אות ט
(1 - ט:טז) טָבְעוּ גוֹיִם בְּשַׁחַת עָשׂוּ בְּרֶשֶׁת-זוּ טָמָנוּ נִלְכְּדָה רַגְלָם: (2 - כה:ח) טוֹב וְיָשָׁר יְהוָה עַל-כֵּן יוֹרֶה חַטָּאִים בַּדָּרֶךְ: (3 - לד:ט) טַעֲמוּ וּרְאוּ כִּי-טוֹב יְהוָה אַשְׁרֵי הַגֶּבֶר יֶחֱסֶה-בּוֹ: (4 - לז:טז) טוֹב מְעַט לַצַּדִּיק מֵהֲמוֹן רְשָׁעִים רַבִּים: (5 - סט:ג) טָבַעְתִּי בִּיוֵן מְצוּלָה וְאֵין מָעֳמָד בָּאתִי בְמַעֲמַקֵּי-מַיִם וְשִׁבּלֶת שְׁטָפָתְנִי: (6 - צב:ב) טוֹב לְהדוֹת לַיהוָה וּלְזַמֵּר לְשִׁמְךָ עֶלְיוֹן: (7 - קיא:ה) טֶרֶף נָתַן לִירֵאָיו יִזְכּר לְעוֹלָם בְּרִיתוֹ: (8 - קיב:ה) טוֹב אִישׁ חוֹנֵן וּמַלְוֶה יְכַלְכֵּל דְּבָרָיו בְּמִשְׁפָּט: (9 - קיח:ח) טוֹב לַחֲסוֹת בַּיהוָה מִבְּטחַ בָּאָדָם: (10 - קיח:ט) טוֹב לַחֲסוֹת בַּיהוָה מִבְּטחַ בִּנְדִיבִים: (11 - קיט:סה) טוֹב עָשִׂיתָ עִם-עַבְדְּךָ יְהוָה כִּדְבָרֶךָ: (12 - קיט:סו) טוּב טַעַם וָדַעַת לַמְּדֵנִי כִּי בְמִצְוֹתֶיךָ הֶאֱמָנְתִּי: (13 - קיט:סז) טֶרֶם אֶעֱנֶה אֲנִי שׁגֵג וְעַתָּה אִמְרָתְךָ שָׁמָרְתִּי: (14 - קיט:סח) טוֹב אַתָּה וּמֵטִיב לַמְּדֵנִי חֻקֶּיךָ: (15 - קיט:סט) טָפְלוּ עָלַי שֶׁקֶר זֵדִים אֲנִי בְּכָל-לֵב אֶצּר פִּקּוּדֶיךָ: (16 - קיט:ע) טָפַשׁ כַּחֵלֶב לִבָּם אֲנִי תּוֹרָתְךָ שִׁעֲשָׁעְתִּי: (17 - קיט:עא) טוֹב-לִי כִי-עֻנֵּיתִי לְמַעַן אֶלְמַד חֻקֶּיךָ: (18 - קיט:עב) טוֹב לִי תּוֹרַת פִּיךָ מֵאַלְפֵי זָהָב וָכָסֶף: (19 - קמ:ו) טָמְנוּ-גֵאִים פַּח לִי וַחֲבָלִים פָּרְשׂוּ רֶשֶׁת לְיַד מַעְגָּל מקְשִׁים שָׁתוּ-לִי סֶלָה: (20 - קמה:ט) טוֹב-יְהוָה לַכּל וְרַחֲמָיו עַל-כָּל-מַעֲשָׂיו:
|