַעֲשֶׂיךָ יְהוָה מְאד עָמְקוּ מַחְשְׁבתֶיךָ:
(ז)
אִישׁ בַּעַר לֹא יֵדָע וּכְסִיל לֹא-יָבִין אֶת-זאת:
(ח)
בִּפְרחַ רְשָׁעִים כְּמוֹ עֵשֶׂב וַיָּצִיצוּ כָּל-פּעֲלֵי אָוֶן לְהִשָּׁמְדָם עֲדֵי-עַד:
(ט)
וְאַתָּה מָרוֹם לְעלָם יְהוָה:
(י)
כִּי הִנֵּה איְבֶיךָ יְהוָה כִּי-הִנֵּה איְבֶיךָ יאבֵדוּ יִתְפָּרְדוּ כָּל-פּעֲלֵי אָוֶן:
(יא)
וַתָּרֶם כִּרְאֵים קַרְנִי בַּלּתִי בְּשֶׁמֶן רַעֲנָן:
(יב)
וַתַּבֵּט עֵינִי בְּשׁוּרָי בַּקָּמִים עָלַי מְרֵעִים תִּשְׁמַעְנָה אָזְנָי:
(יג)
צַדִּיק כַּתָּמָר יִפְרָח כְּאֶרֶז בַּלְּבָנוֹן יִשְׂגֶּה:
(יד)
שְׁתוּלִים בְּבֵית יְהוָה בְּחַצְרוֹת אֱלֹהֵינוּ יַפְרִיחוּ:
(טו)
עוֹד יְנוּבוּן בְּשֵׂיבָה דְּשֵׁנִים וְרַעֲנַנִּים יִהְיוּ:
(טז)
לְהַגִּיד כִּי-יָשָׁר יְהוָה צוּרִי וְלֹא-עַוְלָתָה בּוֹ:
קראת? שתף חברים
