����� ����"�

(1 - ב:ב) יִתְיַצְּבוּ מַלְכֵי-אֶרֶץ וְרוֹזְנִים נוֹסְדוּ-יָחַד עַל-יְהוָה וְעַל-מְשִׁיחוֹ:
(2 - ב:ד) יוֹשֵׁב בַּשָּׁמַיִם יִשְׂחָק אֲדנָי יִלְעַג-לָמוֹ:
(3 - ג:ב) יְהוָה מָה-רַבּוּ צָרָי רַבִּים קָמִים עָלָי:
(4 - ה:ד) יְהוָה בּקֶר תִּשְׁמַע קוֹלִי בּקֶר אֶעֱרָךְ-לְךָ וַאֲצַפֶּה:
(5 - ה:ט) יְהוָה נְחֵנִי בְצִדְקָתֶךָ לְמַעַן שׁוֹרְרָי הַיְשַׁר לְפָנַי דַּרְכֶּךָ:
(6 - ו:ב) יְהוָה אַל-בְּאַפְּךָ תוֹכִיחֵנִי וְאַל-בַּחֲמָתְךָ תְיַסְּרֵנִי:
(7 - ו:ז) יָגַעְתִּי בְאַנְחָתִי אַשְׂחֶה בְכָל-לַיְלָה מִטָּתִי בְּדִמְעָתִי עַרְשִׂי אַמְסֶה:
(8 - ו:יא) יֵבשׁוּ וְיִבָּהֲלוּ מְאד כָּל-איְבָי יָשֻׁבוּ יֵבשׁוּ רָגַע:
(9 - ז:ב) יְהוָה אֱלֹהַי בְּךָ חָסִיתִי הוֹשִׁיעֵנִי מִכָּל-רדְפַי וְהַצִּילֵנִי:
(10 - ז:ד) יְהוָה אֱלֹהַי אִם-עָשִׂיתִי זאת אִם-יֶשׁ-עָוֶל בְּכַפָּי:
(11 - ז:ו) יִרַדּף אוֹיֵב נַפְשִׁי וְיַשֵּׂג וְיִרְמס לָאָרֶץ חַיָּי וּכְבוֹדִי לֶעָפָר יַשְׁכֵּן סֶלָה:
(12 - ז:ט) יְהוָה יָדִין עַמִּים שָׁפְטֵנִי יְהוָה כְּצִדְקִי וּכְתֻמִּי עָלָי:
(13 - ז:י) יִגְמָר-נָא רַע רְשָׁעִים וּתְכוֹנֵן צַדִּיק וּבחֵן לִבּוֹת וּכְלָיוֹת אֱלֹהִים צַדִּיק:
(14 - ז:יז) יָשׁוּב עֲמָלוֹ בְראשׁוֹ וְעַל-קָדְקֳדוֹ חֲמָסוֹ יֵרֵד:
(15 - ח:ב) יְהוָה אֲדנֵינוּ מָה-אַדִּיר שִׁמְךָ בְּכָל-הָאָרֶץ אֲשֶׁר-תְּנָה הוֹדְךָ עַל-הַשָּׁמָיִם:
(16 - ח:י) יְהוָה אֲדנֵינוּ מָה-אַדִּיר שִׁמְךָ בְּכָל-הָאָרֶץ:
(17 - ט:יח) יָשׁוּבוּ רְשָׁעִים לִשְׁאוֹלָה כָּל-גּוֹיִם שְׁכֵחֵי אֱלֹהִים:
(18 - י:ה) יָחִילוּ דְרָכָיו בְּכָל-עֵת מָרוֹם מִשְׁפָּטֶיךָ מִנֶּגְדּוֹ כָּל-צוֹרְרָיו יָפִיחַ בָּהֶם:
(19 - י:ח) יֵשֵׁב בְּמַאֲרַב חֲצֵרִים בַּמִּסְתָּרִים יַהֲרג נָקִי עֵינָיו לְחֵלְכָה יִצְפּנוּ:
(20 - י:ט) יֶאֱרב בַּמִּסְתָּר כְּאַרְיֵה בְסֻכּה יֶאֱרב לַחֲטוֹף עָנִי יַחְטף עָנִי בְּמָשְׁכוֹ בְרִשְׁתּוֹ:
(21 - י:י) יִדְכֶּה יָשׁחַ וְנָפַל בַּעֲצוּמָיו חֵיל כָּאִים :
(22 - י:טז) יְהוָה מֶלֶךְ עוֹלָם וָעֶד אָבְדוּ גוֹיִם מֵאַרְצוֹ:
(23 - יא:ד) יְהוָה בְּהֵיכַל קָדְשׁוֹ יְהוָה בַּשָּׁמַיִם כִּסְאוֹ עֵינָיו יֶחֱזוּ עַפְעַפָּיו יִבְחֲנוּ בְּנֵי אָדָם:
(24 - יא:ה) יְהוָה צַדִּיק יִבְחָן וְרָשָׁע וְאהֵב חָמָס שָׂנְאָה נַפְשׁוֹ:
(25 - יא:ו) יַמְטֵר עַל-רְשָׁעִים פַּחִים אֵשׁ וְגָפְרִית וְרוּחַ זִלְעָפוֹת מְנָת כּוֹסָם:
(26 - יב:ד) יַכְרֵת יְהוָה כָּל-שִׂפְתֵי חֲלָקוֹת לָשׁוֹן מְדַבֶּרֶת גְּדלוֹת:
(27 - יד:ב) יְהוָה מִשָּׁמַיִם הִשְׁקִיף עַל-בְּנֵי-אָדָם לִרְאוֹת הֲיֵשׁ מַשְׂכִּיל דּרֵשׁ אֶת-אֱלֹהִים:
(28 - טז:ד) יִרְבּוּ עַצְּבוֹתָם אַחֵר מָהָרוּ בַּל-אַסִּיךְ נִסְכֵּיהֶם מִדָּם וּבַל-אֶשָּׂא אֶת-שְׁמוֹתָם עַל-שְׂפָתָי:
(29 - טז:ה) יְהוָה מְנָת חֶלְקִי וְכוֹסִי אַתָּה תּוֹמִיךְ גּוֹרָלִי:
(30 - יח:ג) יְהוָה סַלְעִי וּמְצוּדָתִי וּמְפַלְטִי אֵלִי צוּרִי אֶחֱסֶה-בּוֹ מָגִנִּי וְקֶרֶן יִשְׁעִי מִשְׂגַּבִּי:
(31 - יח:יב) יָשֶׁת חֹשֶׁךְ סִתְרוֹ סְבִיבוֹתָיו סֻכָּתוֹ חֶשְׁכַת-מַיִם עָבֵי שְׁחָקִים:
(32 - יח:יז) יִשְׁלַח מִמָּרוֹם יִקָּחֵנִי יַמְשֵׁנִי מִמַּיִם רַבִּים:
(33 - יח:יח) יַצִּילֵנִי מֵאיְבִי עָז וּמִשּׂנְאַי כִּי-אָמְצוּ מִמֶּנִּי:
(34 - יח:יט) יְקַדְּמוּנִי בְּיוֹם אֵידִי וַיְהִי יְהוָה לְמִשְׁעָן לִי:
(35 - יח:כא) יִגְמְלֵנִי יְהוָה כְּצִדְקִי כְּבר יָדַי יָשִׁיב לִי:
(36 - יח:מב) יְשַׁוְּעוּ וְאֵין מוֹשִׁיעַ עַל-יְהוָה וְלֹא עָנָם:
(37 - יט:ג) יוֹם לְיוֹם יַבִּיעַ אמֶר וְלַיְלָה לְּלַיְלָה יְחַוֶּה-דָּעַת:
(38 - יט:י) יִרְאַת יְהוָה טְהוֹרָה עוֹמֶדֶת לָעַד מִשְׁפְּטֵי-יְהוָה אֱמֶת צָדְקוּ יַחְדָּו:
(39 - יט:טו) יִהְיוּ לְרָצוֹן אִמְרֵי-פִי וְהֶגְיוֹן לִבִּי לְפָנֶיךָ יְהוָה צוּרִי וְגאֲלִי:
(40 - כ:ב) יַעַנְךָ יְהוָה בְּיוֹם צָרָה יְשַׂגֶּבְךָ שֵׁם אֱלֹהֵי יַעֲקב:
(41 - כ:ג) יִשְׁלַח עֶזְרְךָ מִקּדֶשׁ וּמִצִּיּוֹן יִסְעָדֶךָּ:
(42 - כ:ד) יִזְכּר כָּל-מִנְחֹתֶיךָ וְעוֹלָתְךָ יְדַשְּׁנֶה סֶּלָה:
(43 - כ:ה) יִתֶּן-לְךָ כִלְבָבֶךָ וְכָל-עֲצָתְךָ יְמַלֵּא:
(44 - כ:י) יְהוָה הוֹשִׁיעָה הַמֶּלֶךְ יַעֲנֵנוּ בְיוֹם-קָרְאֵנוּ:
(45 - כא:ב) יְהוָה בְּעָזְּךָ יִשְׂמַח-מֶלֶךְ וּבִישׁוּעָתְךָ מַה-יָּגֶל מְאד:
(46 - כב:טז) יָבֵשׁ כַּחֶרֶשׂ כּחִי וּלְשׁוֹנִי מֻדְבָּק מַלְקוֹחָי וְלַעֲפַר-מָוֶת תִּשְׁפְּתֵנִי:
(47 - כב:יט) יְחַלְּקוּ בְגָדַי לָהֶם וְעַל-לְבוּשִׁי יַפִּילוּ גוֹרָל:
(48 - כב:כד) יִרְאֵי יְהוָה הַלְלוּהוּ כָּל-זֶרַע יַעֲקב כַּבְּדוּהוּ וְגוּרוּ מִמֶּנוּ כָּל-זֶרַע יִשְׂרָאֵל:
(49 - כב:כז) יאכְלוּ עֲנָוִים וְיִשְׂבָּעוּ יְהַלְלוּ יְהוָה דּרְשָׁיו יְחִי לְבַבְכֶם לָעַד:
(50 - כב:כח) יִזְכְּרוּ וְיָשֻׁבוּ אֶל-יְהוָה כָּל-אַפְסֵי-אָרֶץ וְיִשְׁתַּחֲווּ לְפָנֶיךָ כָּל-מִשְׁפְּחוֹת גּוֹיִם:
(51 - כב:לב) יָבאוּ וְיַגִּידוּ צִדְקָתוֹ לְעַם נוֹלָד כִּי עָשָׂה:
(52 - כד:ה) יִשָּׂא בְרָכָה מֵאֵת יְהוָה וּצְדָקָה מֵאֱלֹהֵי יִשְׁעוֹ:
(53 - כה:ט) יַדְרֵךְ עֲנָוִים בַּמִּשְׁפָּט וִילַמֵּד עֲנָוִים דַּרְכּוֹ:
(54 - כו:ח) יְהוָה אָהַבְתִּי מְעוֹן בֵּיתֶךָ וּמְקוֹם מִשְׁכַּן כְּבוֹדֶךָ:
(55 - כח:ז) יְהוָה עֻזִּי וּמָגִנִּי בּוֹ בָטַח לִבִּי וְנֶעֱזָרְתִּי וַיַּעֲלֹז לִבִּי וּמִשִּׁירִי אֲהוֹדֶנּוּ:
(56 - כח:ח) יְהוָה עז-לָמוֹ וּמָעוֹז יְשׁוּעוֹת מְשִׁיחוֹ הוּא:
(57 - כט:י) יְהוָה לַמַּבּוּל יָשָׁב וַיֵּשֶׁב יְהוָה מֶלֶךְ לְעוֹלָם:
(58 - כט:יא) יְהוָה עז לְעַמּוֹ יִתֵּן יְהוָה יְבָרֵךְ אֶת-עַמּוֹ בַשָּׁלוֹם:
(59 - ל:ג) יְהוָה אֱלֹהָי שִׁוַּעְתִּי אֵלֶיךָ וַתִּרְפָּאֵנִי:
(60 - ל:ד) יְהוָה הֶעֱלִיתָ מִן-שְׁאוֹל נַפְשִׁי חִיִּיתַנִי מִיָּרְדִי בוֹר:
(61 - ל:ח) יְהוָה בִּרְצוֹנְךָ הֶעֱמַדְתָּה לְהַרְרִי עז הִסְתַּרְתָּ פָנֶיךָ הָיִיתִי נִבְהָל:
(62 - לא:יח) יְהוָה אַל-אֵבוֹשָׁה כִּי קְרָאתִיךָ יֵבשׁוּ רְשָׁעִים יִדְּמוּ לִשְׁאוֹל:
(63 - לג:ח) יִירְאוּ מֵיהוָה כָּל-הָאָרֶץ מִמֶּנּוּ יָגוּרוּ כָּל-ישְׁבֵי תֵבֵל:
(64 - לג:י) יְהוָה הֵפִיר עֲצַת גּוֹיִם הֵנִיא מַחְשְׁבוֹת עַמִּים:
(65 - לג:כב) יְהִי-חַסְדְּךָ יְהוָה עָלֵינוּ כַּאֲשֶׁר יִחַלְנוּ לָךְ:
(66 - לד:י) יְראוּ אֶת-יְהוָה קְדשָׁיו כִּי אֵין מַחְסוֹר לִירֵאָיו:
(67 - לה:ד) יֵבשׁוּ וְיִכָּלְמוּ מְבַקְשֵׁי נַפְשִׁי יִסּגוּ אָחוֹר וְיַחְפְּרוּ חֹשְׁבֵי רָעָתִי:
(68 - לה:ה) יִהְיוּ כְּמץ לִפְנֵי-רוּחַ וּמַלְאַךְ יְהוָה דּחֶה:
(69 - לה:ו) יְהִי-דַרְכָּם חֹשֶׁךְ וַחֲלַקְלַקּת וּמַלְאַךְ יְהוָה רדְפָם:
(70 - לה:יא) יְקוּמוּן עֵדֵי חָמָס אֲשֶׁר לֹא-יָדַעְתִּי יִשְׁאָלוּנִי:
(71 - לה:יב) יְשַׁלְּמוּנִי רָעָה תַּחַת טוֹבָה שְׁכוֹל לְנַפְשִׁי:
(72 - לה:כו) יֵבשׁוּ וְיַחְפְּרוּ יַחְדָּו שְׂמֵחֵי רָעָתִי יִלְבְּשׁוּ-בשֶׁת וּכְלִמָּה הַמַּגְדִּילִים עָלָי:
(73 - לה:כז) יָרנּוּ וְיִשְׂמְחוּ חֲפֵצֵי צִדְקִי וְיאמְרוּ תָמִיד יִגְדַּל יְהוָה הֶחָפֵץ שְׁלוֹם עַבְדּוֹ:
(74 - לו:ו) יְהוָה בְּהַשָּׁמַיִם חַסְדֶּךָ אֱמוּנָתְךָ עַד-שְׁחָקִים:
(75 - לו:ט) יִרְוְיֻן מִדֶּשֶׁן בֵּיתֶךָ וְנַחַל עֲדָנֶיךָ תַשְׁקֵם:
(76 - לז:יח) יוֹדֵעַ יְהוָה יְמֵי תְמִימִם וְנַחֲלָתָם לְעוֹלָם תִּהְיֶה:
(77 - לז:לג) יְהוָה לֹא-יַעַזְבֶנּוּ בְיָדוֹ וְלֹא יַרְשִׁיעֶנּוּ בְּהִשָּׁפְטוֹ:
(78 - לח:ב) יְהוָה אַל-בְּקֶצְפְּךָ תוֹכִיחֵנִי וּבַחֲמָתְךָ תְיַסְּרֵנִי:
(79 - מ:טו) יֵבשׁוּ וְיַחְפְּרוּ יַחַד מְבַקְשֵׁי נַפְשִׁי לִסְפּוֹתָהּ יִסּגוּ אָחוֹר וְיִכָּלְמוּ חֲפֵצֵי רָעָתִי:
(80 - מ:טז) יָשׁמּוּ עַל-עֵקֶב בָּשְׁתָּם הָאמְרִים לִי הֶאָח הֶאָח:
(81 - מ:יז) יָשִׂישׂוּ וְיִשְׂמְחוּ בְּךָ כָּל-מְבַקְשֶׁיךָ יאמְרוּ תָמִיד יִגְדַּל יְהוָה אהֲבֵי תְּשׁוּעָתֶךָ:
(82 - מא:ג) יְהוָה יִשְׁמְרֵהוּ וִיחַיֵּהוּ וְאֻשַּׁר בָּאָרֶץ וְאַל-תִּתְּנֵהוּ בְּנֶפֶשׁ איְבָיו:
(83 - מא:ד) יְהוָה יִסְעָדֶנּוּ עַל-עֶרֶשׂ דְּוָי כָּל-מִשְׁכָּבוֹ הָפַכְתָּ בְחָלְיוֹ:
(84 - מא:ח) יַחַד עָלַי יִתְלַחֲשׁוּ כָּל-שׂנְאָי עָלַי יַחְשְׁבוּ רָעָה לִי:
(85 - מב:ט) יוֹמָם יְצַוֶּה יְהוָה חַסְדּוֹ וּבַלַּיְלָה שִׁירה עִמִּי תְּפִלָּה לְאֵל חַיָּי:
(86 - מה:ג) יָפְיָפִיתָ מִבְּנֵי אָדָם הוּצַק חֵן בְּשִׂפְתוֹתֶיךָ עַל-כֵּן בֵּרַכְךָ אֱלֹהִים לְעוֹלָם:
(87 - מו:ד) יֶהֱמוּ יֶחְמְרוּ מֵימָיו יִרְעֲשׁוּ הָרִים בְּגַאֲוָתוֹ סֶלָה:
(88 - מו:ח) יְהוָה צְבָאוֹת עִמָּנוּ מִשְׂגַּב-לָנוּ אֱלֹהֵי יַעֲקב סֶלָה:
(89 - מו:יב) יְהוָה צְבָאוֹת עִמָּנוּ מִשְׂגַּב-לָֹנוּ אֱלֹהֵי יַעֲקב סֶלָה:
(90 - מז:ד) יַדְבֵּר עַמִּים תַּחְתֵּינוּ וּלְאֻמִּים תַּחַת רַגְלֵינוּ:
(91 - מז:ה) יִבְחַר-לָנוּ אֶת-נַחֲלָתֵנוּ אֶת גְּאוֹן יַעֲקב אֲשֶׁר-אָהֵב סֶלָה:
(92 - מח:ג) יְפֵה נוֹף מְשׂוֹשׂ כָּל-הָאָרֶץ הַר-צִיּוֹן יַרְכְּתֵי צָפוֹן קִרְיַת מֶלֶךְ רָב:
(93 - מח:יב) יִשְׂמַח הַר-צִיּוֹן תָּגֵלְנָה בְּנוֹת יְהוּדָה לְמַעַן מִשְׁפָּטֶיךָ:
(94 - נ:ג) יָבא אֱלֹהֵינוּ וְאַל-יֶחֱרָשׁ אֵשׁ לְפָנָיו תּאכֵל וּסְבִיבָיו נִשְׂעֲרָה מְאד:
(95 - נ:ד) יִקְרָא אֶל-הַשָּׁמַיִם מֵעָל וְאֶל-הָאָרֶץ לָדִין עַמּוֹ:
(96 - נ:יא) יָדַעְתִּי כָּל-עוֹף הָרִים וְזִיז שָׂדַי עִמָּדִי:
(97 - נד:ז) יָשִׁיב הָרַע לְשׁרְרָי בַּאֲמִתְּךָ הַצְמִיתֵם:
(98 - נה:ו) יִרְאָה וָרַעַד יָבא בִי וַתְּכַסֵּנִי פַּלָּצוּת:
(99 - נה:יא) יוֹמָם וָלַיְלָה יְסוֹבְבֻהָ עַל-חוֹמתֶיהָ וְאָוֶן וְעָמָל בְּקִרְבָּהּ:
(100 - נה:טז) יַשִּׁי מָוֶת עָלֵימוֹ יֵרְדוּ שְׁאוֹל חַיִּים כִּי-רָעוֹת בִּמְגוּרָם בְּקִרְבָּם:
(101 - נה:כ) יִשְׁמַע אֵל וְיַעֲנֵם וְישֵׁב קֶדֶם סֶלָה אֲשֶׁר אֵין חֲלִיפוֹת לָמוֹ וְלֹא יָרְאוּ אֱלֹהִים:
(102 - נו:ד) יוֹם אִירָא אֲנִי אֵלֶיךָ אֶבְטָח:
(103 - נו:ז) יָגוּרוּ יִצְפּוֹנוּ הֵמָּה עֲקֵבַי יִשְׁמרוּ כַּאֲשֶׁר קִוּוּ נַפְשִׁי:
(104 - נז:ד) יִשְׁלַח מִשָּׁמַיִם וְיוֹשִׁיעֵנִי חֵרֵף שׁאֲפִי סֶלָה יִשְׁלַח אֱלֹהִים חַסְדּוֹ וַאֲמִתּוֹ:
(105 - נח:ח) יִמָּאֲסוּ כְמוֹ-מַיִם יִתְהַלְּכוּ-לָמוֹ יִדְרךְ חִצָּיו כְּמוֹ יִתְמלָלוּ:
(106 - נח:יא) יִשְׂמַח צַדִּיק כִּי-חָזָה נָקָם פְּעָמָיו יִרְחַץ בְּדַם הָרָשָׁע:
(107 - נט:ז) יָשׁוּבוּ לָעֶרֶב יֶהֱמוּ כַכָּלֶב וִיסוֹבְבוּ עִיר:
(108 - סא:ז) יָמִים עַל-יְמֵי-מֶלֶךְ תּוֹסִיף שְׁנוֹתָיו כְּמוֹ-דר וָדר:
(109 - סא:ח) יֵשֵׁב עוֹלָם לִפְנֵי אֱלֹהִים חֶסֶד וֶאֱמֶת מַן יִנְצְרֻהוּ:
(110 - סג:יא) יַגִּירֻהוּ עַל-יְדֵי-חָרֶב מְנָת שֻׁעָלִים יִהְיוּ:
(111 - סד:ו) יְחַזְּקוּ-לָמוֹ דָּבָר רָע יְסַפְּרוּ לִטְמוֹן מוֹקְשִׁים אָמְרוּ מִי יִרְאֶה-לָּמוֹ:
(112 - סד:ז) יַחְפְּשׂוּ עוֹלֹת תַּמְּנוּ חֵפֶשׂ מְחֻפָּשׂ וְקֶרֶב אִישׁ וְלֵב עָמק:
(113 - סד:יא) יִשְׂמַח צַדִּיק בַּיהוָה וְחָסָה בוֹ וְיִתְהַלְלוּ כָּל-יִשְׁרֵי-לֵב:
(114 - סה:יג) יִרְעֲפוּ נְאוֹת מִדְבָּר וְגִיל גְּבָעוֹת תַּחְגּרְנָה:
(115 - סז:ד) יוֹדוּךָ עַמִּים אֱלֹהִים יוֹדוּךָ עַמִּים כֻּלָּם:
(116 - סז:ה) יִשְׂמְחוּ וִירַנְּנוּ לְאֻמִּים כִּי-תִשְׁפּט עַמִּים מִישׁר וּלְאֻמִּים בָּאָרֶץ תַּנְחֵם סֶלָה:
(117 - סז:ו) יוֹדוּךָ עַמִּים אֱלֹהִים יוֹדוּךָ עַמִּים כֻּלָּם:
(118 - סז:ח) יְבָרְכֵנוּ אֱלֹהִים וְיִירְאוּ אוֹתוֹ כָּל-אַפְסֵי-אָרֶץ:
(119 - סח:ב) יָקוּם אֱלֹהִים יָפוּצוּ אוֹיְבָיו וְיָנוּסוּ מְשַׂנְאָיו מִפָּנָיו:
(120 - סח:לב) יֶאֱתָיוּ חַשְׁמַנִּים מִנִּי מִצְרָיִם כּוּשׁ תָּרִיץ יָדָיו לֵאלֹהִים:
(121 - סט:ד) יָגַעְתִּי בְקָרְאִי נִחַר גְּרוֹנִי כָּלוּ עֵינָי מְיַחֵל לֵאלֹהָי:
(122 - סט:יג) יָשִׂיחוּ בִי ישְׁבֵי שָׁעַר וּנְגִינוֹת שׁוֹתֵי שֵׁכָר:
(123 - סט:כג) יְהִי שֻׁלְחָנָם לִפְנֵיהֶם לְפָח וְלִשְׁלוֹמִים לְמוֹקֵשׁ:
(124 - סט:כט) יִמָּחוּ מִסֵּפֶר חַיִּים וְעִם-צַדִּיקִים אַל-יִכָּתֵבוּ:
(125 - סט:לה) יְהַלְלוּהוּ שָׁמַיִם וָאָרֶץ יַמִּים וְכָל-רמֵשׂ בָּם:
(126 - ע:ג) יֵבשׁוּ וְיַחְפְּרוּ מְבַקְשֵׁי נַפְשִׁי יִסּגוּ אָחוֹר וְיִכָּלְמוּ חֲפֵצֵי רָעָתִי:
(127 - ע:ד) יָשׁוּבוּ עַל-עֵקֶב בָּשְׁתָּם הָאמְרִים הֶאָח הֶאָח:
(128 - ע:ה) יָשִׂישׂוּ וְיִשְׂמְחוּ בְּךָ כָּל-מְבַקְשֶׁיךָ וְיאמְרוּ תָמִיד יִגְדַּל אֱלֹהִים אהֲבֵי יְשׁוּעָתֶךָ:
(129 - עא:ח) יִמָּלֵא פִי תְּהִלָּתֶךָ כָּל-הַיּוֹם תִּפְאַרְתֶּךָ:
(130 - עא:יג) יֵבשׁוּ יִכְלוּ שׂטְנֵי נַפְשִׁי יַעְטּוּ חֶרְפָּה וּכְלִמָּה מְבַקְשֵׁי רָעָתִי:
(131 - עב:ב) יָדִין עַמְּךָ בְצֶדֶק וַעֲנִיֶּיךָ בְמִשְׁפָּט:
(132 - עב:ג) יִשְׂאוּ הָרִים שָׁלוֹם לָעָם וּגְבָעוֹת בִּצְדָקָה:
(133 - עב:ד) יִשְׁפּט עֲנִיֵּי-עָם יוֹשִׁיעַ לִבְנֵי אֶבְיוֹן וִידַכֵּא עוֹשֵׁק:
(134 - עב:ה) יִירָאוּךָ עִם-שָׁמֶשׁ וְלִפְנֵי יָרֵחַ דּוֹר דּוֹרִים:
(135 - עב:ו) יֵרֵד כְּמָטָר עַל-גֵּז כִּרְבִיבִים זַרְזִיף אָרֶץ:
(136 - עב:ז) יִפְרַח בְּיָמָיו צַדִּיק וְרב שָׁלוֹם עַד-בְּלִי יָרֵחַ:
(137 - עב:יג) יָחֹס עַל-דַּל וְאֶבְיוֹן וְנַפְשׁוֹת אֶבְיוֹנִים יוֹשִׁיעַ:
(138 - עב:טז) יְהִי פִסַּת-בַּר בָּאָרֶץ בְּראשׁ הָרִים יִרְעַשׁ כַּלְּבָנוֹן פִּרְיוֹ וְיָצִיצוּ מֵעִיר כְּעֵשֶׂב הָאָרֶץ:
(139 - עב:יז) יְהִי שְׁמוֹ לְעוֹלָם לִפְנֵי שֶׁמֶשׁ יִנּוֹן שְׁמוֹ וְיִתְבָּרְכוּ בוֹ כָּל-גּוֹיִם יְאַשְּׁרֻהוּ:
(140 - עג:ז) יָצָא מֵחֵלֶב עֵינֵמוֹ עָבְרוּ מַשְׂכִּיּוֹת לֵבָב:
(141 - עג:ח) יָמִיקוּ וִידַבְּרוּ בְרָע עשֶׁק מִמָּרוֹם יְדַבֵּרוּ:
(142 - עד:ה) יִוָּדַע כְּמֵבִיא לְמָעְלָה בִּסְבָךְ-עֵץ קַרְדֻּמּוֹת:
(143 - עו:יג) יִבְצר רוּחַ נְגִידִים נוֹרָא לְמַלְכֵי-אָרֶץ:
(144 - עח:טו) יְבַקַּע צֻרִים בַּמִּדְבָּר וַיַּשְׁקְ כִּתְהמוֹת רַבָּה:
(145 - עח:כו) יַסַּע קָדִים בַּשָּׁמָיִם וַיְנַהֵג בְּעֻזּוֹ תֵימָן:
(146 - עח:מה) יְשַׁלַּח בָּהֶם עָרב וַיּאכְלֵם וּצְפַרְדֵּעַ וַתַּשְׁחִיתֵם:
(147 - עח:מז) יַהֲרג בַּבָּרָד גַּפְנָם וְשִׁקְמוֹתָם בַּחֲנָמַל:
(148 - עח:מט) יְשַׁלַּח-בָּם חֲרוֹן אַפּוֹ עֶבְרָה וָזַעַם וְצָרָה מִשְׁלַחַת מַלְאֲכֵי רָעִים:
(149 - עח:נ) יְפַלֵּס נָתִיב לְאַפּוֹ לֹא-חָשַׂךְ מִמָּוֶת נַפְשָׁם וְחַיָּתָם לַדֶּבֶר הִסְגִּיר:
(150 - פ:ה) יְהוָה אֱלֹהִים צְבָאוֹת עַד-מָתַי עָשַׁנְתָּ בִּתְפִלַּת עַמֶּךָ:
(151 - פ:יד) יְכַרְסְמֶנָּה חֲזִיר מִיָּעַר וְזִיז שָׂדַי יִרְעֶנָּה:
(152 - פ:כ) יְהוָה אֱלֹהִים צְבָאוֹת הֲשִׁיבֵנוּ הָאֵר פָּנֶיךָ וְנִוָּשֵׁעָה:
(153 - פג:יח) יֵבשׁוּ וְיִבָּהֲלוּ עֲדֵי-עַד וְיַחְפְּרוּ וְיאבֵדוּ:
(154 - פד:ח) יֵלְכוּ מֵחַיִל אֶל-חָיִל יֵרָאֶה אֶל-אֱלֹהִים בְּצִיּוֹן:
(155 - פד:ט) יְהוָה אֱלֹהִים צְבָאוֹת שִׁמְעָה תְפִלָּתִי הַאֲזִינָה אֱלֹהֵי יַעֲקב סֶלָה:
(156 - פד:יג) יְהוָה צְבָאוֹת אַשְׁרֵי אָדָם בּטֵחַ בָּךְ:
(157 - פז:ו) יְהוָה יִסְפּר בִּכְתוֹב עַמִּים זֶה יֻלַּד-שָׁם סֶלָה:
(158 - פח:ב) יְהוָה אֱלֹהֵי יְשׁוּעָתִי יוֹם צָעַקְתִּי בַלַּיְלָה נֶגְדֶּךָ:
(159 - פט:ט) יְהוָה אֱלֹהֵי צְבָאוֹת מִי-כָמוֹךָ חֲסִין יָהּ וֶאֱמוּנָתְךָ סְבִיבוֹתֶיךָ:
(160 - צ:י) יְמֵי שְׁנוֹתֵינוּ בָּהֶם שִׁבְעִים שָׁנָה וְאִם בִּגְבוּרת שְׁמוֹנִים שָׁנָה וְרָהְבָּם עָמָל וָאָוֶן כִּי גָז חִישׁ וַנָּעֻפָה:
(161 - צ:טז) יֵרָאֶה אֶל-עֲבָדֶיךָ פָּעֳלֶךָ וַהֲדָרְךָ עַל-בְּנֵיהֶם:
(162 - צא:א) ישֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָן:
(163 - צא:ז) יִפּל מִצִּדְּךָ אֶלֶף וּרְבָבָה מִימִינֶךָ אֵלֶיךָ לֹא יִגָּשׁ:
(164 - צא:טו) יִקְרָאֵנִי וְאֶעֱנֵהוּ עִמּוֹ-אָנכִי בְצָרָה אֲחַלְּצֵהוּ וַאֲכַבְּדֵהוּ:
(165 - צג:א) יְהוָה מָלָךְ גֵּאוּת לָבֵשׁ לָבֵשׁ יְהוָה עז הִתְאַזָּר אַף-תִּכּוֹן תֵּבֵל בַּל-תִּמּוֹט:
(166 - צד:ד) יַבִּיעוּ יְדַבְּרוּ עָתָק יִתְאַמְּרוּ כָּל-פּעֲלֵי אָוֶן:
(167 - צד:יא) יְהוָה ידֵעַ מַחְשְׁבוֹת אָדָם כִּי הֵמָּה הָבֶל:
(168 - צד:כא) יָגוֹדּוּ עַל-נֶפֶשׁ צַדִּיק וְדָם נָקִי יַרְשִׁיעוּ:
(169 - צו:יא) יִשְׂמְחוּ הַשָּׁמַיִם וְתָגֵל הָאָרֶץ יִרְעַם הַיָּם וּמְלֹאוֹ:
(170 - צו:יב) יַעֲלֹז שָׂדַי וְכָל-אֲשֶׁר-בּוֹ אָז יְרַנְּנוּ כָּל-עֲצֵי-יָעַר:
(171 - צז:א) יְהוָה מָלָךְ תָּגֵל הָאָרֶץ יִשְׂמְחוּ אִיִּים רַבִּים:
(172 - צז:ז) יֵבשׁוּ כָּל-עבְדֵי פֶסֶל הַמִּתְהַלְלִים בָּאֱלִילִים הִשְׁתַּחֲווּ-לוֹ כָּל-אֱלֹהִים:
(173 - צח:ז) יִרְעַם הַיָּם וּמְלֹאוֹ תֵּבֵל וְישְׁבֵי בָהּ:
(174 - צט:א) יְהוָה מָלָךְ יִרְגְּזוּ עַמִּים ישֵׁב כְּרוּבִים תָּנוּט הָאָרֶץ:
(175 - צט:ב) יְהוָה בְּצִיּוֹן גָּדוֹל וְרָם הוּא עַל-כָּל-הָעַמִּים:
(176 - צט:ג) יוֹדוּ שִׁמְךָ גָּדוֹל וְנוֹרָא קָדוֹשׁ הוּא:
(177 - צט:ח) יְהוָה אֱלֹהֵינוּ אַתָּה עֲנִיתָם אֵל נשֵׂא הָיִיתָ לָהֶם וְנקֵם עַל-עֲלִילוֹתָם:
(178 - קב:ב) יְהוָה שִׁמְעָה תְפִלָּתִי וְשַׁוְעָתִי אֵלֶיךָ תָבוֹא:
(179 - קב:יב) יָמַי כְּצֵל נָטוּי וַאֲנִי כָּעֵשֶׂב אִיבָשׁ:
(180 - קג:ז) יוֹדִיעַ דְּרָכָיו לְמשֶׁה לִבְנֵי יִשְׂרָאֵל עֲלִילוֹתָיו:
(181 - קג:יט) יְהוָה בַּשָּׁמַיִם הֵכִין כִּסְאוֹ וּמַלְכוּתוֹ בַּכּל מָשָׁלָה:
(182 - קד:ה) יָסַד אֶרֶץ עַל-מְכוֹנֶיהָ בַּל-תִּמּוֹט עוֹלָם וָעֶד:
(183 - קד:ח) יַעֲלוּ הָרִים יֵרְדוּ בְקָעוֹת אֶל-מְקוֹם זֶה יָסַדְתָּ לָהֶם:
(184 - קד:יא) יַשְׁקוּ כָּל-חַיְתוֹ שָׂדָי יִשְׁבְּרוּ פְרָאִים צְמָאָם:
(185 - קד:טז) יִשְׂבְּעוּ עֲצֵי יְהוָה אַרְזֵי לְבָנוֹן אֲשֶׁר נָטָע:
(186 - קד:כג) יֵצֵא אָדָם לְפָעֳלוֹ וְלַעֲבדָתוֹ עֲדֵי-עָרֶב:
(187 - קד:לא) יְהִי כְבוֹד יְהוָה לְעוֹלָם יִשְׂמַח יְהוָה בְּמַעֲשָׂיו:
(188 - קד:לד) יֶעֱרַב עָלָיו שִׂיחִי אָנכִי אֶשְׂמַח בַּיהוָה:
(189 - קד:לה) יִתַּמּוּ חַטָּאִים מִן-הָאָרֶץ וּרְשָׁעִים עוֹד אֵינָם בָּרְכִי נַפְשִׁי אֶת-יְהוָה הַלְלוּיָהּ:
(190 - קו:יט) יַעֲשׂוּ-עֵגֶל בְּחֹרֵב וַיִּשְׁתַּחֲווּ לְמַסֵּכָה:
(191 - קז:ב) יאמְרוּ גְּאוּלֵי יְהוָה אֲשֶׁר גְּאָלָם מִיַּד-צָר:
(192 - קז:ח) יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם:
(193 - קז:י) ישְׁבֵי חֹשֶׁךְ וְצַלְמָוֶת אֲסִירֵי עֳנִי וּבַרְזֶל:
(194 - קז:יד) יוֹצִיאֵם מֵחֹשֶׁךְ וְצַלְמָוֶת וּמוֹסְרוֹתֵיהֶם יְנַתֵּק:
(195 - קז:טו) יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם:
(196 - קז:כ) יִשְׁלַח דְּבָרוֹ וְיִרְפָּאֵם וִימַלֵּט מִשְּׁחִיתוֹתָם:
(197 - קז:כא) יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם:
(198 - קז:כג) יוֹרְדֵי הַיָּם בָּאֳנִיּוֹת עשֵׂי מְלָאכָה בְּמַיִם רַבִּים:
(199 - קז:כו) יַעֲלוּ שָׁמַיִם יֵרְדוּ תְהוֹמוֹת נַפְשָׁם בְּרָעָה תִתְמוֹגָג:
(200 - קז:כז) יָחוֹגּוּ וְיָנוּעוּ כַּשִּׁכּוֹר וְכָל-חָכְמָתָם תִּתְבַּלָּע:
(201 - קז:כט) יָקֵם סְעָרָה לִדְמָמָה וַיֶּחֱשׁוּ גַּלֵּיהֶם:
(202 - קז:לא) יוֹדוּ לַיהוָה חַסְדּוֹ וְנִפְלְאוֹתָיו לִבְנֵי אָדָם:
(203 - קז:לג) יָשֵׂם נְהָרוֹת לְמִדְבָּר וּמצָאֵי מַיִם לְצִמָּאוֹן:
(204 - קז:לה) יָשֵׂם מִּדְבָּר לַאֲגַם-מַּיִם וְאֶרֶץ צִיָּה לְמצָאֵי מָיִם:
(205 - קז:מב) יִרְאוּ יְשָׁרִים וְיִשְׂמָחוּ וְכָל-עַוְלָה קָפְצָה פִּיהָ:
(206 - קט:ח) יִהְיוּ-יָמָיו מְעַטִּים פְּקֻדָּתוֹ יִקַּח אַחֵר:
(207 - קט:ט) יִהְיוּ-בָנָיו יְתוֹמִים וְאִשְׁתּוֹ אַלְמָנָה:
(208 - קט:יא) יְנַקֵּשׁ נוֹשֶׁה לְכָל-אֲשֶׁר-לוֹ וְיָבזּוּ זָרִים יְגִיעוֹ:
(209 - קט:יג) יְהִי-אַחֲרִיתוֹ לְהַכְרִית בְּדוֹר אַחֵר יִמַּח שְׁמָם:
(210 - קט:יד) יִזָּכֵר עֲוֹן אֲבתָיו אֶל-יְהוָה וְחַטַּאת אִמּוֹ אַל-תִּמָּח:
(211 - קט:טו) יִהְיוּ נֶגֶד-יְהוָה תָּמִיד וְיַכְרֵת מֵאֶרֶץ זִכְרָם:
(212 - קט:טז) יַעַן אֲשֶׁר לֹא-זָכַר עֲשׂוֹת חָסֶד וַיִּרְדּף אִישׁ-עָנִי וְאֶבְיוֹן וְנִכְאֵה לֵבָב לְמוֹתֵת:
(213 - קט:כח) יְקַלְלוּ הֵמָּה וְאַתָּה תְבָרֵךְ קָמוּ וַיֵּבשׁוּ וְעַבְדְּךָ יִשְׂמָח:
(214 - קט:כט) יִלְבְּשׁוּ שׂוֹטְנַי כְּלִמָּה וְיַעֲטוּ כַמְעִיל בָּשְׁתָּם:
(215 - קי:ו) יָדִין בַּגּוֹיִם מָלֵא גְוִיּוֹת מָחַץ ראשׁ עַל-אֶרֶץ רַבָּה:
(216 - קיג:ב) יְהִי שֵׁם יְהוָה מְברָךְ מֵעַתָּה וְעַד-עוֹלָם:
(217 - קטו:ז) יְדֵיהֶם וְלֹא יְמִישׁוּן רַגְלֵיהֶם וְלֹא יְהַלֵּכוּ לֹא-יֶהְגּוּ בִּגְרוֹנָם:
(218 - קטו:ט) יִשְׂרָאֵל בְּטַח בַּיהוָה עֶזְרָם וּמָגִנָּם הוּא:
(219 - קטו:יא) יִרְאֵי יְהוָה בִּטְחוּ בַיהוָה עֶזְרָם וּמָגִנָּם הוּא:
(220 - קטו:יב) יְהוָה זְכָרָנוּ יְבָרֵךְ יְבָרֵךְ אֶת-בֵּית יִשְׂרָאֵל יְבָרֵךְ אֶת-בֵּית אַהֲרן:
(221 - קטו:יג) יְבָרֵךְ יִרְאֵי יְהוָה הַקְּטַנִּים עִם-הַגְּדלִים:
(222 - קטו:יד) יסֵף יְהוָה עֲלֵיכֶם עֲלֵיכֶם וְעַל-בְּנֵיכֶם:
(223 - קטז:טו) יָקָר בְּעֵינֵי יְהוָה הַמָּוְתָה לַחֲסִידָיו:
(224 - קיח:ב) יאמַר-נָא יִשְׂרָאֵל כִּי לְעוֹלָם חַסְדּוֹ:
(225 - קיח:ג) יאמְרוּ נָא בֵּית-אַהֲרן כִּי לְעוֹלָם חַסְדּוֹ:
(226 - קיח:ד) יאמְרוּ נָא יִרְאֵי יְהוָה כִּי לְעוֹלָם חַסְדּוֹ:
(227 - קיח:ו) יְהוָה לִי לֹא אִירָא מַה-יַּעֲשֶׂה לִי אָדָם:
(228 - קיח:ז) יְהוָה לִי בְּעזְרָי וַאֲנִי אֶרְאֶה בְשׂנְאָי:
(229 - קיח:טז) יְמִין יְהוָה רוֹמֵמָה יְמִין יְהוָה עשָׂה חָיִל:
(230 - קיח:יח) יַסּר יִסְּרַנִּי יָּהּ וְלַמָּוֶת לֹא נְתָנָנִי:
(231 - קיט:עג) יָדֶיךָ עָשׂוּנִי וַיְכוֹנְנוּנִי הֲבִינֵנִי וְאֶלְמְדָה מִצְוֹתֶיךָ:
(232 - קיט:עד) יְרֵאֶיךָ יִרְאוּנִי וְיִשְׂמָחוּ כִּי לִדְבָרְךָ יִחָלְתִּי:
(233 - קיט:עה) יָדַעְתִּי יְהוָה כִּי-צֶדֶק מִשְׁפָּטֶיךָ וֶאֱמוּנָה עִנִּיתָנִי:
(234 - קיט:עו) יְהִי-נָא חַסְדְּךָ לְנַחֲמֵנִי כְּאִמְרָתְךָ לְעַבְדֶּךָ:
(235 - קיט:עז) יְבאוּנִי רַחֲמֶיךָ וְאֶחְיֶה כִּי תוֹרָתְךָ שַׁעֲשֻׁעָי:
(236 - קיט:עח) יֵבשׁוּ זֵדִים כִּי-שֶׁקֶר עִוְּתוּנִי אֲנִי אָשִׂיחַ בְּפִקּוּדֶיךָ:
(237 - קיט:עט) יָשׁוּבוּ-לִי יְרֵאֶיךָ וְידְעֵי עֵדתֶיךָ:
(238 - קיט:פ) יְהִי-לִבִּי תָמִים בְּחֻקֶּיךָ לְמַעַן לֹא אֵבוֹשׁ:
(239 - קכ:ב) יְהוָה הַצִּילָה נַפְשִׁי מִשְּׂפַת-שֶׁקֶר מִלָּשׁוֹן רְמִיָּה:
(240 - קכא:ה) יְהוָה שׁמְרֶךָ יְהוָה צִלְּךָ עַל-יַד יְמִינֶךָ:
(241 - קכא:ו) יוֹמָם הַשֶּׁמֶשׁ לֹא-יַכֶּכָּה וְיָרֵחַ בַּלָּיְלָה:
(242 - קכא:ז) יְהוָה יִשְׁמָרְךָ מִכָּל-רָע יִשְׁמר אֶת-נַפְשֶׁךָ:
(243 - קכא:ח) יְהוָה יִשְׁמָר-צֵאתְךָ וּבוֹאֶךָ מֵעַתָּה וְעַד-עוֹלָם:
(244 - קכב:ג) יְרוּשָׁלַם הַבְּנוּיָה כְּעִיר שֶׁחֻבְּרָה-לָּהּ יַחְדָּו:
(245 - קכב:ז) יְהִי-שָׁלוֹם בְּחֵילֵךְ שַׁלְוָה בְּאַרְמְנוֹתָיִךְ:
(246 - קכה:ב) יְרוּשָׁלַם הָרִים סָבִיב לָהּ וַיהוָה סָבִיב לְעַמּוֹ מֵעַתָּה וְעַד-עוֹלָם:
(247 - קכח:ב) יְגִיעַ כַּפֶּיךָ כִּי תֹאכֵל אַשְׁרֶיךָ וְטוֹב לָךְ:
(248 - קכח:ה) יְבָרֶכְךָ יְהוָה מִצִּיּוֹן וּרְאֵה בְּטוּב יְרוּשָׁלָם כּל יְמֵי חַיֶּיךָ:
(249 - קכט:ד) יְהוָה צַדִּיק קִצֵּץ עֲבוֹת רְשָׁעִים:
(250 - קכט:ה) יֵבשׁוּ וְיִסּגוּ אָחוֹר כּל שׂנְאֵי צִיּוֹן:
(251 - קכט:ו) יִהְיוּ כַּחֲצִיר גַּגּוֹת שֶׁקַּדְמַת שָׁלַף יָבֵשׁ:
(252 - קל:ז) יַחֵל יִשְׂרָאֵל אֶל-יְהוָה כִּי-עִם-יְהוָה הַחֶסֶד וְהַרְבֵּה עִמּוֹ פְדוּת:
(253 - קלא:ג) יַחֵל יִשְׂרָאֵל אֶל-יְהוָה מֵעַתָּה וְעַד-עוֹלָם:
(254 - קלד:ג) יְבָרֶכְךָ יְהוָה מִצִּיּוֹן עשֵׂה שָׁמַיִם וָאָרֶץ:
(255 - קלה:יג) יְהוָה שִׁמְךָ לְעוֹלָם יְהוָה זִכְרְךָ לְדר-וָדר:
(256 - קלח:ד) יוֹדוּךָ יְהוָה כָּל-מַלְכֵי-אָרֶץ כִּי שָׁמְעוּ אִמְרֵי-פִיךָ:
(257 - קלח:ח) יְהוָה יִגְמר בַּעֲדִי יְהוָה חַסְדְּךָ לְעוֹלָם מַעֲשֵׂי יָדֶיךָ אַל-תֶּרֶף:
(258 - קמ:ח) יֱהוִֹה אֲדנָי עז יְשׁוּעָתִי סַכּוֹתָה לְראשִׁי בְּיוֹם נָשֶׁק:
(259 - קמ:יא) יִמּוֹטוּ עֲלֵיהֶם גֶּחָלִים בָּאֵשׁ יַפִּלֵם בְּמַהֲמרוֹת בַּל-יָקוּמוּ:
(260 - קמ:יג) יָדַעְתִּי כִּי-יַעֲשֶׂה יְהוָה דִּין עָנִי מִשְׁפַּט אֶבְינִים:
(261 - קמא:ה) יֶהֶלְמֵנִי צַדִּיק חֶסֶד וְיוֹכִיחֵנִי שֶׁמֶן ראשׁ אַל-יָנִי ראשִׁי כִּי-עוֹד וּתְפִלָּתִי בְּרָעוֹתֵיהֶם:
(262 - קמא:י) יִפְּלוּ בְמַכְמרָיו רְשָׁעִים יַחַד אָנכִי עַד אֶעֱבוֹר:
(263 - קמד:ג) יְהוָה מָה-אָדָם וַתֵּדָעֵהוּ בֶּן-אֱנוֹשׁ וַתְּחַשְּׁבֵהוּ:
(264 - קמד:ה) יְהוָה הַט-שָׁמֶיךָ וְתֵרֵד גַּע בֶּהָרִים וְיֶעֱשָׁנוּ:
(265 - קמה:י) יוֹדוּךָ יְהוָה כָּל-מַעֲשֶׂיךָ וַחֲסִידֶיךָ יְבָרֲכוּכָה:
(266 - קמו:ח) יְהוָה פּקֵחַ עִוְרִים יְהוָה זקֵף כְּפוּפִים יְהוָה אהֵב צַדִּיקִים:
(267 - קמו:ט) יְהוָה שׁמֵר אֶת-גֵּרִים יָתוֹם וְאַלְמָנָה יְעוֹדֵד וְדֶרֶךְ רְשָׁעִים יְעַוֵּת:
(268 - קמו:י) יִמְלֹךְ יְהוָה לְעוֹלָם אֱלֹהַיִךְ צִיּוֹן לְדר וָדר הַלְלוּיָהּ:
(269 - קמז:יח) יִשְׁלַח-דְּבָרוֹ וְיַמְסֵם יַשֵּׁב רוּחוֹ יִזְּלוּ-מָיִם:
(270 - קמח:ה) יְהַלְלוּ אֶת-שֵׁם יְהוָה כִּי הוּא צִוָּה וְנִבְרָאוּ:
(271 - קמח:יג) יְהַלְלוּ אֶת-שֵׁם יְהוָה כִּי-נִשְׂגָּב שְׁמוֹ לְבַדּוֹ הוֹדוֹ עַל-אֶרֶץ וְשָׁמָיִם:
(272 - קמט:ב) יִשְׂמַח יִשְׂרָאֵל בְּעשָׂיו בְּנֵי-צִיּוֹן יָגִילוּ בְּמַלְכָּם:
(273 - קמט:ג) יְהַלְלוּ שְׁמוֹ בְּמָחוֹל בְּתֹף וְכִנּוֹר יְזַמְּרוּ-לוֹ:
(274 - קמט:ה) יַעְלְזוּ חֲסִידִים בְּכָבוֹד יְרַנְּנוּ עַל-מִשְׁכְּבוֹתָם: