פרקים 31-45 - פרק לו

לג לד לה לו לז לח לט מ מא מב מג מד מה

תרום לאמירת תהילים והקדשתך תופיע כאן

��

(א) לַמְנַצֵּחַ לְעֶבֶד-יְהוָה לְדָוִד:
(ב) נְאֻם-פֶּשַׁע לָרָשָׁע בְּקֶרֶב לִבִּי אֵין-פַּחַד אֱלֹהִים לְנֶגֶד עֵינָיו:
(ג) כִּי-הֶחֱלִיק אֵלָיו בְּעֵינָיו לִמְצא עֲוֹנוֹ לִשְׂנא:
(ד) דִּבְרֵי-פִיו אָוֶן וּמִרְמָה חָדַל לְהַשְׂכִּיל לְהֵיטִיב:
(ה) אָוֶן יַחְשׁב עַל-מִשְׁכָּבוֹ יִתְיַצֵּב עַל-דֶּרֶךְ לֹא-טוֹב רָע לֹא יִמְאָס:
(ו) יְהוָה בְּהַשָּׁמַיִם חַסְדֶּךָ אֱמוּנָתְךָ עַד-שְׁחָקִים:
(ז) צִדְקָתְךָ כְּהַרְרֵי-אֵל מִשְׁפָּטֶיךָ תְּהוֹם רַבָּה אָדָם וּבְהֵמָה תּוֹשִׁיעַ יְהוָה:
(ח) מַה-יָּקָר חַסְדְּךָ אֱלֹהִים וּבְנֵי אָדָם בְּצֵל כְּנָפֶיךָ יֶחֱסָיוּן:
(ט) יִרְוְיֻן מִדֶּשֶׁן בֵּיתֶךָ וְנַחַל עֲדָנֶיךָ תַשְׁקֵם:
(י) כִּי-עִמְּךָ מְקוֹר חַיִּים בְּאוֹרְךָ נִרְאֶה-אוֹר:
(יא) מְשׁךְ חַסְדְּךָ לְידְעֶיךָ וְצִדְקָתְךָ לְיִשְׁרֵי-לֵב:
(יב) אַל-תְּבוֹאֵנִי רֶגֶל גַּאֲוָה וְיַד-רְשָׁעִים אַל-תְּנִדֵנִי:
(יג) שָׁם נָפְלוּ פּעֲלֵי אָוֶן דּחוּ וְלֹא-יָכְלוּ קוּם: