|
אות א
(1 - א:א) אַשְׁרֵי הָאִישׁ אֲשֶׁר לֹא הָלַךְ בַּעֲצַת רְשָׁעִים וּבְדֶרֶךְ חַטָּאִים לֹא עָמָד וּבְמוֹשַׁב לֵצִים לֹא יָשָׁב: (2 - ב:ה) אָז יְדַבֵּר אֵלֵימוֹ בְאַפּוֹ וּבַחֲרוֹנוֹ יְבַהֲלֵמוֹ: (3 - ב:ז) אֲסַפְּרָה אֶל חֹק יְהוָה אָמַר אֵלַי בְּנִי אַתָּה אֲנִי הַיּוֹם יְלִדְתִּיךָ: (4 - ג:ו) אֲנִי שָׁכַבְתִּי וָאִישָׁנָה הֱקִיצוֹתִי כִּי יְהוָה יִסְמְכֵנִי: (5 - ה:ב) אֲמָרַי הַאֲזִינָה יְהוָה בִּינָה הֲגִיגִי: (6 - ז:ה) אִם-גָּמַלְתִּי שׁוֹלְמִי רָע וָאֲחַלְּצָה צוֹרְרִי רֵיקָם: (7 - ז:יב) אֱלֹהִים שׁוֹפֵט צַדִּיק וְאֵל זעֵם בְּכָל-יוֹם: (8 - ז:יג) אִם-לֹא יָשׁוּב חַרְבּוֹ יִלְטוֹשׁ קַשְׁתּוֹ דָרַךְ וַיְכוֹנְנֶהָ: (9 - ז:יח) אוֹדֶה יְהוָה כְּצִדְקוֹ וַאֲזַמְּרָה שֵׁם-יְהוָה עֶלְיוֹן: (10 - ט:ב) אוֹדֶה יְהוָה בְּכָל-לִבִּי אֲסַפְּרָה כָּל-נִפְלְאוֹתֶיךָ: (11 - ט:ג) אֶשְׂמְחָה וְאֶעֶלְצָה בָךְ אֲזַמְּרָה שִׁמְךָ עֶלְיוֹן: (12 - י:ו) אָמַר בְּלִבּוֹ בַּל-אֶמּוֹט לְדר וָדר אֲשֶׁר לֹא-בְרָע: (13 - י:ז) אָלָה פִּיהוּ מָלֵא וּמִרְמוֹת וָתֹךְ תַּחַת לְשׁוֹנוֹ עָמָל וָאָוֶן: (14 - י:יא) אָמַר בְּלִבּוֹ שָׁכַח אֵל הִסְתִּיר פָּנָיו בַּל-רָאָה לָנֶצַח: (15 - יב:ה) אֲשֶׁר אָמְרוּ לִלְשׁנֵנוּ נַגְבִּיר שְׂפָתֵינוּ אִתָּנוּ מִי אָדוֹן לָנוּ: (16 - יב:ז) אִמֲרוֹת יְהוָה אֲמָרוֹת טְהרוֹת כֶּסֶף צָרוּף בַּעֲלִיל לָאָרֶץ מְזֻקָּק שִׁבְעָתָיִם: (17 - יב:ח) אַתָּה יְהוָה תִּשְׁמְרֵם תִּצְּרֶנּוּ מִן-הַדּוֹר זוּ לְעוֹלָם: (18 - טז:ב) אָמַרְתְּ לַיהוָה אֲדנָי אָתָּה טוֹבָתִי בַּל-עָלֶיךָ: (19 - טז:ז) אֲבָרֵךְ אֶת-יְהוָה אֲשֶׁר יְעָצָנִי אַף-לֵילוֹת יִסְּרוּנִי כִלְיוֹתָי: (20 - יז:ו) אֲנִי קְרָאתִיךָ כִּי-תַעֲנֵנִי אֵל הַט-אָזְנְךָ לִי שְׁמַע אִמְרָתִי: (21 - יז:יא) אַשֻּׁרֵנוּ עַתָּה סְבָבוּנוּ עֵינֵיהֶם יָשִׁיתוּ לִנְטוֹת בָּאָרֶץ: (22 - יז:טו) אֲנִי בְּצֶדֶק אֶחֱזֶה פָנֶיךָ אֶשְׂבְּעָה בְהָקִיץ תְּמוּנָתֶךָ: (23 - יח:ה) אֲפָפוּנִי חֶבְלֵי-מָוֶת וְנַחֲלֵי בְלִיַּעַל יְבַעֲתוּנִי: (24 - יח:לח) אֶרְדּוֹף אוֹיְבַי וְאַשִּׂיגֵם וְלֹא-אָשׁוּב עַד-כַּלּוֹתָם: (25 - יח:לט) אֶמְחָצֵם וְלֹא-יֻכְלוּ קוּם יִפְּלוּ תַּחַת רַגְלָי: (26 - יט:ד) אֵין אמֶר וְאֵין דְּבָרִים בְּלִי נִשְׁמָע קוֹלָם: (27 - כ:ח) אֵלֶּה בָרֶכֶב וְאֵלֶּה בַסּוּסִים וַאֲנַחְנוּ בְּשֵׁם-יְהוָה אֱלֹהֵינוּ נַזְכִּיר: (28 - כב:ב) אֵלִי אֵלִי לָמָה עֲזַבְתָּנִי רָחוֹק מִישׁוּעָתִי דִּבְרֵי שַׁאֲגָתִי: (29 - כב:ג) אֱלֹהַי אֶקְרָא יוֹמָם וְלֹא תַעֲנֶה וְלַיְלָה וְלֹא-דוּמִיָּה לִי: (30 - כב:ו) אֵלֶיךָ זָעֲקוּ וְנִמְלָטוּ בְּךָ בָטְחוּ וְלֹא-בוֹשׁוּ: (31 - כב:יב) אַל-תִּרְחַק מִמֶּנִּי כִּי-צָרָה קְרוֹבָה כִּי אֵין עוֹזֵר: (32 - כב:יח) אֲסַפֵּר כָּל-עַצְמוֹתָי הֵמָּה יַבִּיטוּ יִרְאוּ-בִי: (33 - כב:כג) אֲסַפְּרָה שִׁמְךָ לְאֶחָי בְּתוֹךְ קָהָל אֲהַלְלֶךָּ: (34 - כב:ל) אָכְלוּ וַיִּשְׁתַּחֲווּ כָּל-דִּשְׁנֵי-אֶרֶץ לְפָנָיו יִכְרְעוּ כָּל-יוֹרְדֵי עָפָר וְנַפְשׁוֹ לֹא חִיָּה: (35 - כג:ו) אַךְ טוֹב וָחֶסֶד יִרְדְּפוּנִי כָּל-יְמֵי חַיָּי וְשַׁבְתִּי בְּבֵית-יְהוָה לְארֶךְ יָמִים: (36 - כה:ב) אֱלֹהַי בְּךָ בָטַחְתִּי אַל-אֵבוֹשָׁה אַל-יַעַלְצוּ אוֹיְבַי לִי: (37 - כו:ו) אֶרְחַץ בְּנִקָּיוֹן כַּפָּי וַאֲסֹבְבָה אֶת-מִזְבַּחֲךָ יְהוָה: (38 - כו:ט) אַל-תֶּאֱסֹף עִם-חַטָּאִים נַפְשִׁי וְעִם-אַנְשֵׁי דָמִים חַיָּי: (39 - כו:י) אֲשֶׁר-בִּידֵיהֶם זִמָּה וִימִינָם מָלְאָה שּׁחַד: (40 - כז:ג) אִם-תַּחֲנֶה עָלַי מַחֲנֶה לֹא-יִירָא לִבִּי אִם-תָּקוּם עָלַי מִלְחָמָה בְּזאת אֲנִי בוֹטֵחַ: (41 - כז:ד) אַחַת שָׁאַלְתִּי מֵאֵת-יְהוָה אוֹתָהּ אֲבַקֵּשׁ שִׁבְתִּי בְּבֵית-יְהוָה כָּל-יְמֵי חַיַּי לַחֲזוֹת בְּנעַם-יְהוָה וּלְבַקֵּר בְּהֵיכָלוֹ: (42 - כז:ט) אַל-תַּסְתֵּר פָּנֶיךָ מִמֶּנִּי אַל-תַּט בְּאַף עַבְדֶּךָ עֶזְרָתִי הָיִיתָ אַל-תִּטְּשֵׁנִי וְאַל-תַּעַזְבֵנִי אֱלֹהֵי יִשְׁעִי: (43 - כז:יב) אַל-תִּתְּנֵנִי בְּנֶפֶשׁ צָרָי כִּי קָמוּ-בִי עֵדֵי-שֶׁקֶר וִיפֵחַ חָמָס: (44 - כח:ג) אַל-תִּמְשְׁכֵנִי עִם-רְשָׁעִים וְעִם-פּעֲלֵי אָוֶן דּבְרֵי שָׁלוֹם עִם-רֵעֵיהֶם וְרָעָה בִּלְבָבָם: (45 - ל:ב) אֲרוֹמִמְךָ יְהוָה כִּי דִלִּיתָנִי וְלֹא-שִׂמַּחְתָּ איְבַי לִי: (46 - ל:ט) אֵלֶיךָ יְהוָה אֶקְרָא וְאֶל-אֲדנָי אֶתְחַנָּן: (47 - לא:ח) אָגִילָה וְאֶשְׂמְחָה בְּחַסְדֶּךָ אֲשֶׁר רָאִיתָ אֶת-עָנְיִי יָדַעְתָּ בְּצָרוֹת נַפְשִׁי: (48 - לא:כד) אֶהֱבוּ אֶת-יְהוָה כָּל-חֲסִידָיו אֱמוּנִים נצֵר יְהוָה וּמְשַׁלֵּם עַל-יֶתֶר עשֵׂה גַאֲוָה: (49 - לב:ב) אַשְׁרֵי אָדָם לֹא יַחְשׁב יְהוָה לוֹ עָוֹן וְאֵין בְּרוּחוֹ רְמִיָּה: (50 - לב:ז) אַתָּה סֵתֶר לִי מִצַּר תִּצְּרֵנִי רָנֵּי פַלֵּט תְּסוֹבְבֵנִי סֶלָה: (51 - לב:ח) אַשְׂכִּילְךָ וְאוֹרְךָ בְּדֶרֶךְ-זוּ תֵלֵךְ אִיעֲצָה עָלֶיךָ עֵינִי: (52 - לב:ט) אַל-תִּהְיוּ כְּסוּס כְּפֶרֶד אֵין הָבִין בְּמֶתֶג וָרֶסֶן עֶדְיוֹ לִבְלוֹם בַּל קְרוֹב אֵלֶיךָ: (53 - לג:ה) אהֵב צְדָקָה וּמִשְׁפָּט חֶסֶד יְהוָה מָלְאָה הָאָרֶץ: (54 - לג:יב) אַשְׁרֵי הַגּוֹי אֲשֶׁר-יְהוָה אֱלֹהָיו הָעָם בָּחַר לְנַחֲלָה לוֹ: (55 - לג:טז) אֵין הַמֶּלֶךְ נוֹשָׁע בְּרָב-חָיִל גִּבּוֹר לֹא-יִנָּצֵל בְּרָב-כּחַ: (56 - לד:ב) אֲבָרְכָה אֶת-יְהוָה בְּכָל-עֵת תָּמִיד תְּהִלָּתוֹ בְּפִי: (57 - לה:יז) אֲדנָי כַּמָּה תִרְאֶה הָשִׁיבָה נַפְשִׁי מִשּׁאֵיהֶם מִכְּפִירִים יְחִידָתִי: (58 - לה:יח) אוֹדְךָ בְּקָהָל רָב בְּעַם עָצוּם אֲהַלְלֶךָּ: (59 - לה:יט) אַל-יִשְׂמְחוּ-לִי איְבַי שֶׁקֶר שׂנְאַי חִנָּם יִקְרְצוּ-עָיִן: (60 - לה:כה) אַל-יאמְרוּ בְלִבָּם הֶאָח נַפְשֵׁנוּ אַל-יאמְרוּ בִּלַּעֲנוּהוּ: (61 - לו:ה) אָוֶן יַחְשׁב עַל-מִשְׁכָּבוֹ יִתְיַצֵּב עַל-דֶּרֶךְ לֹא-טוֹב רָע לֹא יִמְאָס: (62 - לו:יב) אַל-תְּבוֹאֵנִי רֶגֶל גַּאֲוָה וְיַד-רְשָׁעִים אַל-תְּנִדֵנִי: (63 - לז:יג) אֲדנָי יִשְׂחַק-לוֹ כִּי-רָאָה כִּי-יָבא יוֹמוֹ: (64 - לח:ד) אֵין-מְתֹם בִּבְשָׂרִי מִפְּנֵי זַעְמֶךָ אֵין-שָׁלוֹם בַּעֲצָמַי מִפְּנֵי חַטָּאתִי: (65 - לח:י) אֲדנָי נֶגְדְּךָ כָל-תַּאֲוָתִי וְאַנְחָתִי מִמְּךָ לֹא-נִסְתָּרָה: (66 - לח:יב) אהֲבַי וְרֵעַי מִנֶּגֶד נִגְעִי יַעֲמדוּ וּקְרוֹבַי מֵרָחֹק עָמָדוּ: (67 - לח:כב) אַל-תַּעַזְבֵנִי יְהוָה אֱלֹהַי אַל-תִּרְחַק מִמֶּנִּי: (68 - לט:ב) אָמַרְתִּי אֶשְׁמְרָה דְרָכַי מֵחֲטוֹא בִלְשׁוֹנִי אֶשְׁמְרָה לְפִי מַחְסוֹם בְּעד רָשָׁע לְנֶגְדִּי: (69 - לט:ז) אַךְ-בְּצֶלֶם יִתְהַלֶּךְ-אִישׁ אַךְ-הֶבֶל יֶהֱמָיוּן יִצְבּר וְלֹא-יֵדַע מִי-אסְפָם: (70 - מ:ה) אַשְׁרֵי הַגֶּבֶר אֲשֶׁר-שָׂם יְהוָֹה מִבְטַחוֹ וְלֹא-פָנָה אֶל-רְהָבִים וְשָׂטֵי כָזָב: (71 - מ:ח) אָז אָמַרְתִּי הִנֵּה-בָאתִי בִּמְגִלַּת-סֵפֶר כָּתוּב עָלָי: (72 - מ:יב) אַתָּה יְהוָה לֹא-תִכְלָא רַחֲמֶיךָ מִמֶּנִּי חַסְדְּךָ וַאֲמִתְּךָ תָּמִיד יִצְּרוּנִי: (73 - מא:ב) אַשְׁרֵי מַשְׂכִּיל אֶל-דָּל בְּיוֹם רָעָה יְמַלְּטֵהוּ יְהוָה: (74 - מא:ה) אֲנִי-אָמַרְתִּי יְהוָה חָנֵּנִי רְפָאָה נַפְשִׁי כִּי-חָטָאתִי לָךְ: (75 - מא:ו) אוֹיְבַי יאמְרוּ רַע לִי מָתַי יָמוּת וְאָבַד שְׁמוֹ: (76 - מב:ה) אֵלֶּה אֶזְכְּרָה וְאֶשְׁפְּכָה עָלַי נַפְשִׁי כִּי אֶעֱבר בַּסָּךְ אֶדַּדֵּם עַד-בֵּית אֱלֹהִים בְּקוֹל-רִנָּה וְתוֹדָה הָמוֹן חוֹגֵג: (77 - מב:ז) אֱלֹהַי עָלַי נַפְשִׁי תִשְׁתּוֹחָח עַל-כֵּן אֶזְכָּרְךָ מֵאֶרֶץ יַרְדֵּן וְחֶרְמוֹנִים מֵהַר מִצְעָר: (78 - מב:י) אוֹמְרָה לְאֵל סַלְעִי לָמָה שְׁכַחְתָּנִי לָמָּה-קדֵר אֵלֵךְ בְּלַחַץ אוֹיֵב: (79 - מד:ב) אֱלֹהִים בְּאָזְנֵינוּ שָׁמַעְנוּ אֲבוֹתֵינוּ סִפְּרוּ-לָנוּ פּעַל-פָּעַלְתָּ בִימֵיהֶם בִּימֵי קֶדֶם: (80 - מד:ג) אַתָּה יָדְךָ גּוֹיִם הוֹרַשְׁתָּ וַתִּטָּעֵם תָּרַע לְאֻמִּים וַתְּשַׁלְּחֵם: (81 - מד:ה) אַתָּה-הוּא מַלְכִּי אֱלֹהִים צַוֵּה יְשׁוּעוֹת יַעֲקב: (82 - מד:י) אַף-זָנַחְתָּ וַתַּכְלִימֵנוּ וְלֹא תֵצֵא בְּצִבְאוֹתֵינוּ: (83 - מד:כא) אִם-שָׁכַחְנוּ שֵׁם אֱלֹהֵינוּ וַנִּפְרשׂ כַּפֵּינוּ לְאֵל זָר: (84 - מה:ח) אָהַבְתָּ צֶּדֶק וַתִּשְׂנָא-רֶשַׁע עַל-כֵּן מְשָׁחֲךָ אֱלֹהִים אֱלֹהֶיךָ שֶׁמֶן שָׂשׂוֹן מֵחֲבֵרֶךָ: (85 - מה:יח) אַזְכִּירָה שִׁמְךָ בְּכָל-דּר וָדר עַל-כֵּן עַמִּים יְהוֹדוּךָ לְעלָם וָעֶד: (86 - מו:ב) אֱלֹהִים לָנוּ מַחֲסֶה וָעז עֶזְרָה בְצָרוֹת נִמְצָא מְאד: (87 - מו:ו) אֱלֹהִים בְּקִרְבָּהּ בַּל-תִּמּוֹט יַעְזְּרֶהָ אֱלֹהִים לִפְנוֹת בּקֶר: (88 - מח:ד) אֱלֹהִים בְּאַרְמְנוֹתֶיהָ נוֹדַע לְמִשְׂגָּב: (89 - מט:ה) אַטֶּה לְמָשָׁל אָזְנִי אֶפְתַּח בְּכִנּוֹר חִידָתִי: (90 - מט:ח) אָח לֹא-פָדה יִפְדֶּה אִישׁ לֹא-יִתֵּן לֵאלֹהִים כָּפְרוֹ: (91 - מט:טז) אַךְ-אֱלֹהִים יִפְדֶּה-נַפְשִׁי מִיַּד שְׁאוֹל כִּי יִקָּחֵנִי סֶלָה: (92 - מט:יז) אַל-תִּירָא כִּי-יַעֲשִׁר אִישׁ כִּי-יִרְבֶּה כְּבוֹד בֵּיתוֹ: (93 - מט:כא) אָדָם בִּיקָר וְלֹא יָבִין נִמְשַׁל כַּבְּהֵמוֹת נִדְמוּ: (94 - נ:ה) אִסְפוּ-לִי חֲסִידָי כּרְתֵי בְרִיתִי עֲלֵי-זָבַח: (95 - נ:יב) אִם-אֶרְעַב לֹא-אמַר לָךְ כִּי לִי תֵבֵל וּמְלֹאָהּ: (96 - נ:יח) אִם-רָאִיתָ גַנָּב וַתִּרֶץ עִמּוֹ וְעִם מְנָאֲפִים חֶלְקֶךָ: (97 - נ:כא) אֵלֶּה עָשִׂיתָ וְהֶחֱרַשְׁתִּי דִּמִּיתָ הֱיוֹת אֶהְיֶה כָמוֹךָ אוֹכִיחֲךָ וְאֶעֶרְכָה לְעֵינֶיךָ: (98 - נא:יג) אַל-תַּשְׁלִיכֵנִי מִלְּפָנֶיךָ וְרוּחַ קָדְשְׁךָ אַל-תִּקַּח מִמֶּנִּי: (99 - נא:טו) אֲלַמְּדָה פשְׁעִים דְּרָכֶיךָ וְחַטָּאִים אֵלֶיךָ יָשׁוּבוּ: (100 - נא:יז) אֲדנָי שְׂפָתַי תִּפְתָּח וּפִי יַגִּיד תְּהִלָּתֶךָ: (101 - נא:כא) אָז תַּחְפּץ זִבְחֵי-צֶדֶק עוֹלָה וְכָלִיל אָז יַעֲלוּ עַל-מִזְבַּחֲךָ פָרִים: (102 - נב:ה) אָהַבְתָּ רָע מִטּוֹב שֶׁקֶר מִדַּבֵּר צֶדֶק סֶלָה: (103 - נב:ו) אָהַבְתָּ כָל-דִּבְרֵי-בָלַע לְשׁוֹן מִרְמָה: (104 - נב:יא) אוֹדְךָ לְעוֹלָם כִּי עָשִׂיתָ וַאֲקַוֶּה שִׁמְךָ כִי-טוֹב נֶגֶד חֲסִידֶיךָ: (105 - נג:ב) אָמַר נָבָל בְּלִבּוֹ אֵין אֱלֹהִים הִשְׁחִיתוּ וְהִתְעִיבוּ עָוֶל אֵין עשֵׂה-טוֹב: (106 - נג:ג) אֱלֹהִים מִשָּׁמַיִם הִשְׁקִיף עַל-בְּנֵי-אָדָם לִרְאוֹת הֲיֵשׁ מַשְׂכִּיל דּרֵשׁ אֶת-אֱלֹהִים: (107 - נד:ג) אֱלֹהִים בְּשִׁמְךָ הוֹשִׁיעֵנִי וּבִגְבוּרָתְךָ תְדִינֵנִי: (108 - נד:ד) אֱלֹהִים שְׁמַע תְּפִלָּתִי הַאֲזִינָה לְאִמְרֵי-פִי: (109 - נה:ט) אָחִישָׁה מִפְלָט לִי מֵרוּחַ סֹעָה מִסָּעַר: (110 - נה:טו) אֲשֶׁר יַחְדָּו נַמְתִּיק סוֹד בְּבֵית אֱלֹהִים נְהַלֵּךְ בְּרָגֶשׁ: (111 - נה:יז) אֲנִי אֶל-אֱלֹהִים אֶקְרָא וַיהוָה יוֹשִׁיעֵנִי: (112 - נו:י) אָז יָשׁוּבוּ אוֹיְבַי אָחוֹר בְּיוֹם אֶקְרָא זֶה יָדַעְתִּי כִּי-אֱלֹהִים לִי: (113 - נז:ג) אֶקְרָא לֵאלֹהִים עֶלְיוֹן לָאֵל גּמֵר עָלָי: (114 - נז:י) אוֹדְךָ בָעַמִּים אֲדנָי אֲזַמֶּרְךָ בַּלְאֻמִּים: (115 - נח:ג) אַף בְּלֵב עוֹלֹת תִּפְעָלוּן בָּאָרֶץ חֲמַס יְדֵיכֶם תְּפַלֵּסוּן: (116 - נח:ו) אֲשֶׁר לֹא-יִשְׁמַע לְקוֹל מְלַחֲשִׁים חוֹבֵר חֲבָרִים מְחֻכָּם: (117 - נח:ז) אֱלֹהִים הֲרָס-שִׁנֵּימוֹ בְּפִימוֹ מַלְתְּעוֹת כְּפִירִים נְתוֹץ יְהוָה: (118 - נט:יא) אֱלֹהֵי חַסְדִּי יְקַדְּמֵנִי אֱלֹהִים יַרְאֵנִי בְשׁרְרָי: (119 - נט:יב) אַל-תַּהַרְגֵם פֶּן-יִשְׁכְּחוּ עַמִּי הֲנִיעֵמוֹ בְחֵילְךָ וְהוֹרִידֵמוֹ מָגִנֵּנוּ אֲדנָי: (120 - ס:ג) אֱלֹהִים זְנַחְתָּנוּ פְרַצְתָּנוּ אָנַפְתָּ תְּשׁוֹבֵב לָנוּ: (121 - ס:ח) אֱלֹהִים דִּבֶּר בְּקָדְשׁוֹ אֶעֱלֹזָה אֲחַלְּקָה שְׁכֶם וְעֵמֶק סֻכּוֹת אֲמַדֵּד: (122 - סא:ה) אָגוּרָה בְאָהָלְךָ עוֹלָמִים אֶחֱסֶה בְסֵתֶר כְּנָפֶיךָ סֶּלָה: (123 - סב:ב) אַךְ אֶל-אֱלֹהִים דוּמִיָּה נַפְשִׁי מִמֶּנּוּ יְשׁוּעָתִי: (124 - סב:ג) אַךְ-הוּא צוּרִי וִישׁוּעָתִי מִשְׂגַּבִּי לֹא-אֶמּוֹט רַבָּה: (125 - סב:ה) אַךְ מִשְּׂאֵתוֹ יָעֲצוּ לְהַדִּיחַ יִרְצוּ כָזָב בְּפִיו יְבָרֵכוּ וּבְקִרְבָּם יְקַלְלוּ-סֶלָה: (126 - סב:ו) אַךְ לֵאלֹהִים דּמִּי נַפְשִׁי כִּי-מִמֶּנּוּ תִּקְוָתִי: (127 - סב:ז) אַךְ-הוּא צוּרִי וִישׁוּעָתִי מִשְׂגַּבִּי לֹא אֶמּוֹט: (128 - סב:י) אַךְ הֶבֶל בְּנֵי-אָדָם כָּזָב בְּנֵי אִישׁ בְּמאזְנַיִם לַעֲלוֹת הֵמָּה מֵהֶבֶל יָחַד: (129 - סב:יא) אַל-תִּבְטְחוּ בְעשֶׁק וּבְגָזֵל אַל-תֶּהְבָּלוּ חַיִל כִּי-יָנוּב אַל-תָּשִׁיתוּ לֵב: (130 - סב:יב) אַחַת דִּבֶּר אֱלֹהִים שְׁתַּיִם-זוּ שָׁמָעְתִּי כִּי עז לֵאלֹהִים: (131 - סג:ב) אֱלֹהִים אֵלִי אַתָּה אֲשַׁחֲרֶךָּ צָמְאָה לְךָ נַפְשִׁי כָּמַהּ לְךָ בְשָׂרִי בְּאֶרֶץ-צִיָּה וְעָיֵף בְּלִי-מָיִם: (132 - סג:ז) אִם-זְכַרְתִּיךָ עַל-יְצוּעָי בְּאַשְׁמֻרוֹת אֶהְגֶּה-בָּךְ: (133 - סד:ד) אֲשֶׁר שָׁנְנוּ כַחֶרֶב לְשׁוֹנָם דָּרְכוּ חִצָּם דָּבָר מָר: (134 - סה:ה) אַשְׁרֵי תִּבְחַר וּתְקָרֵב יִשְׁכּן חֲצֵרֶיךָ נִשְׂבְּעָה בְּטוּב בֵּיתֶךָ קְדשׁ הֵיכָלֶךָ: (135 - סו:ג) אִמְרוּ לֵאלֹהִים מַה-נּוֹרָא מַעֲשֶׂיךָ בְּרב עֻזְּךָ יְכַחֲשׁוּ-לְךָ איְבֶיךָ: (136 - סו:יג) אָבוֹא בֵיתְךָ בְעוֹלוֹת אֲשַׁלֵּם לְךָ נְדָרָי: (137 - סו:יד) אֲשֶׁר-פָּצוּ שְׂפָתָי וְדִבֶּר-פִּי בַּצַּר-לִי: (138 - סו:יז) אֵלָיו פִּי-קָרָאתִי וְרוֹמַם תַּחַת לְשׁוֹנִי: (139 - סו:יח) אָוֶן אִם-רָאִיתִי בְלִבִּי לֹא יִשְׁמַע אֲדנָי: (140 - סו:יט) אָכֵן שָׁמַע אֱלֹהִים הִקְשִׁיב בְּקוֹל תְּפִלָּתִי: (141 - סז:ב) אֱלֹהִים יְחָנֵּנוּ וִיבָרְכֵנוּ יָאֵר פָּנָיו אִתָּנוּ סֶלָה: (142 - סז:ז) אֶרֶץ נָתְנָה יְבוּלָהּ יְבָרְכֵנוּ אֱלֹהִים אֱלֹהֵינוּ: (143 - סח:ו) אֲבִי יְתוֹמִים וְדַיַּן אַלְמָנוֹת אֱלֹהִים בִּמְעוֹן קָדְשׁוֹ: (144 - סח:ז) אֱלֹהִים מוֹשִׁיב יְחִידִים בַּיְתָה מוֹצִיא אֲסִירִים בַּכּוֹשָׁרוֹת אַךְ-סוֹרְרִים שָׁכְנוּ צְחִיחָה: (145 - סח:ח) אֱלֹהִים בְּצֵאתְךָ לִפְנֵי עַמֶּךָ בְּצַעְדְּךָ בִישִׁימוֹן סֶלָה: (146 - סח:ט) אֶרֶץ רָעָשָׁה אַף-שָׁמַיִם נָטְפוּ מִפְּנֵי אֱלֹהִים זֶה סִינַי מִפְּנֵי אֱלֹהִים אֱלֹהֵי יִשְׂרָאֵל: (147 - סח:יב) אֲדנָי יִתֶּן-אמֶר הַמְבַשְּׂרוֹת צָבָא רָב: (148 - סח:יד) אִם-תִּשְׁכְּבוּן בֵּין שְׁפַתָּיִם כַּנְפֵי יוֹנָה נֶחְפָּה בַכֶּסֶף וְאֶבְרוֹתֶיהָ בִּירַקְרַק חָרוּץ: (149 - סח:כב) אַךְ-אֱלֹהִים יִמְחַץ ראשׁ איְבָיו קָדְקד שֵׂעָר מִתְהַלֵּךְ בַּאֲשָׁמָיו: (150 - סח:כג) אָמַר אֲדנָי מִבָּשָׁן אָשִׁיב אָשִׁיב מִמְּצֻלוֹת יָם: (151 - סט:ו) אֱלֹהִים אַתָּה יָדַעְתָּ לְאִוַּלְתִּי וְאַשְׁמוֹתַי מִמְּךָ לֹא-נִכְחָדוּ: (152 - סט:ז) אַל-יֵבשׁוּ בִי קוֶֹיךָ אֲדנָי יֱהוִה צְבָאוֹת אַל-יִכָּלְמוּ בִי מְבַקְשֶׁיךָ אֱלֹהֵי יִשְׂרָאֵל: (153 - סט:טז) אַל-תִּשְׁטְפֵנִי שִׁבּלֶת מַיִם וְאַל-תִּבְלָעֵנִי מְצוּלָה וְאַל-תֶּאְטַר עָלַי בְּאֵר פִּיהָ: (154 - סט:כ) אַתָּה יָדַעְתָּ חֶרְפָּתִי וּבָשְׁתִּי וּכְלִמָּתִי נֶגְדְּךָ כָּל-צוֹרְרָי: (155 - סט:לא) אֲהַלְלָה שֵׁם-אֱלֹהִים בְּשִׁיר וַאֲגַדְּלֶנּוּ בְתוֹדָה: (156 - ע:ב) אֱלֹהִים לְהַצִּילֵנִי יְהוָה לְעֶזְרָתִי חוּשָׁה: (157 - עא:ד) אֱלֹהַי פַּלְּטֵנִי מִיַּד-רָשָׁע מִכַּף מְעַוֵּל וְחוֹמֵץ: (158 - עא:ט) אַל-תַּשְׁלִיכֵנִי לְעֵת זִקְנָה כִּכְלוֹת כּחִי אַל-תַּעַזְבֵנִי: (159 - עא:יב) אֱלֹהִים אַל-תִּרְחַק מִמֶּנִּי אֱלֹהַי לְעֶזְרָתִי חוּשָׁה: (160 - עא:טז) אָבוֹא בִּגְבֻרוֹת אֲדנָי יֱהוִה אַזְכִּיר צִדְקָתְךָ לְבַדֶּךָ: (161 - עא:יז) אֱלֹהִים לִמַּדְתַּנִי מִנְּעוּרָי וְעַד-הֵנָּה אַגִּיד נִפְלְאוֹתֶיךָ: (162 - עא:כ) אֲשֶׁר הִרְאִיתַנִי צָרוֹת רַבּוֹת וְרָעוֹת תָּשׁוּב תְּחַיֵּינִי וּמִתְּהוֹמוֹת הָאָרֶץ תָּשׁוּב תַּעֲלֵנִי: (163 - עג:יג) אַךְ-רִיק זִכִּיתִי לְבָבִי וָאֶרְחַץ בְּנִקָּיוֹן כַּפָּי: (164 - עג:טו) אִם-אָמַרְתִּי אֲסַפְּרָה כְמוֹ הִנֵּה דוֹר בָּנֶיךָ בָגָדְתִּי: (165 - עג:יח) אַךְ בַּחֲלָקוֹת תָּשִׁית לָמוֹ הִפַּלְתָּם לְמַשּׁוּאוֹת: (166 - עג:יט) אֵיךְ הָיוּ לְשַׁמָּה כְרָגַע סָפוּ תַמּוּ מִן-בַּלָּהוֹת: (167 - עד:ח) אָמְרוּ בְלִבָּם נִינָם יָחַד שָׂרְפוּ כָל-מוֹעֲדֵי-אֵל בָּאָרֶץ: (168 - עד:ט) אתוֹתֵינוּ לֹא-רָאִינוּ אֵין-עוֹד נָבִיא וְלֹא-אִתָּנוּ יוֹדֵעַ עַד-מָה: (169 - עד:יג) אַתָּה פוֹרַרְתָּ בְעָזְּךָ יָם שִׁבַּרְתָּ רָאשֵׁי תַנִּינִים עַל-הַמָּיִם: (170 - עד:יד) אַתָּה רִצַּצְתָּ רָאשֵׁי לִוְיָתָן תִּתְּנֶנּוּ מַאֲכָל לְעַם לְצִיִּים: (171 - עד:טו) אַתָּה בָקַעְתָּ מַעְיָן וָנָחַל אַתָּה הוֹבַשְׁתָּ נַהֲרוֹת אֵיתָן: (172 - עד:יז) אַתָּה הִצַּבְתָּ כָּל-גְּבוּלוֹת אָרֶץ קַיִץ וָחֹרֶף אַתָּה יְצַרְתָּם: (173 - עד:יט) אַל-תִּתֵּן לְחַיַּת נֶפֶשׁ תּוֹרֶךָ חַיַּת עֲנִיֶּיךָ אַל-תִּשְׁכַּח לָנֶצַח: (174 - עד:כא) אַל-יָשׁב דַּךְ נִכְלָם עָנִי וְאֶבְיוֹן יְהַלְלוּ שְׁמֶךָ: (175 - עד:כג) אַל-תִּשְׁכַּח קוֹל צרְרֶיךָ שְׁאוֹן קָמֶיךָ עלֶה תָמִיד: (176 - עה:ה) אָמַרְתִּי לַהוֹלְלִים אַל-תָּהלּוּ וְלָרְשָׁעִים אַל-תָּרִימוּ קָרֶן: (177 - עה:ו) אַל-תָּרִימוּ לַמָּרוֹם קַרְנְכֶם תְּדַבְּרוּ בְצַוָּאר עָתָק: (178 - עו:ו) אֶשְׁתּוֹלְלוּ אַבִּירֵי לֵב נָמוּ שְׁנָתָם וְלֹא-מָצְאוּ כָל-אַנְשֵׁי-חַיִל יְדֵיהֶם: (179 - עו:ח) אַתָּה נוֹרָא אַתָּה וּמִי-יַעֲמד לְפָנֶיךָ מֵאָז אַפֶּךָ: (180 - עז:ד) אֶזְכְּרָה אֱלֹהִים וְאֶהֱמָיָה אָשִׂיחָה וְתִתְעַטֵּף רוּחִי סֶלָה: (181 - עז:ה) אָחַזְתָּ שְׁמֻרוֹת עֵינָי נִפְעַמְתִּי וְלֹא אֲדַבֵּר: (182 - עז:ז) אֶזְכְּרָה נְגִינָתִי בַּלָּיְלָה עִם-לְבָבִי אָשִׂיחָה וַיְחַפֵּשׂ רוּחִי: (183 - עז:יב) אֶזְכּוֹר מַעַלְלֵי-יָהּ כִּי-אֶזְכְּרָה מִקֶּדֶם פִּלְאֶךָ: (184 - עז:יד) אֱלֹהִים בַּקּדֶשׁ דַּרְכֶּךָ מִי-אֵל גָּדוֹל כֵּאלֹהִים: (185 - עז:טו) אַתָּה הָאֵל עשֵׂה פֶלֶא הוֹדַעְתָּ בָעַמִּים עֻזֶּךָ: (186 - עח:ב) אֶפְתְּחָה בְמָשָׁל פִּי אַבִּיעָה חִידוֹת מִנִּי-קֶדֶם: (187 - עח:ג) אֲשֶׁר שָׁמַעְנוּ וַנֵּדָעֵם וַאֲבוֹתֵינוּ סִפְּרוּ-לָנוּ: (188 - עח:לד) אִם-הֲרָגָם וּדְרָשׁוּהוּ וְשָׁבוּ וְשִׁחֲרוּ-אֵל: (189 - עח:מג) אֲשֶׁר-שָׂם בְּמִצְרַיִם אתוֹתָיו וּמוֹפְתָיו בִּשְׂדֵה-צעַן: (190 - עט:ח) אַל-תִּזְכָּר-לָנוּ עֲוֹנת רִאשׁנִים מַהֵר יְקַדְּמוּנוּ רַחֲמֶיךָ כִּי דַלּוֹנוּ מְאד: (191 - פ:ד) אֱלֹהִים הֲשִׁיבֵנוּ וְהָאֵר פָּנֶיךָ וְנִוָּשֵׁעָה: (192 - פ:ח) אֱלֹהִים צְבָאוֹת הֲשִׁיבֵנוּ וְהָאֵר פָּנֶיךָ וְנִוָּשֵׁעָה: (193 - פ:טו) אֱלֹהִים צְבָאוֹת שׁוּב נָא הַבֵּט מִשָּׁמַיִם וּרְאֵה וּפְקד גֶּפֶן זאת: (194 - פא:יא) אָנכִי יְהוָה אֱלֹהֶיךָ הַמַּעַלְךָ מֵאֶרֶץ מִצְרָיִם הַרְחֶב-פִּיךָ וַאֲמַלְאֵהוּ: (195 - פב:ו) אֲנִי אָמַרְתִּי אֱלֹהִים אַתֶּם וּבְנֵי עֶלְיוֹן כֻּלְּכֶם: (196 - פב:ז) אָכֵן כְּאָדָם תְּמוּתוּן וּכְאַחַד הַשָּׂרִים תִּפּלוּ: (197 - פג:ב) אֱלֹהִים אַל-דֳּמִי-לָךְ אַל-תֶּחֱרַשׁ וְאַל-תִּשְׁקט אֵל: (198 - פג:ה) אָמְרוּ לְכוּ וְנַכְחִידֵם מִגּוֹי וְלֹא-יִזָּכֵר שֵׁם-יִשְׂרָאֵל עוֹד: (199 - פג:ז) אָהֳלֵי אֱדוֹם וְיִשְׁמְעֵאלִים מוֹאָב וְהַגְרִים: (200 - פג:יג) אֲשֶׁר אָמְרוּ נִירְשָׁה לָּנוּ אֵת נְאוֹת אֱלֹהִים: (201 - פג:יד) אֱלֹהַי שִׁיתֵמוֹ כַגַּלְגַּל כְּקַשׁ לִפְנֵי-רוּחַ: (202 - פד:ה) אַשְׁרֵי יוֹשְׁבֵי בֵיתֶךָ עוֹד יְהַלְלוּךָ סֶּלָה: (203 - פד:ו) אַשְׁרֵי אָדָם עוֹז לוֹ-בָךְ מְסִלּוֹת בִּלְבָבָם: (204 - פה:ד) אָסַפְתָּ כָל-עֶבְרָתֶךָ הֱשִׁיבוֹתָ מֵחֲרוֹן אַפֶּךָ: (205 - פה:ט) אֶשְׁמֳעָה מַה-יְדַבֵּר הָאֵל יְהוָה כִּי-יְדַבֵּר שָׁלוֹם אֶל-עַמּוֹ וְאֶל-חֲסִידָיו וְאַל-יָשׁוּבוּ לְכִסְלָה: (206 - פה:י) אַךְ קָרוֹב לִירֵאָיו יִשְׁעוֹ לִשְׁכּן כָּבוֹד בְּאַרְצֵנוּ: (207 - פה:יב) אֱמֶת מֵאֶרֶץ תִּצְמָח וְצֶדֶק מִשָּׁמַיִם נִשְׁקָף: (208 - פו:ח) אֵין-כָּמוֹךָ בָאֱלֹהִים אֲדנָי וְאֵין כְּמַעֲשֶׂיךָ: (209 - פו:יב) אוֹדְךָ אֲדנָי אֱלֹהַי בְּכָל-לְבָבִי וַאֲכַבְּדָה שִׁמְךָ לְעוֹלָם: (210 - פו:יד) אֱלֹהִים זֵדִים קָמוּ עָלַי וַעֲדַת עָרִיצִים בִּקְשׁוּ נַפְשִׁי וְלֹא שָׂמוּךָ לְנֶגְדָּם: (211 - פז:ב) אהֵב יְהוָה שַׁעֲרֵי צִיּוֹן מִכּל מִשְׁכְּנוֹת יַעֲקב: (212 - פז:ד) אַזְכִּיר רַהַב וּבָבֶל לְידְעָי הִנֵּה פְלֶשֶׁת וְצר עִם-כּוּשׁ זֶה יֻלַּד-שָׁם: (213 - פט:ח) אֵל נַעֲרָץ בְּסוֹד-קְדשִׁים רַבָּה וְנוֹרָא עַל-כָּל-סְבִיבָיו: (214 - פט:י) אַתָּה מוֹשֵׁל בְּגֵאוּת הַיָּם בְּשׂוֹא גַלָּיו אַתָּה תְשַׁבְּחֵם: (215 - פט:יא) אַתָּה דִכִּאתָ כֶחָלָל רָהַב בִּזְרוֹעַ עֻזְּךָ פִּזַּרְתָּ אוֹיְבֶיךָ: (216 - פט:טז) אַשְׁרֵי הָעָם ידְעֵי תְרוּעָה יְהוָה בְּאוֹר-פָּנֶיךָ יְהַלֵּכוּן: (217 - פט:כ) אָז דִּבַּרְתָּ בְחָזוֹן לַחֲסִידֶיךָ וַתּאמֶר שִׁוִּיתִי עֵזֶר עַל-גִּבּוֹר הֲרִימוֹתִי בָחוּר מֵעָם: (218 - פט:כב) אֲשֶׁר יָדִי תִּכּוֹן עִמּוֹ אַף-זְרוֹעִי תְאַמְּצֶנּוּ: (219 - פט:כח) אַף-אָנִי בְּכוֹר אֶתְּנֵהוּ עֶלְיוֹן לְמַלְכֵי-אָרֶץ: (220 - פט:לא) אִם-יַעַזְבוּ בָנָיו תּוֹרָתִי וּבְמִשְׁפָּטַי לֹא יֵלֵכוּן: (221 - פט:לב) אִם-חֻקּתַי יְחַלֵּלוּ וּמִצְוֹתַי לֹא יִשְׁמרוּ: (222 - פט:לו) אַחַת נִשְׁבַּעְתִּי בְקָדְשִׁי אִם-לְדָוִד אֲכַזֵּב: (223 - פט:מד) אַף-תָּשִׁיב צוּר חַרְבּוֹ וְלֹא הֲקֵמתוֹ בַּמִּלְחָמָה: (224 - פט:נ) אַיֵּה חֲסָדֶיךָ הָרִאשׁנִים אֲדנָי נִשְׁבַּעְתָּ לְדָוִד בֶּאֱמוּנָתֶךָ: (225 - פט:נב) אֲשֶׁר חֵרְפוּ אוֹיְבֶיךָ יְהוָה אֲשֶׁר חֵרְפוּ עִקְּבוֹת מְשִׁיחֶךָ: (226 - צא:ב) אמַר לַיהוָה מַחְסִּי וּמְצוּדָתִי אֱלֹהַי אֶבְטַח-בּוֹ: (227 - צא:טז) ארֶךְ יָמִים אַשְׂבִּיעֵהוּ וְאַרְאֵהוּ בִּישׁוּעָתִי: (228 - צב:ז) אִישׁ בַּעַר לֹא יֵדָע וּכְסִיל לֹא-יָבִין אֶת-זאת: (229 - צד:א) אֵל-נְקָמוֹת יְהוָה אֵל נְקָמוֹת הוֹפִיַע: (230 - צד:ו) אַלְמָנָה וְגֵר יַהֲרגוּ וִיתוֹמִים יְרַצֵּחוּ: (231 - צד:יב) אַשְׁרֵי הַגֶּבֶר אֲשֶׁר-תְּיַסְּרֶנּוּ יָּהּ וּמִתּוֹרָתְךָ תְלַמְּדֶנּוּ: (232 - צד:יח) אִם-אָמַרְתִּי מָטָה רַגְלִי חַסְדְּךָ יְהוָה יִסְעָדֵנִי: (233 - צה:ד) אֲשֶׁר בְּיָדוֹ מֶחְקְרֵי-אָרֶץ וְתוֹעֲפוֹת הָרִים לוֹ: (234 - צה:ה) אֲשֶׁר-לוֹ הַיָּם וְהוּא עָשָׂהוּ וְיַבֶּשֶׁת יָדָיו יָצָרוּ: (235 - צה:ח) אַל-תַּקְשׁוּ לְבַבְכֶם כִּמְרִיבָה כְּיוֹם מַסָּה בַּמִּדְבָּר: (236 - צה:ט) אֲשֶׁר נִסּוּנִי אֲבוֹתֵיכֶם בְּחָנוּנִי גַּם-רָאוּ פָעֳלִי: (237 - צה:י) אַרְבָּעִים שָׁנָה אָקוּט בְּדוֹר וָאמַר עַם תּעֵי לֵבָב הֵם וְהֵם לֹא-יָדְעוּ דְרָכָי: (238 - צה:יא) אֲשֶׁר-נִשְׁבַּעְתִּי בְאַפִּי אִם-יְבאוּן אֶל-מְנוּחָתִי: (239 - צו:י) אִמְרוּ בַגּוֹיִם יְהוָה מָלָךְ אַף-תִּכּוֹן תֵּבֵל בַּל-תִּמּוֹט יָדִין עַמִּים בְּמֵישָׁרִים: (240 - צז:ג) אֵשׁ לְפָנָיו תֵּלֵךְ וּתְלַהֵט סָבִיב צָרָיו: (241 - צז:י) אהֲבֵי יְהוָה שִׂנְאוּ רָע שׁמֵר נַפְשׁוֹת חֲסִידָיו מִיַּד רְשָׁעִים יַצִּילֵם: (242 - צז:יא) אוֹר זָרֻעַ לַצַּדִּיק וּלְיִשְׁרֵי-לֵב שִׂמְחָה: (243 - קא:ב) אַשְׂכִּילָה בְּדֶרֶךְ תָּמִים מָתַי תָּבוֹא אֵלָי אֶתְהַלֵּךְ בְּתָם-לְבָבִי בְּקֶרֶב בֵּיתִי: (244 - קב:ג) אַל-תַּסְתֵּר פָּנֶיךָ מִמֶּנִּי בְּיוֹם צַר לִי הַטֵּה-אֵלַי אָזְנֶךָ בְּיוֹם אֶקְרָא מַהֵר עֲנֵנִי: (245 - קב:יד) אַתָּה תָקוּם תְּרַחֵם צִיּוֹן כִּי-עֵת לְחֶנְנָהּ כִּי-בָא מוֹעֵד: (246 - קב:כה) אמַר אֵלִי אַל-תַּעֲלֵנִי בַּחֲצִי יָמָי בְּדוֹר דּוֹרִים שְׁנוֹתֶיךָ: (247 - קג:טו) אֱנוֹשׁ כֶּחָצִיר יָמָיו כְּצִיץ הַשָּׂדֶה כֵּן יָצִיץ: (248 - קד:יז) אֲשֶׁר-שָׁם צִפֳּרִים יְקַנֵּנוּ חֲסִידָה בְּרוֹשִׁים בֵּיתָהּ: (249 - קד:לג) אָשִׁירָה לַיהוָה בְּחַיָּי אֲזַמְּרָה לֵאלֹהַי בְּעוֹדִי: (250 - קה:ט) אֲשֶׁר כָּרַת אֶת-אַבְרָהָם וּשְׁבוּעָתוֹ לְיִשְׂחָק: (251 - קה:טו) אַל-תִּגְּעוּ בִמְשִׁיחָי וְלִנְבִיאַי אַל-תָּרֵעוּ: (252 - קה:לא) אָמַר וַיָּבא עָרב כִּנִּים בְּכָל-גְּבוּלָם: (253 - קה:לד) אָמַר וַיָּבא אַרְבֶּה וְיֶלֶק וְאֵין מִסְפָּר: (254 - קו:ג) אַשְׁרֵי שׁמְרֵי מִשְׁפָּט עשֵׂה צְדָקָה בְכָל-עֵת: (255 - קו:ז) אֲבוֹתֵינוּ בְמִצְרַיִם לֹא-הִשְׂכִּילוּ נִפְלְאוֹתֶיךָ לֹא זָכְרוּ אֶת-רב חֲסָדֶיךָ וַיַּמְרוּ עַל-יָם בְּיַם-סוּף: (256 - קז:יז) אֱוִלִים מִדֶּרֶךְ פִּשְׁעָם וּמֵעֲוֹנתֵיהֶם יִתְעַנּוּ: (257 - קז:לד) אֶרֶץ פְּרִי לִמְלֵחָה מֵרָעַת יוֹשְׁבֵי בָהּ: (258 - קח:ד) אוֹדְךָ בָעַמִּים יְהוָה וַאֲזַמֶּרְךָ בַּלְאֻמִּים: (259 - קח:ח) אֱלֹהִים דִּבֶּר בְּקָדְשׁוֹ אֶעֱלֹזָה אֲחַלְּקָה שְׁכֶם וְעֵמֶק סֻכּוֹת אֲמַדֵּד: (260 - קט:יב) אַל-יְהִי-לוֹ משֵׁךְ חָסֶד וְאַל-יְהִי חוֹנֵן לִיתוֹמָיו: (261 - קט:ל) אוֹדֶה יְהוָה מְאד בְּפִי וּבְתוֹךְ רַבִּים אֲהַלְלֶנּוּ: (262 - קי:ה) אֲדנָי עַל-יְמִינְךָ מָחַץ בְּיוֹם-אַפּוֹ מְלָכִים: (263 - קטו:ו) אָזְנַיִם לָהֶם וְלֹא יִשְׁמָעוּ אַף לָהֶם וְלֹא יְרִיחוּן: (264 - קטז:א) אָהַבְתִּי כִּי-יִשְׁמַע יְהוָה אֶת-קוֹלִי תַּחֲנוּנָי: (265 - קטז:ג) אֲפָפוּנִי חֶבְלֵי-מָוֶת וּמְצָרֵי שְׁאוֹל מְצָאוּנִי צָרָה וְיָגוֹן אֶמְצָא: (266 - קטז:ט) אֶתְהַלֵּךְ לִפְנֵי יְהוָה בְּאַרְצוֹת הַחַיִּים: (267 - קטז:יא) אֲנִי אָמַרְתִּי בְחָפְזִי כָּל-הָאָדָם כּזֵב: (268 - קטז:טז) אָנָּה יְהוָה כִּי-אֲנִי עַבְדֶּךָ אֲנִי עַבְדְּךָ בֶּן-אֲמָתֶךָ פִּתַּחְתָּ לְמוֹסֵרָי: (269 - קיח:כא) אוֹדְךָ כִּי עֲנִיתָנִי וַתְּהִי-לִי לִישׁוּעָה: (270 - קיח:כב) אֶבֶן מָאֲסוּ הַבּוֹנִים הָיְתָה לְראשׁ פִּנָּה: (271 - קיח:כה) אָנָּא יְהוָה הוֹשִׁיעָה נָּא אָנָּא יְהוָה הַצְלִיחָה נָּא: (272 - קיח:כז) אֵל יְהוָה וַיָּאֶר לָנוּ אִסְרוּ-חַג בַּעֲבתִים עַד קַרְנוֹת הַמִּזְבֵּחַ: (273 - קיח:כח) אֵלִי אַתָּה וְאוֹדֶךָּ אֱלֹהַי אֲרוֹמְמֶךָּ: (274 - קיט:א) אַשְׁרֵי תְמִימֵי-דָרֶךְ הַהלְכִים בְּתוֹרַת יְהוָה: (275 - קיט:ב) אַשְׁרֵי נצְרֵי עֵדתָיו בְּכָל-לֵב יִדְרְשׁוּהוּ: (276 - קיט:ג) אַף לֹא-פָעֲלוּ עַוְלָה בִּדְרָכָיו הָלָכוּ: (277 - קיט:ד) אַתָּה צִוִּיתָה פִקֻּדֶיךָ לִשְׁמר מְאד: (278 - קיט:ה) אַחֲלַי יִכּנוּ דְּרָכָי לִשְׁמר חֻקֶּיךָ: (279 - קיט:ו) אָז לֹא-אֵבוֹשׁ בְּהַבִּיטִי אֶל-כָּל-מִצְוֹתֶיךָ: (280 - קיט:ז) אוֹדְךָ בְּישֶׁר לֵבָב בְּלָמְדִי מִשְׁפְּטֵי צִדְקֶךָ: (281 - קיט:ח) אֶת-חֻקֶּיךָ אֶשְׁמר אַל-תַּעַזְבֵנִי עַד-מְאד: (282 - קכ:ה) אוֹיָה לִי כִּי-גַרְתִּי מֶשֶׁךְ שָׁכַנְתִּי עִם-אָהֳלֵי קֵדָר: (283 - קכ:ז) אֲנִי-שָׁלוֹם וְכִי אֲדַבֵּר הֵמָּה לַמִּלְחָמָה: (284 - קכא:ג) אַל-יִתֵּן לַמּוֹט רַגְלֶךָ אַל-יָנוּם שׁמְרֶךָ: (285 - קכד:ג) אֲזַי חַיִּים בְּלָעוּנוּ בַּחֲרוֹת אַפָּם בָּנוּ: (286 - קכד:ד) אֲזַי הַמַּיִם שְׁטָפוּנוּ נַחְלָה עָבַר עַל-נַפְשֵׁנוּ: (287 - קכד:ה) אֲזַי עָבַר עַל-נַפְשֵׁנוּ הַמַּיִם הַזֵּידוֹנִים: (288 - קכו:ב) אָז יִמָּלֵא שְׂחֹק פִּינוּ וּלְשׁוֹנֵנוּ רִנָּה אָז יאמְרוּ בַגּוֹיִם הִגְדִּיל יְהוָה לַעֲשׂוֹת עִם-אֵלֶּה: (289 - קכז:ה) אַשְׁרֵי הַגֶּבֶר אֲשֶׁר מִלֵּא אֶת-אַשְׁפָּתוֹ מֵהֶם לֹא יֵבשׁוּ כִּי-יְדַבְּרוּ אֶת-אוֹיְבִים בַּשָּׁעַר: (290 - קכח:ג) אֶשְׁתְּךָ כְּגֶפֶן פּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶךָ: (291 - קל:ב) אֲדנָי שִׁמְעָה בְקוֹלִי תִּהְיֶינָה אָזְנֶיךָ קַשֻּׁבוֹת לְקוֹל תַּחֲנוּנָי: (292 - קל:ג) אִם-עֲוֹנוֹת תִּשְׁמָר-יָהּ אֲדנָי מִי יַעֲמד: (293 - קלא:ב) אִם-לֹא שִׁוִּיתִי וְדוֹמַמְתִּי נַפְשִׁי כְּגָמֻל עֲלֵי אִמּוֹ כַּגָּמֻל עָלַי נַפְשִׁי: (294 - קלב:ב) אֲשֶׁר-נִשְׁבַּע לַיהוָה נָדַר לַאֲבִיר יַעֲקב: (295 - קלב:ג) אִם-אָבא בְּאהֶל בֵּיתִי אִם-אֶעֱלֶה עַל-עֶרֶשׂ יְצוּעָי: (296 - קלב:ד) אִם-אֶתֵּן שְׁנָת לְעֵינָי לְעַפְעַפַּי תְּנוּמָה: (297 - קלב:יב) אִם-יִשְׁמְרוּ בָנֶיךָ בְּרִיתִי וְעֵדתִי זוֹ אֲלַמְּדֵם גַּם-בְּנֵיהֶם עֲדֵי-עַד יֵשְׁבוּ לְכִסֵּא-לָךְ: (298 - קלב:יח) אוֹיְבָיו אַלְבִּישׁ בּשֶׁת וְעָלָיו יָצִיץ נִזְרוֹ: (299 - קלה:יז) אָזְנַיִם לָהֶם וְלֹא יַאֲזִינוּ אַף אֵין יֶשׁ-רוּחַ בְּפִיהֶם: (300 - קלו:ח) אֶת-הַשֶּׁמֶשׁ לְמֶמְשֶׁלֶת בַּיּוֹם כִּי לְעוֹלָם חַסְדּוֹ: (301 - קלו:ט) אֶת-הַיָּרֵחַ וְכוֹכָבִים לְמֶמְשְׁלוֹת בַּלָּיְלָה כִּי לְעוֹלָם חַסְדּוֹ: (302 - קלז:ד) אֵיךְ נָשִׁיר אֶת-שִׁיר יְהוָה עַל אַדְמַת נֵכָר: (303 - קלז:ה) אִם-אֶשְׁכָּחֵךְ יְרוּשָׁלָם תִּשְׁכַּח יְמִינִי: (304 - קלז:ט) אַשְׁרֵי שֶׁיּאחֵז וְנִפֵּץ אֶת-עלָלַיִךְ אֶל-הַסָּלַע: (305 - קלח:ב) אֶשְׁתַּחֲוֶה אֶל-הֵיכַל קָדְשְׁךָ וְאוֹדֶה אֶת-שְׁמֶךָ עַל-חַסְדְּךָ וְעַל-אֲמִתֶּךָ כִּי-הִגְדַּלְתָּ עַל-כָּל-שִׁמְךָ אִמְרָתֶךָ: (306 - קלח:ז) אִם-אֵלֵךְ בְּקֶרֶב צָרָה תְּחַיֵּנִי עַל אַף איְבַי תִּשְׁלַח יָדֶךָ וְתוֹשִׁיעֵנִי יְמִינֶךָ: (307 - קלט:ב) אַתָּה יָדַעְתָּ שִׁבְתִּי וְקוּמִי בַּנְתָּה לְרֵעִי מֵרָחוֹק: (308 - קלט:ג) אָרְחִי וְרִבְעִי זֵרִיתָ וְכָל-דְּרָכַי הִסְכַּנְתָּה: (309 - קלט:ה) אָחוֹר וָקֶדֶם צַרְתָּנִי וַתָּשֶׁת עָלַי כַּפֶּכָה: (310 - קלט:ז) אָנָה אֵלֵךְ מֵרוּחֶךָ וְאָנָה מִפָּנֶיךָ אֶבְרָח: (311 - קלט:ח) אִם-אֶסַּק שָׁמַיִם שָׁם אָתָּה וְאַצִּיעָה שְּׁאוֹל הִנֶּךָּ: (312 - קלט:ט) אֶשָּׂא כַנְפֵי-שָׁחַר אֶשְׁכְּנָה בְּאַחֲרִית יָם: (313 - קלט:יד) אוֹדְךָ עַל כִּי נוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי ידַעַת מְאד: (314 - קלט:יח) אֶסְפְּרֵם מֵחוֹל יִרְבּוּן הֱקִיצתִי וְעוֹדִי עִמָּךְ: (315 - קלט:יט) אִם-תִּקְטל אֱלוֹהַּ רָשָׁע וְאַנְשֵׁי דָמִים סוּרוּ מֶנִּי: (316 - קלט:כ) אֲשֶׁר ימְרוּךָ לִמְזִמָּה נָשׂוּא לַשָּׁוְא עָרֶיךָ: (317 - קמ:ג) אֲשֶׁר חָשְׁבוּ רָעוֹת בְּלֵב כָּל-יוֹם יָגוּרוּ מִלְחָמוֹת: (318 - קמ:ז) אָמַרְתִּי לַיהוָה אֵלִי אָתָּה הַאֲזִינָה יְהוָה קוֹל תַּחֲנוּנָי: (319 - קמ:ט) אַל-תִּתֵּן יְהוָה מַאֲוַיֵּי רָשָׁע זְמָמוֹ אַל-תָּפֵק יָרוּמוּ סֶלָה: (320 - קמ:יב) אִישׁ לָשׁוֹן בַּל-יִכּוֹן בָּאָרֶץ אִישׁ-חָמָס רָע יְצוּדֶנּוּ לְמַדְחֵפת: (321 - קמ:יד) אַךְ צַדִּיקִים יוֹדוּ לִשְׁמֶךָ יֵשְׁבוּ יְשָׁרִים אֶת-פָּנֶיךָ: (322 - קמא:ד) אַל-תַּט לִבִּי לְדָבָר רָע לְהִתְעוֹלֵל עֲלִלוֹת בְּרֶשַׁע אֶת-אִישִׁים פּעֲלֵי-אָוֶן וּבַל-אֶלְחַם בְּמַנְעַמֵּיהֶם: (323 - קמב:ג) אֶשְׁפּךְ לְפָנָיו שִׂיחִי צָרָתִי לְפָנָיו אַגִּיד: (324 - קמד:ד) אָדָם לַהֶבֶל דָּמָה יָמָיו כְּצֵל עוֹבֵר: (325 - קמד:ח) אֲשֶׁר-פִּיהֶם דִּבֶּר-שָׁוְא וִימִינָם יְמִין שָׁקֶר: (326 - קמד:ט) אֱלֹהִים שִׁיר חָדָשׁ אָשִׁירָה לָּךְ בְּנֵבֶל עָשׂוֹר אֲזַמְּרָה-לָּךְ: (327 - קמד:יב) אֲשֶׁר בָּנֵינוּ כִּנְטִעִים מְגֻדָּלִים בִּנְעוּרֵיהֶם בְּנוֹתֵינוּ כְזָוִיּת מְחֻטָּבוֹת תַּבְנִית הֵיכָל: (328 - קמד:יד) אַלּוּפֵינוּ מְסֻבָּלִים אֵין פֶּרֶץ וְאֵין יוֹצֵאת וְאֵין צְוָחָה בִּרְחֹבתֵינוּ: (329 - קמד:טו) אַשְׁרֵי הָעָם שֶׁכָּכָה לּוֹ אַשְׁרֵי הָעָם שֶׁיְהוָה אֱלֹהָיו: (330 - קמו:ב) אֲהַלְלָה יְהוָה בְּחַיָּי אֲזַמְּרָה לֵאלֹהַי בְּעוֹדִי: (331 - קמו:ג) אַל-תִּבְטְחוּ בִנְדִיבִים בְּבֶן-אָדָם שֶׁאֵין לוֹ תְשׁוּעָה: (332 - קמו:ה) אַשְׁרֵי שֶׁאֵל יַעֲקב בְּעֶזְרוֹ שִׂבְרוֹ עַל-יְהוָה אֱלֹהָיו: (333 - קמח:ח) אֵשׁ וּבָרָד שֶׁלֶג וְקִיטוֹר רוּחַ סְעָרָה עשָׂה דְבָרוֹ:
|
|
|
|
|