|
אות ו
(1 - א:ג) וְהָיָה כְּעֵץ שָׁתוּל עַל-פַּלְגֵי מָיִם אֲשֶׁר פִּרְיוֹ יִתֵּן בְּעִתּוֹ וְעָלֵהוּ לֹא יִבּוֹל וְכל אֲשֶׁר-יַעֲשֶׂה יַצְלִיחַ: (2 - ב:ו) וַאֲנִי נָסַכְתִּי מַלְכִּי עַל-צִיּוֹן הַר-קָדְשִׁי: (3 - ב:י) וְעַתָּה מְלָכִים הַשְׂכִּילוּ הִוָּסְרוּ שׁפְטֵי אָרֶץ: (4 - ג:ד) וְאַתָּה יְהוָה מָגֵן בַּעֲדִי כְּבוֹדִי וּמֵרִים ראשִׁי: (5 - ד:ד) וּדְעוּ כִּי-הִפְלָה יְהוָה חָסִיד לוֹ יְהוָה יִשְׁמַע בְּקָרְאִי אֵלָיו: (6 - ה:ח) וַאֲנִי בְּרב חַסְדְּךָ אָבוֹא בֵיתֶךָ אֶשְׁתַּחֲוֶה אֶל-הֵיכַל קָדְשְׁךָ בְּיִרְאָתֶךָ: (7 - ה:יב) וְיִשְׂמְחוּ כָל-חוֹסֵי בָךְ לְעוֹלָם יְרַנֵּנוּ וְתָסֵךְ עָלֵימוֹ וְיַעְלְצוּ בְךָ אהֲבֵי שְׁמֶךָ: (8 - ו:ד) וְנַפְשִׁי נִבְהֲלָה מְאד וְאַתָּה יְהוָה עַד-מָתָי: (9 - ז:ח) וַעֲדַת לְאֻמִּים תְּסוֹבְבֶךָּ וְעָלֶיהָ לַמָּרוֹם שׁוּבָה: (10 - ז:יד) וְלוֹ הֵכִין כְּלֵי-מָוֶת חִצָּיו לְדלְקִים יִפְעָל: (11 - ח:ו) וַתְּחַסְּרֵהוּ מְעַט מֵאֱלֹהִים וְכָבוֹד וְהָדָר תְּעַטְּרֵהוּ: (12 - ט:ח) וַיהוָה לְעוֹלָם יֵשֵׁב כּוֹנֵן לַמִּשְׁפָּט כִּסְאוֹ: (13 - ט:ט) וְהוּא יִשְׁפּט-תֵּבֵל בְּצֶדֶק יָדִין לְאֻמִּים בְּמֵישָׁרִים: (14 - ט:י) וִיהִי יְהוָה מִשְׂגָּב לַדָּךְ מִשְׂגָּב לְעִתּוֹת בַּצָּרָה: (15 - ט:יא) וְיִבְטְחוּ בְךָ יוֹדְעֵי שְׁמֶךָ כִּי לֹא-עָזַבְתָּ דּרְשֶׁיךָ יְהוָה: (16 - יג:ו) וַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ אָשִׁירָה לַיהוָה כִּי גָמַל עָלָי: (17 - יח:ב) וַיּאמַר אֶרְחָמְךָ יְהוָה חִזְקִי: (18 - יח:ח) וַתִּגְעַשׁ וַתִּרְעַשׁ הָאָרֶץ וּמוֹסְדֵי הָרִים יִרְגָּזוּ וַיִּתְגָּעֲשׁוּ כִּי חָרָה לוֹ: (19 - יח:י) וַיֵּט שָׁמַיִם וַיֵּרַד וַעֲרָפֶל תַּחַת רַגְלָיו: (20 - יח:יא) וַיִּרְכַּב עַל-כְּרוּב וַיָּעף וַיֵּדֶא עַל-כַּנְפֵי-רוּחַ: (21 - יח:יד) וַיַּרְעֵם בַּשָּׁמַיִם יְהוָה וְעֶלְיוֹן יִתֵּן קלוֹ בָּרָד וְגַחֲלֵי-אֵשׁ: (22 - יח:טו) וַיִּשְׁלַח חִצָּיו וַיְפִיצֵם וּבְרָקִים רָב וַיְהֻמֵּם: (23 - יח:טז) וַיֵּרָאוּ אֲפִיקֵי מַיִם וַיִּגָּלוּ מוֹסְדוֹת תֵּבֵל מִגַּעֲרָתְךָ יְהוָה מִנִּשְׁמַת רוּחַ אַפֶּךָ: (24 - יח:כ) וַיּוֹצִיאֵנִי לַמֶּרְחָב יְחַלְּצֵנִי כִּי חָפֵץ בִּי: (25 - יח:כד) וָאֱהִי תָמִים עִמּוֹ וָאֶשְׁתַּמֵּר מֵעֲוֹנִי: (26 - יח:כה) וַיָּשֶׁב-יְהוָה לִי כְצִדְקִי כְּבר יָדַי לְנֶגֶד עֵינָיו: (27 - יח:לו) וַתִּתֶּן-לִי מָגֵן יִשְׁעֶךָ וִימִינְךָ תִסְעָדֵנִי וְעַנְוָתְךָ תַרְבֵּנִי: (28 - יח:מ) וַתְּאַזְּרֵנִי חַיִל לַמִּלְחָמָה תַּכְרִיעַ קָמַי תַּחְתָּי: (29 - יח:מא) וְאיְבַי נָתַתָּה לִּי ערֶף וּמְשַׂנְאַי אַצְמִיתֵם: (30 - יח:מג) וְאֶשְׁחָקֵם כְּעָפָר עַל-פְּנֵי-רוּחַ כְּטִיט חוּצוֹת אֲרִיקֵם: (31 - יט:ו) וְהוּא כְּחָתָן יצֵא מֵחֻפָּתוֹ יָשִׂישׂ כְּגִבּוֹר לָרוּץ ארַח: (32 - כב:ד) וְאַתָּה קָדוֹשׁ יוֹשֵׁב תְּהִלּוֹת יִשְׂרָאֵל: (33 - כב:ז) וְאָנכִי תוֹלַעַת וְלֹא-אִישׁ חֶרְפַּת אָדָם וּבְזוּי עָם: (34 - כב:כ) וְאַתָּה יְהוָה אַל-תִּרְחָק אֱיָלוּתִי לְעֶזְרָתִי חוּשָׁה: (35 - כו:יא) וַאֲנִי בְּתֻמִּי אֵלֵךְ פְּדֵנִי וְחָנֵּנִי: (36 - כז:ו) וְעַתָּה יָרוּם ראשִׁי עַל-איְבַי סְבִיבוֹתַי וְאֶזְבְּחָה בְאָהֳלוֹ זִבְחֵי תְרוּעָה אָשִׁירָה וַאֲזַמְּרָה לַיהוָה: (37 - כט:ו) וַיַּרְקִידֵם כְּמוֹ-עֵגֶל לְבָנוֹן וְשִׂרְיוֹן כְּמוֹ בֶן-רְאֵמִים: (38 - ל:ז) וַאֲנִי אָמַרְתִּי בְשַׁלְוִי בַּל-אֶמּוֹט לְעוֹלָם: (39 - לא:ט) וְלֹא הִסְגַּרְתַּנִי בְּיַד-אוֹיֵב הֶעֱמַדְתָּ בַמֶּרְחָב רַגְלָי: (40 - לא:טו) וַאֲנִי עָלֶיךָ בָטַחְתִּי יְהוָה אָמַרְתִּי אֱלֹהַי אָתָּה: (41 - לא:כג) וַאֲנִי אָמַרְתִּי בְחָפְזִי נִגְרַזְתִּי מִנֶּגֶד עֵינֶיךָ אָכֵן שָׁמַעְתָּ קוֹל תַּחֲנוּנַי בְּשַׁוְּעִי אֵלֶיךָ: (42 - לה:ג) וְהָרֵק חֲנִית וּסְגר לִקְרַאת רדְפָי אֱמר לְנַפְשִׁי יְשֻׁעָתֵךְ אָנִי: (43 - לה:ט) וְנַפְשִׁי תָּגִיל בַּיהוָה תָּשִׂישׂ בִּישׁוּעָתוֹ: (44 - לה:יג) וַאֲנִי בַּחֲלוֹתָם לְבוּשִׁי שָׂק עִנֵּיתִי בַצּוֹם נַפְשִׁי וּתְפִלָּתִי עַל-חֵיקִי תָשׁוּב: (45 - לה:טו) וּבְצַלְעִי שָׂמְחוּ וְנֶאֱסָפוּ נֶאֶסְפוּ עָלַי נֵכִים וְלֹא יָדַעְתִּי קָרְעוּ וְלֹא-דָמּוּ: (46 - לה:כא) וַיַּרְחִיבוּ עָלַי פִּיהֶם אָמְרוּ הֶאָח הֶאָח רָאֲתָה עֵינֵינוּ: (47 - לה:כח) וּלְשׁוֹנִי תֶּהְגֶּה צִדְקֶךָ כָּל-הַיּוֹם תְּהִלָּתֶךָ: (48 - לז:ד) וְהִתְעַנַּג עַל-יְהוָה וְיִתֶּן-לְךָ מִשְׁאֲלֹת לִבֶּךָ: (49 - לז:ו) וְהוֹצִיא כָאוֹר צִדְקֶךָ וּמִשְׁפָּטֶךָ כַּצָּהֳרָיִם: (50 - לז:י) וְעוֹד מְעַט וְאֵין רָשָׁע וְהִתְבּוֹנַנְתָּ עַל-מְקוֹמוֹ וְאֵינֶנּוּ: (51 - לז:יא) וַעֲנָוִים יִירְשׁוּ-אָרֶץ וְהִתְעַנְּגוּ עַל-רב שָׁלוֹם: (52 - לז:לו) וַיַּעֲבר וְהִנֵּה אֵינֶנּוּ וָאֲבַקְשֵׁהוּ וְלֹא נִמְצָא: (53 - לז:לח) וּפשְׁעִים נִשְׁמְדוּ יַחְדָּו אַחֲרִית רְשָׁעִים נִכְרָתָה: (54 - לז:לט) וּתְשׁוּעַת צַדִּיקִים מֵיְהוָה מָעוּזָּם בְּעֵת צָרָה: (55 - לז:מ) וַיַּעְזְרֵם יְהוָה וַיְפַלְּטֵם יְפַלְּטֵם מֵרְשָׁעִים וְיוֹשִׁיעֵם כִּי חָסוּ בוֹ: (56 - לח:יג) וַיְנַקְשׁוּ מְבַקְשֵׁי נַפְשִׁי וְדרְשֵׁי רָעָתִי דִּבְּרוּ הַוּוֹת וּמִרְמוֹת כָּל-הַיּוֹם יֶהְגּוּ: (57 - לח:יד) וַאֲנִי כְחֵרֵשׁ לֹא אֶשְׁמָע וּכְאִלֵּם לֹא יִפְתַּח-פִּיו: (58 - לח:טו) וָאֱהִי כְּאִישׁ אֲשֶׁר לֹא-שׁמֵעַ וְאֵין בְּפִיו תּוֹכָחוֹת: (59 - לח:כ) וְאיְבַי חַיִּים עָצֵמוּ וְרַבּוּ שׂנְאַי שָׁקֶר: (60 - לח:כא) וּמְשַׁלְּמֵי רָעָה תַּחַת טוֹבָה יִשְׂטְנוּנִי תַּחַת רָדֳפִי-טוֹב: (61 - לט:ח) וְעַתָּה מַה-קִּוִּיתִי אֲדנָי תּוֹחַלְתִּי לְךָ הִיא: (62 - מ:ג) וַיַּעֲלֵנִי מִבּוֹר שָׁאוֹן מִטִּיט הַיָּוֵן וַיָּקֶם עַל-סֶלַע רַגְלָי כּוֹנֵן אֲשֻׁרָי: (63 - מ:ד) וַיִּתֵּן בְּפִי שִׁיר חָדָשׁ תְּהִלָּה לֵאלֹהֵינוּ יִרְאוּ רַבִּים וְיִירָאוּ וְיִבְטְחוּ בַּיהוָה: (64 - מ:יח) וַאֲנִי עָנִי וְאֶבְיוֹן אֲדנָי יַחֲשָׁב לִי עֶזְרָתִי וּמְפַלְטִי אַתָּה אֱלֹהַי אַל-תְּאַחַר: (65 - מא:ז) וְאִם-בָּא לִרְאוֹת שָׁוְא יְדַבֵּר לִבּוֹ יִקְבָּץ-אָוֶן לוֹ יֵצֵא לַחוּץ יְדַבֵּר: (66 - מא:יא) וְאַתָּה יְהוָה חָנֵּנִי וַהֲקִימֵנִי וַאֲשַׁלְּמָה לָהֶם: (67 - מא:יג) וַאֲנִי בְּתֻמִּי תָּמַכְתָּ בִּי וַתַּצִּיבֵנִי לְפָנֶיךָ לְעוֹלָם: (68 - מג:ד) וְאָבוֹאָה אֶל-מִזְבַּח אֱלֹהִים אֶל-אֵל שִׂמְחַת גִּילִי וְאוֹדְךָ בְכִנּוֹר אֱלֹהִים אֱלֹהָי: (69 - מה:ה) וַהֲדָרְךָ צְלַח רְכַב עַל-דְּבַר-אֱמֶת וְעַנְוָה-צֶּדֶק וְתוֹרְךָ נוֹרָאוֹת יְמִינֶךָ: (70 - מה:יב) וְיִתְאָו הַמֶּלֶךְ יָפְיֵךְ כִּי-הוּא אֲדנַיִךְ וְהִשְׁתַּחֲוִי-לוֹ: (71 - מה:יג) וּבַת-צר בְּמִנְחָה פָּנַיִךְ יְחַלּוּ עֲשִׁירֵי עָם: (72 - מט:ט) וְיֵקַר פִּדְיוֹן נַפְשָׁם וְחָדַל לְעוֹלָם: (73 - מט:י) וִיחִי-עוֹד לָנֶצַח לֹא יִרְאֶה הַשָּׁחַת: (74 - מט:יג) וְאָדָם בִּיקָר בַּל-יָלִין נִמְשַׁל כַּבְּהֵמוֹת נִדְמוּ: (75 - נ:ו) וַיַּגִּידוּ שָׁמַיִם צִדְקוֹ כִּי-אֱלֹהִים שׁפֵט הוּא סֶלָה: (76 - נ:טו) וּקְרָאֵנִי בְּיוֹם צָרָה אֲחַלֶּצְךָ וּתְכַבְּדֵנִי: (77 - נ:טז) וְלָרָשָׁע אָמַר אֱלֹהִים מַה-לְּךָ לְסַפֵּר חֻקָּי וַתִּשָּׂא בְרִיתִי עֲלֵי-פִיךָ: (78 - נ:יז) וְאַתָּה שָׂנֵאתָ מוּסָר וַתַּשְׁלֵךְ דְּבָרַי אַחֲרֶיךָ: (79 - נב:ח) וְיִרְאוּ צַדִּיקִים וְיִירָאוּ וְעָלָיו יִשְׂחָקוּ: (80 - נב:י) וַאֲנִי כְּזַיִת רַעֲנָן בְּבֵית אֱלֹהִים בָּטַחְתִּי בְחֶסֶד אֱלֹהִים עוֹלָם וָעֶד: (81 - נה:ז) וָאמַר מִי-יִתֶּן-לִּי אֵבֶר כַּיּוֹנָה אָעוּפָה וְאֶשְׁכּנָה: (82 - נה:יד) וְאַתָּה אֱנוֹשׁ כְּעֶרְכִּי אַלּוּפִי וּמְיֻדָּעִי: (83 - נה:כד) וְאַתָּה אֱלֹהִים תּוֹרִדֵם לִבְאֵר שַׁחַת אַנְשֵׁי דָמִים וּמִרְמָה לֹא-יֶחֱצוּ יְמֵיהֶם וַאֲנִי אֶבְטַח-בָּךְ: (84 - נח:יב) וְיאמַר אָדָם אַךְ-פְּרִי לַצַּדִּיק אַךְ יֵשׁ אֱלֹהִים שׁפְטִים בָּאָרֶץ: (85 - נט:ו) וְאַתָּה יְהוָה אֱלֹהִים צְבָאוֹת אֱלֹהֵי יִשְׂרָאֵל הָקִיצָה לִפְקד כָּל-הַגּוֹיִם אַל-תָּחֹן כָּל-בּגְדֵי אָוֶן סֶלָה: (86 - נט:ט) וְאַתָּה יְהוָה תִּשְׂחַק-לָמוֹ תִּלְעַג לְכָל-גּוֹיִם: (87 - נט:טו) וְיָשׁוּבוּ לָעֶרֶב יֶהֱמוּ כַכָּלֶב וִיסוֹבְבוּ עִיר: (88 - נט:יז) וַאֲנִי אָשִׁיר עֻזֶּךָ וַאֲרַנֵּן לַבּקֶר חַסְדֶּךָ כִּי-הָיִיתָ מִשְׂגַּב לִי וּמָנוֹס בְּיוֹם צַר-לִי: (89 - סב:יג) וּלְךָ-אֲדנָי חָסֶד כִּי-אַתָּה תְשַׁלֵּם לְאִישׁ כְּמַעֲשֵׂהוּ: (90 - סג:י) וְהֵמָּה לְשׁוֹאָה יְבַקְשׁוּ נַפְשִׁי יָבאוּ בְּתַחְתִּיּוֹת הָאָרֶץ: (91 - סג:יב) וְהַמֶּלֶךְ יִשְׂמַח בֵּאלֹהִים יִתְהַלֵּל כָּל-הַנִּשְׁבָּע בּוֹ כִּי יִסָּכֵר פִּי דּוֹבְרֵי-שָׁקֶר: (92 - סד:ח) וַיּרֵם אֱלֹהִים חֵץ פִּתְאוֹם הָיוּ מַכּוֹתָם: (93 - סד:ט) וַיַּכְשִׁילֻהוּ עָלֵימוֹ לְשׁוֹנָם יִתְנוֹדְדוּ כָּל-ראֵה בָם: (94 - סד:י) וַיִּירְאוּ כָּל-אָדָם וַיַּגִּידוּ פּעַל אֱלֹהִים וּמַעֲשֵׂהוּ הִשְׂכִּילוּ: (95 - סה:ט) וַיִּירְאוּ ישְׁבֵי קְצָוֹת מֵאוֹתֹתֶיךָ מוֹצָאֵי-בקֶר וָעֶרֶב תַּרְנִין: (96 - סח:ד) וְצַדִּיקִים יִשְׂמְחוּ יַעַלְצוּ לִפְנֵי אֱלֹהִים וְיָשִׂישׂוּ בְשִׂמְחָה: (97 - סט:יא) וָאֶבְכֶּה בַצּוֹם נַפְשִׁי וַתְּהִי לַחֲרָפוֹת לִי: (98 - סט:יב) וָאֶתְּנָה לְבוּשִׁי שָׂק וָאֱהִי לָהֶם לְמָשָׁל: (99 - סט:יד) וַאֲנִי תְפִלָּתִי לְךָ יְהוָה עֵת רָצוֹן אֱלֹהִים בְּרָב-חַסְדֶּךָ עֲנֵנִי בֶּאֱמֶת יִשְׁעֶךָ: (100 - סט:יח) וְאַל-תַּסְתֵּר פָּנֶיךָ מֵעַבְדֶּךָ כִּי-צַר-לִי מַהֵר עֲנֵנִי: (101 - סט:כב) וַיִּתְּנוּ בְּבָרוּתִי ראשׁ וְלִצְמָאִי יַשְׁקוּנִי חֹמֶץ: (102 - סט:ל) וַאֲנִי עָנִי וְכוֹאֵב יְשׁוּעָתְךָ אֱלֹהִים תְּשַׂגְּבֵנִי: (103 - סט:לב) וְתִיטַב לַיהוָה מִשּׁוֹר פָּר מַקְרִן מַפְרִיס: (104 - סט:לז) וְזֶרַע-עֲבָדָיו יִנְחָלוּהָ וְאהֲבֵי שְׁמוֹ יִשְׁכְּנוּ-בָהּ: (105 - ע:ו) וַאֲנִי עָנִי וְאֶבְיוֹן אֱלֹהִים חוּשָׁה לִּי עֶזְרִי וּמְפַלְּטִי אָתָּה יְהוָה אַל-תְּאַחַר: (106 - עא:יד) וַאֲנִי תָּמִיד אֲיַחֵל וְהוֹסַפְתִּי עַל-כָּל-תְּהִלָּתֶךָ: (107 - עא:יח) וְגַם עַד-זִקְנָה וְשֵׂיבָה אֱלֹהִים אַל-תַּעַזְבֵנִי עַד-אַגִּיד זְרוֹעֲךָ לְדוֹר לְכָל-יָבוֹא גְּבוּרָתֶךָ: (108 - עא:יט) וְצִדְקָתְךָ אֱלֹהִים עַד-מָרוֹם אֲשֶׁר-עָשִׂיתָ גְדלוֹת אֱלֹהִים מִי כָמוֹךָ: (109 - עב:ח) וְיֵרְדְּ מִיָּם עַד-יָם וּמִנָּהָר עַד-אַפְסֵי-אָרֶץ: (110 - עב:יא) וְיִשְׁתַּחֲווּ-לוֹ כָל-מְלָכִים כָּל-גּוֹיִם יַעַבְדוּהוּ: (111 - עב:טו) וִיחִי וְיִתֶּן-לוֹ מִזְּהַב שְׁבָא וְיִתְפַּלֵּל בַּעֲדוֹ תָמִיד כָּל-הַיּוֹם יְבָרֲכֶנְהוּ: (112 - עב:יט) וּבָרוּךְ שֵׁם כְּבוֹדוֹ לְעוֹלָם וְיִמָּלֵא כְבוֹדוֹ אֶת-כָּל-הָאָרֶץ אָמֵן וְאָמֵן: (113 - עג:ב) וַאֲנִי כִּמְעַט נָטָיוּ רַגְלָי כְּאַיִן שֻׁפְּכוּ אֲשֻׁרָי: (114 - עג:יא) וְאָמְרוּ אֵיכָה יָדַע-אֵל וְיֵשׁ דֵּעָה בְעֶלְיוֹן: (115 - עג:יד) וָאֱהִי נָגוּעַ כָּל-הַיּוֹם וְתוֹכַחְתִּי לַבְּקָרִים: (116 - עג:טז) וַאֲחַשְּׁבָה לָדַעַת זאת עָמָל הוּא בְעֵינָי: (117 - עג:כב) וַאֲנִי-בַעַר וְלֹא אֵדָע בְּהֵמוֹת הָיִיתִי עִמָּךְ: (118 - עג:כג) וַאֲנִי תָמִיד עִמָּךְ אָחַזְתָּ בְּיַד יְמִינִי: (119 - עג:כח) וַאֲנִי קִרְבַת אֱלֹהִים לִי טוֹב שַׁתִּי בַּאדנָי יֱהוִֹה מַחְסִּי לְסַפֵּר כָּל-מַלְאֲכוֹתֶיךָ: (120 - עד:ו) וְעַתָּה פִּתּוּחֶיהָ יָחַד בְּכַשִּׁיל וְכֵילַפּוֹת יַהֲלֹמוּן: (121 - עד:יב) וֵאלֹהִים מַלְכִּי מִקֶּדֶם פּעֵל יְשׁוּעוֹת בְּקֶרֶב הָאָרֶץ: (122 - עה:י) וַאֲנִי אַגִּיד לְעלָם אֲזַמְּרָה לֵאלֹהֵי יַעֲקב: (123 - עה:יא) וְכָל-קַרְנֵי רְשָׁעִים אֲגַדֵּעַ תְּרוֹמַמְנָה קַרְנוֹת צַדִּיק: (124 - עו:ג) וַיְהִי בְשָׁלֵם סוּכּוֹ וּמְעוֹנָתוֹ בְצִיּוֹן: (125 - עז:יא) וָאמַר חַלּוֹתִי הִיא שְׁנוֹת יְמִין עֶלְיוֹן: (126 - עז:יג) וְהָגִיתִי בְכָל-פָּעֳלֶךָ וּבַעֲלִילוֹתֶיךָ אָשִׂיחָה: (127 - עח:ה) וַיָּקֶם עֵדוּת בְּיַעֲקב וְתוֹרָה שָׂם בְּיִשְׂרָאֵל אֲשֶׁר צִוָּה אֶת-אֲבוֹתֵינוּ לְהוֹדִיעָם לִבְנֵיהֶם: (128 - עח:ז) וְיָשִׂימוּ בֵאלֹהִים כִּסְלָם וְלֹא יִשְׁכְּחוּ מַעַלְלֵי-אֵל וּמִצְוֹתָיו יִנְצרוּ: (129 - עח:ח) וְלֹא יִהְיוּ כַּאֲבוֹתָם דּוֹר סוֹרֵר וּמרֶה דּוֹר לֹא-הֵכִין לִבּוֹ וְלֹא-נֶאֶמְנָה אֶת-אֵל רוּחוֹ: (130 - עח:יא) וַיִּשְׁכְּחוּ עֲלִילוֹתָיו וְנִפְלְאוֹתָיו אֲשֶׁר הֶרְאָם: (131 - עח:יד) וַיַּנְחֵם בֶּעָנָן יוֹמָם וְכָל-הַלַּיְלָה בְּאוֹר אֵשׁ: (132 - עח:טז) וַיּוֹצִא נוֹזְלִים מִסָּלַע וַיּוֹרֶד כַּנְּהָרוֹת מָיִם: (133 - עח:יז) וַיּוֹסִיפוּ עוֹד לַחֲטא-לוֹ לַמְרוֹת עֶלְיוֹן בַּצִּיָּה: (134 - עח:יח) וַיְנַסּוּ-אֵל בִּלְבָבָם לִשְׁאָל-אכֶל לְנַפְשָׁם: (135 - עח:יט) וַיְדַבְּרוּ בֵּאלֹהִים אָמְרוּ הֲיוּכַל אֵל לַעֲרךְ שֻׁלְחָן בַּמִּדְבָּר: (136 - עח:כג) וַיְצַו שְׁחָקִים מִמָּעַל וְדַלְתֵי שָׁמַיִם פָּתָח: (137 - עח:כד) וַיַּמְטֵר עֲלֵיהֶם מָן לֶאֱכל וּדְגַן שָׁמַיִם נָתַן לָמוֹ: (138 - עח:כז) וַיַּמְטֵר עֲלֵיהֶם כֶּעָפָר שְׁאֵר וּכְחוֹל יַמִּים עוֹף כָּנָף: (139 - עח:כח) וַיַּפֵּל בְּקֶרֶב מַחֲנֵהוּ סָבִיב לְמִשְׁכְּנתָיו: (140 - עח:כט) וַיּאכְלוּ וַיִּשְׂבְּעוּ מְאד וְתַאֲוָתָם יָבִא לָהֶם: (141 - עח:לא) וְאַף אֱלֹהִים עָלָה בָהֶם וַיַּהֲרג בְּמִשְׁמַנֵּיהֶם וּבַחוּרֵי יִשְׂרָאֵל הִכְרִיעַ: (142 - עח:לג) וַיְכַל-בַּהֶבֶל יְמֵיהֶם וּשְׁנוֹתָם בַּבֶּהָלָה: (143 - עח:לה) וַיִּזְכְּרוּ כִּי-אֱלֹהִים צוּרָם וְאֵל עֶלְיוֹן גּאֲלָם: (144 - עח:לו) וַיְפַתּוּהוּ בְּפִיהֶם וּבִלְשׁוֹנָם יְכַזְּבוּ-לוֹ: (145 - עח:לז) וְלִבָּם לֹא-נָכוֹן עִמּוֹ וְלֹא נֶאֶמְנוּ בִּבְרִיתוֹ: (146 - עח:לח) וְהוּא רַחוּם יְכַפֵּר עָוֹן וְלֹא יַשְׁחִית וְהִרְבָּה לְהָשִׁיב אַפּוֹ וְלֹא יָעִיר כָּל-חֲמָתוֹ: (147 - עח:לט) וַיִּזְכּר כִּי-בָשָׂר הֵמָּה רוּחַ הוֹלֵךְ וְלֹא יָשׁוּב: (148 - עח:מא) וַיָּשׁוּבוּ וַיְנַסּוּ אֵל וּקְדוֹשׁ יִשְׂרָאֵל הִתְווּ: (149 - עח:מד) וַיַּהֲפךְ לְדָם יְארֵיהֶם וְנוֹזְלֵיהֶם בַּל-יִשְׁתָּיוּן: (150 - עח:מו) וַיִּתֵּן לֶחָסִיל יְבוּלָם וִיגִיעָם לָאַרְבֶּה: (151 - עח:מח) וַיַּסְגֵּר לַבָּרָד בְּעִירָם וּמִקְנֵיהֶם לָרְשָׁפִים: (152 - עח:נא) וַיַּךְ כָּל-בְּכוֹר בְּמִצְרָיִם רֵאשִׁית אוֹנִים בְּאָהֳלֵי-חָם: (153 - עח:נב) וַיַּסַּע כַּצּאן עַמּוֹ וַיְנַהֲגֵם כָּעֵדֶר בַּמִּדְבָּר: (154 - עח:נג) וַיַּנְחֵם לָבֶטַח וְלֹא פָחָדוּ וְאֶת-אוֹיְבֵיהֶם כִּסָּה הַיָּם: (155 - עח:נד) וַיְבִיאֵם אֶל-גְּבוּל קָדְשׁוֹ הַר-זֶה קָנְתָה יְמִינוֹ: (156 - עח:נה) וַיְגָרֶשׁ מִפְּנֵיהֶם גּוֹיִם וַיַּפִּילֵם בְּחֶבֶל נַחֲלָה וַיַּשְׁכֵּן בְּאָהֳלֵיהֶם שִׁבְטֵי יִשְׂרָאֵל: (157 - עח:נו) וַיְנַסּוּ וַיַּמְרוּ אֶת-אֱלֹהִים עֶלְיוֹן וְעֵדוֹתָיו לֹא שָׁמָרוּ: (158 - עח:נז) וַיִּסּגוּ וַיִּבְגְּדוּ כַּאֲבוֹתָם נֶהְפְּכוּ כְּקֶשֶׁת רְמִיָּה: (159 - עח:נח) וַיַּכְעִיסוּהוּ בְּבָמוֹתָם וּבִפְסִילֵיהֶם יַקְנִיאוּהוּ: (160 - עח:ס) וַיִּטּשׁ מִשְׁכַּן שִׁלוֹ אהֶל שִׁכֵּן בָּאָדָם: (161 - עח:סא) וַיִּתֵּן לַשְּׁבִי עֻזּוֹ וְתִפְאַרְתּוֹ בְיַד-צָר: (162 - עח:סב) וַיַּסְגֵּר לַחֶרֶב עַמּוֹ וּבְנַחֲלָתוֹ הִתְעַבָּר: (163 - עח:סה) וַיִּקַץ כְּיָשֵׁן אֲדנָי כְּגִבּוֹר מִתְרוֹנֵן מִיָּיִן: (164 - עח:סו) וַיַּךְ צָרָיו אָחוֹר חֶרְפַּת עוֹלָם נָתַן לָמוֹ: (165 - עח:סז) וַיִּמְאַס בְּאהֶל יוֹסֵף וּבְשֵׁבֶט אֶפְרַיִם לֹא בָחָר: (166 - עח:סח) וַיִּבְחַר אֶת-שֵׁבֶט יְהוּדָה אֶת-הַר-צִיּוֹן אֲשֶׁר אָהֵב: (167 - עח:סט) וַיִּבֶן כְּמוֹ-רָמִים מִקְדָּשׁוֹ כְּאֶרֶץ יְסָדָהּ לְעוֹלָם: (168 - עח:ע) וַיִּבְחַר בְּדָוִד עַבְדּוֹ וַיִּקָּחֵהוּ מִמִּכְלְאת צאן: (169 - עח:עב) וַיִּרְעֵם כְּתֹם לְבָבוֹ וּבִתְבוּנוֹת כַּפָּיו יַנְחֵם: (170 - עט:יב) וְהָשֵׁב לִשְׁכֵנֵינוּ שִׁבְעָתַיִם אֶל-חֵיקָם חֶרְפָּתָם אֲשֶׁר חֵרְפוּךָ אֲדנָי: (171 - עט:יג) וַאֲנַחְנוּ עַמְּךָ וְצאן מַרְעִיתֶךָ נוֹדֶה לְּךָ לְעוֹלָם לְדוֹר וָדר נְסַפֵּר תְּהִלָּתֶךָ: (172 - פ:טז) וְכַנָּה אֲשֶׁר-נָטְעָה יְמִינֶךָ וְעַל-בֵּן אִמַּצְתָּה לָּךְ: (173 - פ:יט) וְלֹא-נָסוֹג מִמֶּךָּ תְּחַיֵּינוּ וּבְשִׁמְךָ נִקְרָא: (174 - פא:יב) וְלֹא-שָׁמַע עַמִּי לְקוֹלִי וְיִשְׂרָאֵל לֹא-אָבָה לִי: (175 - פא:יג) וָאֲשַׁלְּחֵהוּ בִּשְׁרִירוּת לִבָּם יֵלְכוּ בְּמוֹעֲצוֹתֵיהֶם: (176 - פא:יז) וַיַּאֲכִילֵהוּ מֵחֵלֶב חִטָּה וּמִצּוּר דְּבַשׁ אַשְׂבִּיעֶךָּ: (177 - פג:יט) וְיֵדְעוּ כִּי-אַתָּה שִׁמְךָ יְהוָה לְבַדֶּךָ עֶלְיוֹן עַל-כָּל-הָאָרֶץ: (178 - פו:טו) וְאַתָּה אֲדנָי אֵל-רַחוּם וְחַנּוּן אֶרֶךְ אַפַּיִם וְרַב-חֶסֶד וֶאֱמֶת: (179 - פז:ה) וּלְצִיּוֹן יֵאָמַר אִישׁ וְאִישׁ יֻלַּד-בָּהּ וְהוּא יְכוֹנְנֶהָ עֶלְיוֹן: (180 - פז:ז) וְשָׁרִים כְּחֹלְלִים כָּל-מַעְיָנַי בָּךְ: (181 - פח:יד) וַאֲנִי אֵלֶיךָ יְהוָה שִׁוַּעְתִּי וּבַבּקֶר תְּפִלָּתִי תְקַדְּמֶךָּ: (182 - פט:ו) וְיוֹדוּ שָׁמַיִם פִּלְאֲךָ יְהוָה אַף-אֱמוּנָתְךָ בִּקְהַל קְדשִׁים: (183 - פט:כד) וְכַתּוֹתִי מִפָּנָיו צָרָיו וּמְשַׂנְאָיו אֶגּוֹף: (184 - פט:כה) וֶאֱמוּנָתִי וְחַסְדִּי עִמּוֹ וּבִשְׁמִי תָּרוּם קַרְנוֹ: (185 - פט:כו) וְשַׂמְתִּי בַיָּם יָדוֹ וּבַנְּהָרוֹת יְמִינוֹ: (186 - פט:ל) וְשַׂמְתִּי לָעַד זַרְעוֹ וְכִסְאוֹ כִּימֵי שָׁמָיִם: (187 - פט:לג) וּפָקַדְתִּי בְשֵׁבֶט פִּשְׁעָם וּבִנְגָעִים עֲוֹנָם: (188 - פט:לד) וְחַסְדִּי לֹא-אָפִיר מֵעִמּוֹ וְלֹא אֲשַׁקֵּר בֶּאֱמוּנָתִי: (189 - פט:לט) וְאַתָּה זָנַחְתָּ וַתִּמְאָס הִתְעַבַּרְתָּ עִם-מְשִׁיחֶךָ: (190 - צ:יז) וִיהִי נעַם אֲדנָי אֱלֹהֵינוּ עָלֵינוּ וּמַעֲשֵׂה יָדֵינוּ כּוֹנְנָה עָלֵינוּ וּמַעֲשֵׂה יָדֵינוּ כּוֹנְנֵהוּ: (191 - צב:ט) וְאַתָּה מָרוֹם לְעלָם יְהוָה: (192 - צב:יא) וַתָּרֶם כִּרְאֵים קַרְנִי בַּלּתִי בְּשֶׁמֶן רַעֲנָן: (193 - צב:יב) וַתַּבֵּט עֵינִי בְּשׁוּרָי בַּקָּמִים עָלַי מְרֵעִים תִּשְׁמַעְנָה אָזְנָי: (194 - צד:ז) וַיּאמְרוּ לֹא יִרְאֶה-יָּהּ וְלֹא יָבִין אֱלֹהֵי יַעֲקב: (195 - צד:כב) וַיְהִי יְהוָה לִי לְמִשְׂגָּב וֵאלֹהַי לְצוּר מַחְסִי: (196 - צד:כג) וַיָּשֶׁב עֲלֵיהֶם אֶת-אוֹנָם וּבְרָעָתָם יַצְמִיתֵם יַצְמִיתֵם יְהוָה אֱלֹהֵינוּ: (197 - צט:ד) וְעז מֶלֶךְ מִשְׁפָּט אָהֵב אַתָּה כּוֹנַנְתָּ מֵּישָׁרִים מִשְׁפָּט וּצְדָקָה בְּיַעֲקב אַתָּה עָשִׂיתָ: (198 - קב:יג) וְאַתָּה יְהוָה לְעוֹלָם תֵּשֵׁב וְזִכְרְךָ לְדר וָדר: (199 - קב:טז) וְיִירְאוּ גוֹיִם אֶת-שֵׁם יְהוָה וְכָל-מַלְכֵי הָאָרֶץ אֶת-כְּבוֹדֶךָ: (200 - קב:כח) וְאַתָּה-הוּא וּשְׁנוֹתֶיךָ לֹא יִתָּמּוּ: (201 - קג:יז) וְחֶסֶד יְהוָה מֵעוֹלָם וְעַד-עוֹלָם עַל-יְרֵאָיו וְצִדְקָתוֹ לִבְנֵי בָנִים: (202 - קד:טו) וְיַיִן יְשַׂמַּח לְבַב-אֱנוֹשׁ לְהַצְהִיל פָּנִים מִשָּׁמֶן וְלֶחֶם לְבַב-אֱנוֹשׁ יִסְעָד: (203 - קה:י) וַיַּעֲמִידֶהָ לְיַעֲקב לְחֹק לְיִשְׂרָאֵל בְּרִית עוֹלָם: (204 - קה:יג) וַיִּתְהַלְּכוּ מִגּוֹי אֶל-גּוֹי מִמַּמְלָכָה אֶל-עַם אַחֵר: (205 - קה:טז) וַיִּקְרָא רָעָב עַל-הָאָרֶץ כָּל-מַטֵּה-לֶחֶם שָׁבָר: (206 - קה:כג) וַיָּבא יִשְׂרָאֵל מִצְרָיִם וְיַעֲקב גָּר בְּאֶרֶץ-חָם: (207 - קה:כד) וַיֶּפֶר אֶת-עַמּוֹ מְאד וַיַּעֲצִמֵהוּ מִצָּרָיו: (208 - קה:לג) וַיַּךְ גַּפְנָם וּתְאֵנָתָם וַיְשַׁבֵּר עֵץ גְּבוּלָם: (209 - קה:לה) וַיּאכַל כָּל-עֵשֶׂב בְּאַרְצָם וַיּאכַל פְּרִי אַדְמָתָם: (210 - קה:לו) וַיַּךְ כָּל-בְּכוֹר בְּאַרְצָם רֵאשִׁית לְכָל-אוֹנָם: (211 - קה:לז) וַיּוֹצִיאֵם בְּכֶסֶף וְזָהָב וְאֵין בִּשְׁבָטָיו כּוֹשֵׁל: (212 - קה:מג) וַיּוֹצִא עַמּוֹ בְשָׂשׂוֹן בְּרִנָּה אֶת-בְּחִירָיו: (213 - קה:מד) וַיִּתֵּן לָהֶם אַרְצוֹת גּוֹיִם וַעֲמַל לְאֻמִּים יִירָשׁוּ: (214 - קו:ח) וַיּוֹשִׁיעֵם לְמַעַן שְׁמוֹ לְהוֹדִיעַ אֶת-גְּבוּרָתוֹ: (215 - קו:ט) וַיִּגְעַר בְּיַם-סוּף וַיֶּחֱרָב וַיּוֹלִיכֵם בַּתְּהמוֹת כַּמִּדְבָּר: (216 - קו:י) וַיּוֹשִׁיעֵם מִיַּד שׂוֹנֵא וַיִּגְאָלֵם מִיַּד אוֹיֵב: (217 - קו:יא) וַיְכַסּוּ-מַיִם צָרֵיהֶם אֶחָד מֵהֶם לֹא נוֹתָר: (218 - קו:יב) וַיַּאֲמִינוּ בִדְבָרָיו יָשִׁירוּ תְּהִלָּתוֹ: (219 - קו:יד) וַיִּתְאַוּוּ תַאֲוָה בַּמִּדְבָּר וַיְנַסּוּ-אֵל בִּישִׁימוֹן: (220 - קו:טו) וַיִּתֵּן לָהֶם שֶׁאֱלָתָם וַיְשַׁלַּח רָזוֹן בְּנַפְשָׁם: (221 - קו:טז) וַיְקַנְאוּ לְמשֶׁה בַּמַּחֲנֶה לְאַהֲרן קְדוֹשׁ יְהוָה: (222 - קו:יח) וַתִּבְעַר-אֵשׁ בַּעֲדָתָם לֶהָבָה תְּלַהֵט רְשָׁעִים: (223 - קו:כ) וַיָּמִירוּ אֶת-כְּבוֹדָם בְּתַבְנִית שׁוֹר אכֵל עֵשֶׂב: (224 - קו:כג) וַיּאמֶר לְהַשְׁמִידָם לוּלֵי משֶׁה בְחִירוֹ עָמַד בַּפֶּרֶץ לְפָנָיו לְהָשִׁיב חֲמָתוֹ מֵהַשְׁחִית: (225 - קו:כד) וַיִּמְאֲסוּ בְּאֶרֶץ חֶמְדָּה לֹא-הֶאֱמִינוּ לִדְבָרוֹ: (226 - קו:כה) וַיֵּרָגְנוּ בְאָהֳלֵיהֶם לֹא שָׁמְעוּ בְּקוֹל יְהוָה: (227 - קו:כו) וַיִּשָּׂא יָדוֹ לָהֶם לְהַפִּיל אוֹתָם בַּמִּדְבָּר: (228 - קו:כז) וּלְהַפִּיל זַרְעָם בַּגּוֹיִם וּלְזָרוֹתָם בָּאֲרָצוֹת: (229 - קו:כח) וַיִּצָּמְדוּ לְבַעַל פְּעוֹר וַיּאכְלוּ זִבְחֵי מֵתִים: (230 - קו:כט) וַיַּכְעִיסוּ בְּמַעַלְלֵיהֶם וַתִּפְרָץ-בָּם מַגֵּפָה: (231 - קו:ל) וַיַּעֲמד פִּינְחָס וַיְפַלֵּל וַתֵּעָצַר הַמַּגֵּפָה: (232 - קו:לא) וַתֵּחָשֶׁב לוֹ לִצְדָקָה לְדר וָדר עַד-עוֹלָם: (233 - קו:לב) וַיַּקְצִיפוּ עַל-מֵי מְרִיבָה וַיֵּרַע לְמשֶׁה בַּעֲבוּרָם: (234 - קו:לה) וַיִּתְעָרְבוּ בַגּוֹיִם וַיִּלְמְדוּ מַעֲשֵׂיהֶם: (235 - קו:לו) וַיַּעַבְדוּ אֶת-עֲצַבֵּיהֶם וַיִּהְיוּ לָהֶם לְמוֹקֵשׁ: (236 - קו:לז) וַיִּזְבְּחוּ אֶת-בְּנֵיהֶם וְאֶת-בְּנוֹתֵיהֶם לַשֵּׁדִים: (237 - קו:לח) וַיִּשְׁפְּכוּ דָם נָקִי דַּם-בְּנֵיהֶם וּבְנוֹתֵיהֶם אֲשֶׁר זִבְּחוּ לַעֲצַבֵּי כְנָעַן וַתֶּחֱנַף הָאָרֶץ בַּדָּמִים: (238 - קו:לט) וַיִּטְמְאוּ בְמַעֲשֵׂיהֶם וַיִּזְנוּ בְּמַעַלְלֵיהֶם: (239 - קו:מ) וַיִּחַר-אַף יְהוָה בְּעַמּוֹ וַיְתָעֵב אֶת-נַחֲלָתוֹ: (240 - קו:מא) וַיִּתְּנֵם בְּיַד-גּוֹיִם וַיִּמְשְׁלוּ בָהֶם שׂנְאֵיהֶם: (241 - קו:מב) וַיִּלְחָצוּם אוֹיְבֵיהֶם וַיִּכָּנְעוּ תַּחַת יָדָם: (242 - קו:מד) וַיַּרְא בַּצַּר לָהֶם בְּשָׁמְעוֹ אֶת-רִנָּתָם: (243 - קו:מה) וַיִּזְכּר לָהֶם בְּרִיתוֹ וַיִּנָּחֵם כְּרב חֲסָדָיו: (244 - קו:מו) וַיִּתֵּן אוֹתָם לְרַחֲמִים לִפְנֵי כָּל-שׁוֹבֵיהֶם: (245 - קז:ג) וּמֵאֲרָצוֹת קִבְּצָם מִמִּזְרָח וּמִמַּעֲרָב מִצָּפוֹן וּמִיָּם: (246 - קז:ו) וַיִּצְעֲקוּ אֶל-יְהוָה בַּצַּר לָהֶם מִמְּצוּקוֹתֵיהֶם יַצִּילֵם: (247 - קז:ז) וַיַּדְרִיכֵם בְּדֶרֶךְ יְשָׁרָה לָלֶכֶת אֶל-עִיר מוֹשָׁב: (248 - קז:יב) וַיַּכְנַע בֶּעָמָל לִבָּם כָּשְׁלוּ וְאֵין עזֵר: (249 - קז:יג) וַיִּזְעֲקוּ אֶל-יְהוָה בַּצַּר לָהֶם מִמְּצֻקוֹתֵיהֶם יוֹשִׁיעֵם: (250 - קז:יט) וַיִּזְעֲקוּ אֶל-יְהוָה בַּצַּר לָהֶם מִמְּצֻקוֹתֵיהֶם יוֹשִׁיעֵם: (251 - קז:כב) וְיִזְבְּחוּ זִבְחֵי תוֹדָה וִיסַפְּרוּ מַעֲשָׂיו בְּרִנָּה: (252 - קז:כה) וַיּאמֶר וַיַּעֲמֵד רוּחַ סְעָרָה וַתְּרוֹמֵם גַּלָּיו: (253 - קז:כח) וַיִּצְעֲקוּ אֶל-יְהוָה בַּצַּר לָהֶם וּמִמְּצוּקתֵיהֶם יוֹצִיאֵם: (254 - קז:ל) וַיִּשְׂמְחוּ כִי-יִשְׁתּקוּ וַיַּנְחֵם אֶל-מְחוֹז חֶפְצָם: (255 - קז:לב) וִירוֹמְמוּהוּ בִּקְהַל-עָם וּבְמוֹשַׁב זְקֵנִים יְהַלְלוּהוּ: (256 - קז:לו) וַיּוֹשֶׁב שָׁם רְעֵבִים וַיְכוֹנְנוּ עִיר מוֹשָׁב: (257 - קז:לז) וַיִּזְרְעוּ שָׂדוֹת וַיִּטְּעוּ כְרָמִים וַיַּעֲשׂוּ פְּרִי תְבוּאָה: (258 - קז:לח) וַיְבָרֲכֵם וַיִּרְבּוּ מְאד וּבְהֶמְתָּם לֹא יַמְעִיט: (259 - קז:לט) וַיִּמְעֲטוּ וַיָּשׁחוּ מֵעצֶר רָעָה וְיָגוֹן: (260 - קז:מא) וַיְשַׂגֵּב אֶבְיוֹן מֵעוֹנִי וַיָּשֶׂם כַּצּאן מִשְׁפָּחוֹת: (261 - קט:ג) וְדִבְרֵי שִׂנְאָה סְבָבוּנִי וַיִּלָּחֲמוּנִי חִנָּם: (262 - קט:ה) וַיָּשִׂימוּ עָלַי רָעָה תַּחַת טוֹבָה וְשִׂנְאָה תַּחַת אַהֲבָתִי: (263 - קט:י) וְנוֹעַ יָנוּעוּ בָנָיו וְשִׁאֵלוּ וְדָרְשׁוּ מֵחָרְבוֹתֵיהֶם: (264 - קט:יז) וַיֶּאֱהַב קְלָלָה וַתְּבוֹאֵהוּ וְלֹא-חָפֵץ בִּבְרָכָה וַתִּרְחַק מִמֶּנּוּ: (265 - קט:יח) וַיִּלְבַּשׁ קְלָלָה כְּמַדּוֹ וַתָּבא כַמַּיִם בְּקִרְבּוֹ וְכַשֶּׁמֶן בְּעַצְמוֹתָיו: (266 - קט:כא) וְאַתָּה יֱהוִה אֲדנָי עֲשֵׂה-אִתִּי לְמַעַן שְׁמֶךָ כִּי-טוֹב חַסְדְּךָ הַצִּילֵנִי: (267 - קט:כה) וַאֲנִי הָיִיתִי חֶרְפָּה לָהֶם יִרְאוּנִי יְנִיעוּן ראשָׁם: (268 - קט:כז) וְיֵדְעוּ כִּי-יָדְךָ זּאת אַתָּה יְהוָה עֲשִׂיתָהּ: (269 - קטו:ג) וֵאלֹהֵינוּ בַשָּׁמָיִם כּל אֲשֶׁר-חָפֵץ עָשָׂה: (270 - קטו:יח) וַאֲנַחְנוּ נְבָרֵךְ יָהּ מֵעַתָּה וְעַד-עוֹלָם הַלְלוּיָהּ: (271 - קטז:ד) וּבְשֵׁם-יְהוָה אֶקְרָא אָנָּה יְהוָה מַלְּטָה נַפְשִׁי: (272 - קיט:מא) וִיבאֻנִי חֲסָדֶךָ יְהוָה תְּשׁוּעָתְךָ כְּאִמְרָתֶךָ: (273 - קיט:מב) וְאֶעֱנֶה חֹרְפִי דָבָר כִּי-בָטַחְתִּי בִּדְבָרֶךָ: (274 - קיט:מג) וְאַל-תַּצֵּל מִפִּי דְבַר-אֱמֶת עַד-מְאד כִּי לְמִשְׁפָּטֶךָ יִחָלְתִּי: (275 - קיט:מד) וְאֶשְׁמְרָה תוֹרָתְךָ תָמִיד לְעוֹלָם וָעֶד: (276 - קיט:מה) וְאֶתְהַלְּכָה בָרְחָבָה כִּי פִקֻּדֶיךָ דָרָשְׁתִּי: (277 - קיט:מו) וַאֲדַבְּרָה בְעֵדתֶיךָ נֶגֶד מְלָכִים וְלֹא אֵבוֹשׁ: (278 - קיט:מז) וְאֶשְׁתַּעֲשַׁע בְּמִצְוֹתֶיךָ אֲשֶׁר אָהָבְתִּי: (279 - קיט:מח) וְאֶשָּׂא כַפַּי אֶל-מִצְוֹתֶיךָ אֲשֶׁר אָהָבְתִּי וְאָשִׂיחָה בְחֻקֶּיךָ: (280 - קכה:ה) וְהַמַּטִּים עֲקַלְקַלּוֹתָם יוֹלִיכֵם יְהוָה אֶת-פּעֲלֵי הָאָוֶן שָׁלוֹם עַל-יִשְׂרָאֵל: (281 - קכח:ו) וּרְאֵה-בָנִים לְבָנֶיךָ שָׁלוֹם עַל-יִשְׂרָאֵל: (282 - קכט:ח) וְלֹא אָמְרוּ הָעבְרִים בִּרְכַּת יְהוָה אֲלֵיכֶם בֵּרַכְנוּ אֶתְכֶם בְּשֵׁם יְהוָה: (283 - קל:ח) וְהוּא יִפְדֶּה אֶת-יִשְׂרָאֵל מִכּל עֲוֹנוֹתָיו: (284 - קלב:טז) וְכהֲנֶיהָ אַלְבִּישׁ יֶשַׁע וַחֲסִידֶיהָ רַנֵּן יְרַנֵּנוּ: (285 - קלה:יב) וְנָתַן אַרְצָם נַחֲלָה נַחֲלָה לְיִשְׂרָאֵל עַמּוֹ: (286 - קלו:יא) וַיּוֹצֵא יִשְׂרָאֵל מִתּוֹכָם כִּי לְעוֹלָם חַסְדּוֹ: (287 - קלו:יד) וְהֶעֱבִיר יִשְׂרָאֵל בְּתוֹכוֹ כִּי לְעוֹלָם חַסְדּוֹ: (288 - קלו:טו) וְנִעֵר פַּרְעה וְחֵילוֹ בְיַם-סוּף כִּי לְעוֹלָם חַסְדּוֹ: (289 - קלו:יח) וַיַּהֲרג מְלָכִים אַדִּירִים כִּי לְעוֹלָם חַסְדּוֹ: (290 - קלו:כ) וּלְעוֹג מֶלֶךְ הַבָּשָׁן כִּי לְעוֹלָם חַסְדּוֹ: (291 - קלו:כא) וְנָתַן אַרְצָם לְנַחֲלָה כִּי לְעוֹלָם חַסְדּוֹ: (292 - קלו:כד) וַיִּפְרְקֵנוּ מִצָּרֵינוּ כִּי לְעוֹלָם חַסְדּוֹ: (293 - קלח:ה) וְיָשִׁירוּ בְּדַרְכֵי יְהוָה כִּי גָדוֹל כְּבוֹד יְהוָה: (294 - קלט:יא) וָאמַר אַךְ-חֹשֶׁךְ יְשׁוּפֵנִי וְלַיְלָה אוֹר בַּעֲדֵנִי: (295 - קלט:יז) וְלִי מַה-יָּקְרוּ רֵעֶיךָ אֵל מֶה עָצְמוּ רָאשֵׁיהֶם: (296 - קלט:כד) וּרְאֵה אִם-דֶּרֶךְ-עצֶב בִּי וּנְחֵנִי בְּדֶרֶךְ עוֹלָם: (297 - קמג:ב) וְאַל-תָּבוֹא בְמִשְׁפָּט אֶת-עַבְדֶּךָ כִּי לֹא-יִצְדַּק לְפָנֶיךָ כָל-חָי: (298 - קמג:ד) וַתִּתְעַטֵּף עָלַי רוּחִי בְּתוֹכִי יִשְׁתּוֹמֵם לִבִּי: (299 - קמג:יב) וּבְחַסְדְּךָ תַּצְמִית איְבָי וְהַאֲבַדְתָּ כָּל-צרְרֵי נַפְשִׁי כִּי אֲנִי עַבְדֶּךָ: (300 - קמה:ו) וֶעֱזוּז נוֹרְאתֶיךָ יאמֵרוּ וּגְדוּלָּתְךָ אֲסַפְּרֶנָּה: (301 - קמח:ו) וַיַּעֲמִידֵם לָעַד לְעוֹלָם חָק-נָתַן וְלֹא יַעֲבוֹר: (302 - קמח:יד) וַיָּרֶם קֶרֶן לְעַמּוֹ תְּהִלָּה לְכָל-חֲסִידָיו לִבְנֵי יִשְׂרָאֵל עַם קְרבוֹ הַלְלוּיָהּ:
|
|
|
|
|