אות ר
(1 - ג:ג) רַבִּים אמְרִים לְנַפְשִׁי אֵין יְשׁוּעָתָה לּוֹ בֵאלֹהִים סֶלָה: (2 - ד:ה) רִגְזוּ וְאַל-תֶּחֱטָאוּ אִמְרוּ בִלְבַבְכֶם עַל-מִשְׁכַּבְכֶם וְדמּוּ סֶלָה: (3 - ד:ז) רַבִּים אמְרִים מִי-יַרְאֵנוּ טוֹב נְסָה-עָלֵינוּ אוֹר פָּנֶיךָ יְהוָה: (4 - י:ד) רָשָׁע כְּגבַהּ אַפּוֹ בַּל-יִדְרשׁ אֵין אֱלֹהִים כָּל-מְזִמּוֹתָיו: (5 - י:יד) רָאִתָה כִּי-אַתָּה עָמָל וָכַעַס תַּבִּיט לָתֵת בְּיָדֶךָ עָלֶיךָ יַעֲזב חֵלֶכָה יָתוֹם אַתָּה הָיִיתָ עוֹזֵר: (6 - כא:יד) רוּמָה יְהוָה בְּעֻזֶּךָ נָשִׁירָה וּנְזַמְּרָה גְּבוּרָתֶךָ: (7 - כה:יח) רְאֵה-עָנְיִי וַעֲמָלִי וְשָׂא לְכָל-חַטּאותָי: (8 - כה:יט) רְאֵה איְבַי כִּי-רָבּוּ וְשִׂנְאַת חָמָס שְׂנֵאוּנִי: (9 - כו:יב) רַגְלִי עָמְדָה בְמִישׁוֹר בְּמַקְהֵלִים אֲבָרֵךְ יְהוָה: (10 - לב:י) רַבִּים מַכְאוֹבִים לָרָשָׁע וְהַבּוֹטֵחַ בַּיהוָה חֶסֶד יְסוֹבְבֶנּוּ: (11 - לג:א) רַנְּנוּ צַדִּיקִים בַּיהוָה לַיְשָׁרִים נָאוָה תְהִלָּה: (12 - לד:כ) רַבּוֹת רָעוֹת צַדִּיק וּמִכֻּלָּם יַצִּילֶנּוּ יְהוָה: (13 - לה:כב) רָאִיתָה יְהוָה אַל-תֶּחֱרַשׁ אֲדנָי אַל-תִּרְחַק מִמֶּנִּי: (14 - לז:לה) רָאִיתִי רָשָׁע עָרִיץ וּמִתְעָרֶה כְּאֶזְרָח רַעֲנָן: (15 - מ:ו) רַבּוֹת עָשִׂיתָ אַתָּה יְהוָה אֱלֹהַי נִפְלְאתֶיךָ וּמַחְשְׁבתֶיךָ אֵלֵינוּ אֵין עֲרךְ אֵלֶיךָ אַגִּידָה וַאֲדַבֵּרָה עָצְמוּ מִסַּפֵּר: (16 - מ:יד) רְצֵה-יְהוָה לְהַצִּילֵנִי יְהוָה לְעֶזְרָתִי חוּשָׁה: (17 - מה:ב) רָחַשׁ לִבִּי דָּבָר טוֹב אמֵר אָנִי מַעֲשַׂי לְמֶלֶךְ לְשׁוֹנִי עֵט סוֹפֵר מָהִיר: (18 - מח:ז) רְעָדָה אֲחָזָתַם שָׁם חִיל כַּיּוֹלֵדָה: (19 - נז:ו) רוּמָה עַל-הַשָּׁמַיִם אֱלֹהִים עַל כָּל-הָאָרֶץ כְּבוֹדֶךָ: (20 - נז:ז) רֶשֶׁת הֵכִינוּ לִפְעָמַי כָּפַף נַפְשִׁי כָּרוּ לְפָנַי שִׁיחָה נָפְלוּ בְתוֹכָהּ סֶלָה: (21 - נז:יב) רוּמָה עַל-שָׁמַיִם אֱלֹהִים עַל כָּל-הָאָרֶץ כְּבוֹדֶךָ: (22 - סח:יח) רֶכֶב אֱלֹהִים רִבּתַיִם אַלְפֵי שִׁנְאָן אֲדנָי בָם סִינַי בַּקּדֶשׁ: (23 - סח:כה) רָאוּ הֲלִיכוֹתֶיךָ אֱלֹהִים הֲלִיכוֹת אֵלִי מַלְכִּי בַקּדֶשׁ: (24 - סט:ה) רַבּוּ מִשַּׂעֲרוֹת ראשִׁי שׂנְאַי חִנָּם עָצְמוּ מַצְמִיתַי איְבַי שֶׁקֶר אֲשֶׁר לֹא-גָזַלְתִּי אָז אָשִׁיב: (25 - סט:לג) רָאוּ עֲנָוִים יִשְׂמָחוּ דּרְשֵׁי אֱלֹהִים וִיחִי לְבַבְכֶם: (26 - עז:יז) רָאוּךָ מַּיִם אֱלֹהִים רָאוּךָ מַּיִם יָחִילוּ אַף יִרְגְּזוּ תְהמוֹת: (27 - פ:ב) רעֵה יִשְׂרָאֵל הַאֲזִינָה נהֵג כַּצּאן יוֹסֵף ישֵׁב הַכְּרוּבִים הוֹפִיעָה: (28 - פה:ב) רָצִיתָ יְהוָה אַרְצֶךָ שַׁבְתָּ שְׁבִית יַעֲקב: (29 - צא:ח) רַק בְּעֵינֶיךָ תַבִּיט וְשִׁלֻּמַת רְשָׁעִים תִּרְאֶה: (30 - צט:ה) רוֹמְמוּ יְהוָה אֱלֹהֵינוּ וְהִשְׁתַּחֲווּ לַהֲדם רַגְלָיו קָדוֹשׁ הוּא: (31 - צט:ט) רוֹמְמוּ יְהוָה אֱלֹהֵינוּ וְהִשְׁתַּחֲווּ לְהַר קָדְשׁוֹ כִּי קָדוֹשׁ יְהוָה אֱלֹהֵינוּ: (32 - קג:ח) רַחוּם וְחַנּוּן יְהוָה אֶרֶךְ אַפַּיִם וְרַב-חָסֶד: (33 - קז:ה) רְעֵבִים גַּם-צְמֵאִים נַפְשָׁם בָּהֶם תִּתְעַטָּף: (34 - קח:ו) רוּמָה עַל-שָׁמַיִם אֱלֹהִים וְעַל כָּל-הָאָרֶץ כְּבוֹדֶךָ: (35 - קיא:י) רֵאשִׁית חָכְמָה יִרְאַת יְהוָה שֵׂכֶל טוֹב לְכָל-עשֵׂיהֶם תְּהִלָּתוֹ עמֶדֶת לָעַד: (36 - קיב:י) רָשָׁע יִרְאֶה וְכָעָס שִׁנָּיו יַחֲרק וְנָמָס תַּאֲוַת רְשָׁעִים תּאבֵד: (37 - קיג:ד) רָם עַל-כָּל-גּוֹיִם יְהוָה עַל הַשָּׁמַיִם כְּבוֹדוֹ: (38 - קיט:קנג) רְאֵה-עָנְיִי וְחַלְּצֵנִי כִּי-תוֹרָתְךָ לֹא שָׁכָחְתִּי: (39 - קיט:קנד) רִיבָה רִיבִי וּגְאָלֵנִי לְאִמְרָתְךָ חַיֵּנִי: (40 - קיט:קנה) רָחוֹק מֵרְשָׁעִים יְשׁוּעָה כִּי-חֻקֶּיךָ לֹא דָרָשׁוּ: (41 - קיט:קנו) רַחֲמֶיךָ רַבִּים יְהוָה כְּמִשְׁפָּטֶיךָ חַיֵּנִי: (42 - קיט:קנז) רַבִּים רדְפַי וְצָרָי מֵעֵדְוֹתֶיךָ לֹא נָטִיתִי: (43 - קיט:קנח) רָאִיתִי בגְדִים וָאֶתְקוֹטָטָה אֲשֶׁר אִמְרָתְךָ לֹא שָׁמָרוּ: (44 - קיט:קנט) רְאֵה כִּי-פִקּוּדֶיךָ אָהָבְתִּי יְהוָה כְּחַסְדְּךָ חַיֵּנִי: (45 - קיט:קס) ראשׁ-דְּבָרְךָ אֱמֶת וּלְעוֹלָם כָּל-מִשְׁפַּט צִדְקֶךָ: (46 - קכ:ו) רַבַּת שָׁכְנָה-לָּהּ נַפְשִׁי עִם שׂוֹנֵא שָׁלוֹם: (47 - קכג:ד) רַבַּת שָׂבְעָה-לָּהּ נַפְשֵׁנוּ הַלַּעַג הַשַּׁאֲנַנִּים הַבּוּז לִגְאֵי יוֹנִים: (48 - קכט:ב) רַבַּת צְרָרוּנִי מִנְּעוּרָי גַּם לֹא יָכְלוּ-לִי: (49 - קמ:י) ראשׁ מְסִבָּי עֲמַל שְׂפָתֵימוֹ יְכַסֵּימוֹ: (50 - קמה:יט) רְצוֹן-יְרֵאָיו יַעֲשֶׂה וְאֶת-שַׁוְעָתָם יִשְׁמַע וְיוֹשִׁיעֵם: (51 - קמז:יא) רוֹצֶה יְהוָה אֶת-יְרֵאָיו אֶת-הַמְיַחֲלִים לְחַסְדּוֹ: (52 - קמט:ו) רוֹמְמוֹת אֵל בִּגְרוֹנָם וְחֶרֶב פִּיפִיּוֹת בְּיָדָם:
|