אות ז
(1 - ד:ו) זִבְחוּ זִבְחֵי-צֶדֶק וּבִטְחוּ אֶל-יְהוָה: (2 - ט:יב) זַמְּרוּ לַיהוָה ישֵׁב צִיּוֹן הַגִּידוּ בָעַמִּים עֲלִילוֹתָיו: (3 - כב:לא) זֶרַע יַעַבְדֶנּוּ יְסֻפַּר לַאדנָי לַדּוֹר: (4 - כד:ו) זֶה דּוֹר דּרְשָׁיו מְבַקְשֵׁי פָנֶיךָ יַעֲקב סֶלָה: (5 - כה:ו) זְכר-רַחֲמֶיךָ יְהוָה וַחֲסָדֶיךָ כִּי מֵעוֹלָם הֵמָּה: (6 - ל:ה) זַמְּרוּ לַיהוָה חֲסִידָיו וְהוֹדוּ לְזֵכֶר קָדְשׁוֹ: (7 - לד:ז) זֶה עָנִי קָרָא וַיהוָה שָׁמֵעַ וּמִכָּל-צָרוֹתָיו הוֹשִׁיעוֹ: (8 - לז:יב) זמֵם רָשָׁע לַצַּדִּיק וְחֹרֵק עָלָיו שִׁנָּיו: (9 - מ:ז) זֶבַח וּמִנְחָה לֹא-חָפַצְתָּ אָזְנַיִם כָּרִיתָ לִּי עוֹלָה וַחֲטָאָה לֹא שָׁאָלְתָּ: (10 - מז:ז) זַמְּרוּ אֱלֹהִים זַמֵּרוּ זַמְּרוּ לְמַלְכֵּנוּ זַמֵּרוּ: (11 - מט:יד) זֶה דַרְכָּם כֶּסֶל לָמוֹ וְאַחֲרֵיהֶם בְּפִיהֶם יִרְצוּ סֶלָה: (12 - נ:יד) זְבַח לֵאלֹהִים תּוֹדָה וְשַׁלֵּם לְעֶלְיוֹן נְדָרֶיךָ: (13 - נ:כג) זבֵחַ תּוֹדָה יְכַבְּדָנְנִי וְשָׂם דֶּרֶךְ אַרְאֶנּוּ בְּיֵשַׁע אֱלֹהִים: (14 - נא:יט) זִבְחֵי אֱלֹהִים רוּחַ נִשְׁבָּרָה לֵב-נִשְׁבָּר וְנִדְכֶּה אֱלֹהִים לֹא תִבְזֶה: (15 - נח:ד) זרוּ רְשָׁעִים מֵרָחֶם תָּעוּ מִבֶּטֶן דּבְרֵי כָזָב: (16 - סו:ב) זַמְּרוּ כְבוֹד-שְׁמוֹ שִׂימוּ כָבוֹד תְּהִלָּתוֹ: (17 - עד:ב) זְכר עֲדָתְךָ קָנִיתָ קֶּדֶם גָּאַלְתָּ שֵׁבֶט נַחֲלָתֶךָ הַר-צִיּוֹן זֶה שָׁכַנְתָּ בּוֹ: (18 - עד:יח) זְכָר-זאת אוֹיֵב חֵרֵף יְהוָה וְעַם-נָבָל נִאֲצוּ שְׁמֶךָ: (19 - עז:יח) זרְמוּ מַיִם עָבוֹת קוֹל נָתְנוּ שְׁחָקִים אַף-חֲצָצֶיךָ יִתְהַלָּכוּ: (20 - פט:לז) זַרְעוֹ לְעוֹלָם יִהְיֶה וְכִסְאוֹ כַשֶּׁמֶשׁ נֶגְדִּי: (21 - פט:מח) זְכָר-אֲנִי מֶה-חָלֶד עַל-מַה-שָּׁוְא בָּרָאתָ כָל-בְּנֵי-אָדָם: (22 - פט:נא) זְכר אֲדנָי חֶרְפַּת עֲבָדֶיךָ שְׂאֵתִי בְחֵיקִי כָּל-רַבִּים עַמִּים: (23 - צ:ה) זְרַמְתָּם שֵׁנָה יִהְיוּ בַּבּקֶר כֶּחָצִיר יַחֲלֹף: (24 - צח:ג) זָכַר חַסְדּוֹ וֶאֱמוּנָתוֹ לְבֵית יִשְׂרָאֵל רָאוּ כָל-אַפְסֵי-אָרֶץ אֵת יְשׁוּעַת אֱלֹהֵינוּ: (25 - צח:ה) זַמְּרוּ לַיהוָה בְּכִנּוֹר בְּכִנּוֹר וְקוֹל זִמְרָה: (26 - קד:כה) זֶה הַיָּם גָּדוֹל וּרְחַב יָדָיִם שָׁם רֶמֶשׂ וְאֵין מִסְפָּר חַיּוֹת קְטַנּוֹת עִם-גְּדלוֹת: (27 - קה:ה) זִכְרוּ נִפְלְאוֹתָיו אֲשֶׁר עָשָׂה מפְתָיו וּמִשְׁפְּטֵי-פִיו: (28 - קה:ו) זֶרַע אַבְרָהָם עַבְדּוֹ בְּנֵי יַעֲקב בְּחִירָיו: (29 - קה:ח) זָכַר לְעוֹלָם בְּרִיתוֹ דָּבָר צִוָּה לְאֶלֶף דּוֹר: (30 - קו:ד) זָכְרֵנִי יְהוָה בִּרְצוֹן עַמֶּךָ פָּקְדֵנִי בִּישׁוּעָתֶךָ: (31 - קט:כ) זאת פְּעֻלַּת שׂטְנַי מֵאֵת יְהוָה וְהַדּבְרִים רָע עַל-נַפְשִׁי: (32 - קיא:ד) זֵכֶר עָשָׂה לְנִפְלְאוֹתָיו חַנּוּן וְרַחוּם יְהוָה: (33 - קיב:ד) זָרַח בַּחֹשֶׁךְ אוֹר לַיְשָׁרִים חַנּוּן וְרַחוּם וְצַדִּיק: (34 - קיח:כ) זֶה-הַשַּׁעַר לַיהוָה צַדִּיקִים יָבאוּ בוֹ: (35 - קיח:כד) זֶה-הַיּוֹם עָשָׂה יְהוָה נָגִילָה וְנִשְׂמְחָה בוֹ: (36 - קיט:מט) זְכָר-דָּבָר לְעַבְדֶּךָ עַל אֲשֶׁר יִחַלְתָּנִי: (37 - קיט:נ) זאת נֶחָמָתִי בְעָנְיִי כִּי אִמְרָתְךָ חִיָּתְנִי: (38 - קיט:נא) זֵדִים הֱלִיצֻנִי עַד-מְאד מִתּוֹרָתְךָ לֹא נָטִיתִי: (39 - קיט:נב) זָכַרְתִּי מִשְׁפָּטֶיךָ מֵעוֹלָם יְהוָה וָאֶתְנֶחָם: (40 - קיט:נג) זַלְעָפָה אֲחָזַתְנִי מֵרְשָׁעִים עזְבֵי תּוֹרָתֶךָ: (41 - קיט:נד) זְמִרוֹת הָיוּ-לִי חֻקֶּיךָ בְּבֵית מְגוּרָי: (42 - קיט:נה) זָכַרְתִּי בַלַּיְלָה שִׁמְךָ יְהוָה וָאֶשְׁמְרָה תּוֹרָתֶךָ: (43 - קיט:נו) זאת הָיְתָה-לִּי כִּי פִקֻּדֶיךָ נָצָרְתִּי: (44 - קלב:יד) זאת-מְנוּחָתִי עֲדֵי-עַד פּה אֵשֵׁב כִּי אִוִּתִיהָ: (45 - קלז:ז) זְכר יְהוָה לִבְנֵי אֱדוֹם אֵת יוֹם יְרוּשָׁלָם הָאמְרִים עָרוּ עָרוּ עַד הַיְסוֹד בָּהּ: (46 - קמב:ו) זָעַקְתִּי אֵלֶיךָ יְהוָה אָמַרְתִּי אַתָּה מַחְסִּי חֶלְקִי בְּאֶרֶץ הַחַיִּים: (47 - קמג:ה) זָכַרְתִּי יָמִים מִקֶּדֶם הָגִיתִי בְכָל-פָּעֳלֶךָ בְּמַעֲשֵׂה יָדֶיךָ אֲשׂוֹחֵחַ: (48 - קמה:ז) זֵכֶר רַב-טוּבְךָ יַבִּיעוּ וְצִדְקָתְךָ יְרַנֵּנוּ:
|