|
אות ש
(1 - ב:ח) שְׁאַל מִמֶּנִּי וְאֶתְּנָה גוֹיִם נַחֲלָתֶךָ וַאֲחֻזָּתְךָ אַפְסֵי-אָרֶץ: (2 - ו:ה) שׁוּבָה יְהוָה חַלְּצָה נַפְשִׁי הוֹשִׁיעֵנִי לְמַעַן חַסְדֶּךָ: (3 - ו:י) שָׁמַע יְהוָה תְּחִנָּתִי יְהוָה תְּפִלָּתִי יִקָּח: (4 - ז:א) שִׁגָּיוֹן לְדָוִד אֲשֶׁר-שָׁר לַיהוָה עַל-דִּבְרֵי-כוּשׁ בֶּן-יְמִינִי: (5 - ט:כא) שִׁיתָה יְהוָה מוֹרָה לָהֶם יֵדְעוּ גוֹיִם אֱנוֹשׁ הֵמָּה סֶּלָה: (6 - י:טו) שְׁבר זְרוֹעַ רָשָׁע וָרָע תִּדְרוֹשׁ-רִשְׁעוֹ בַל-תִּמְצָא: (7 - יב:ג) שָׁוְא יְדַבְּרוּ אִישׁ אֶת-רֵעֵהוּ שְׂפַת חֲלָקוֹת בְּלֵב וָלֵב יְדַבֵּרוּ: (8 - יד:ה) שָׁם פָּחֲדוּ פָחַד כִּי אֱלֹהִים בְּדוֹר צַדִּיק: (9 - טז:ח) שִׁוִּיתִי יְהוָה לְנֶגְדִּי תָמִיד כִּי מִימִינִי בַּל-אֶמּוֹט: (10 - יז:ח) שָׁמְרֵנִי כְּאִישׁוֹן בַּת-עָיִן בְּצֵל כְּנָפֶיךָ תַּסְתִּירֵנִי: (11 - יט:יג) שְׁגִיאוֹת מִי-יָבִין מִנִּסְתָּרוֹת נַקֵּנִי: (12 - כד:ז) שְׂאוּ שְׁעָרִים רָאשֵׁיכֶם וְהִנָּשְׂאוּ פִּתְחֵי עוֹלָם וְיָבוֹא מֶלֶךְ הַכָּבוֹד: (13 - כד:ט) שְׂאוּ שְׁעָרִים רָאשֵׁיכֶם וּשְׂאוּ פִּתְחֵי עוֹלָם וְיָבא מֶלֶךְ הַכָּבוֹד: (14 - כה:כ) שָׁמְרָה נַפְשִׁי וְהַצִּילֵנִי אַל-אֵבוֹשׁ כִּי-חָסִיתִי בָךְ: (15 - כו:ה) שָׂנֵאתִי קְהַל מְרֵעִים וְעִם-רְשָׁעִים לֹא אֵשֵׁב: (16 - כז:ז) שְׁמַע-יְהוָה קוֹלִי אֶקְרָא וְחָנֵּנִי וַעֲנֵנִי: (17 - כח:ב) שְׁמַע קוֹל תַּחֲנוּנַי בְּשַׁוְּעִי אֵלֶיךָ בְּנָשְׂאִי יָדַי אֶל-דְּבִיר קָדְשֶׁךָ: (18 - ל:יא) שְׁמַע-יְהוָה וְחָנֵּנִי יְהוָה הֱיֵה עזֵר לִי: (19 - לא:ז) שָׂנֵאתִי הַשּׁמְרִים הַבְלֵי-שָׁוְא וַאֲנִי אֶל-יְהוָה בָּטָחְתִּי: (20 - לב:יא) שִׂמְחוּ בַיהוָה וְגִילוּ צַדִּיקִים וְהַרְנִינוּ כָּל-יִשְׁרֵי-לֵב: (21 - לג:ג) שִׁירוּ לוֹ שִׁיר חָדָשׁ הֵיטִיבוּ נַגֵּן בִּתְרוּעָה: (22 - לג:יז) שֶׁקֶר הַסּוּס לִתְשׁוּעָה וּבְרב חֵילוֹ לֹא יְמַלֵּט: (23 - לד:כא) שׁמֵר כָּל-עַצְמוֹתָיו אַחַת מֵהֵנָּה לֹא נִשְׁבָּרָה: (24 - לה:כד) שָׁפְטֵנִי כְצִדְקְךָ יְהוָה אֱלֹהָי וְאַל-יִשְׂמְחוּ-לִי: (25 - לו:יג) שָׁם נָפְלוּ פּעֲלֵי אָוֶן דּחוּ וְלֹא-יָכְלוּ קוּם: (26 - לז:לז) שְׁמָר-תָּם וּרְאֵה יָשָׁר כִּי-אַחֲרִית לְאִישׁ שָׁלוֹם: (27 - לט:יג) שִׁמְעָה-תְפִלָּתִי יְהוָה וְשַׁוְעָתִי הַאֲזִינָה אֶל-דִּמְעָתִי אַל-תֶּחֱרָשׁ כִּי גֵר אָנכִי עִמָּךְ תּוֹשָׁב כְּכָל-אֲבוֹתָי: (28 - מג:א) שָׁפְטֵנִי אֱלֹהִים וְרִיבָה רִיבִי מִגּוֹי לֹא חָסִיד מֵאִישׁ מִרְמָה וְעַוְלָה תְפַלְּטֵנִי: (29 - מג:ג) שְׁלַח-אוֹרְךָ וַאֲמִתְּךָ הֵמָּה יַנְחוּנִי יְבִיאוּנִי אֶל-הַר-קָדְשְׁךָ וְאֶל-מִשְׁכְּנוֹתֶיךָ: (30 - מה:יא) שִׁמְעִי-בַת וּרְאִי וְהַטִּי אָזְנֵךְ וְשִׁכְחִי עַמֵּךְ וּבֵית אָבִיךְ: (31 - מח:א) שִׁיר מִזְמוֹר לִבְנֵי-קרַח: (32 - מח:יד) שִׁיתוּ לִבְּכֶם לְחֵילָה פַּסְּגוּ אַרְמְנוֹתֶיהָ לְמַעַן תְּסַפְּרוּ לְדוֹר אַחֲרוֹן: (33 - מט:ב) שִׁמְעוּ-זאת כָּל-הָעַמִּים הַאֲזִינוּ כָּל-ישְׁבֵי חָלֶד: (34 - נ:ז) שִׁמְעָה עַמִּי וַאֲדַבֵּרָה יִשְׂרָאֵל וְאָעִידָה בָּךְ אֱלֹהִים אֱלֹהֶיךָ אָנכִי: (35 - נג:ו) שָׁם פָּחֲדוּ פַחַד לֹא-הָיָה פָחַד כִּי-אֱלֹהִים פִּזַּר עַצְמוֹת חֹנָךְ הֱבִשׁתָה כִּי-אֱלֹהִים מְאָסָם: (36 - נה:כא) שָׁלַח יָדָיו בִּשְׁלֹמָיו חִלֵּל בְּרִיתוֹ: (37 - נו:ג) שָׁאֲפוּ שׁוֹרְרַי כָּל-הַיּוֹם כִּי-רַבִּים לֹחֲמִים לִי מָרוֹם: (38 - סא:ב) שִׁמְעָה אֱלֹהִים רִנָּתִי הַקְשִׁיבָה תְּפִלָּתִי: (39 - סד:ב) שְׁמַע אֱלֹהִים קוֹלִי בְשִׂיחִי מִפַּחַד אוֹיֵב תִּצּר חַיָּי: (40 - סה:ג) שׁמֵעַ תְּפִלָּה עָדֶיךָ כָּל-בָּשָׂר יָבאוּ: (41 - סח:ה) שִׁירוּ לֵאלֹהִים זַמְּרוּ שְׁמוֹ סֹלּוּ לָרכֵב בָּעֲרָבוֹת בְּיָהּ שְׁמוֹ וְעִלְזוּ לְפָנָיו: (42 - סח:כח) שָׁם בִּנְיָמִן צָעִיר רדֵם שָׂרֵי יְהוּדָה רִגְמָתָם שָׂרֵי זְבֻלוּן שָׂרֵי נַפְתָּלִי: (43 - סט:כה) שְׁפָךְ-עֲלֵיהֶם זַעְמֶּךָ וַחֲרוֹן אַפְּךָ יַשִּׂיגֵם: (44 - עג:ט) שַׁתּוּ בַשָּׁמַיִם פִּיהֶם וּלְשׁוֹנָם תִּהֲלַךְ בָּאָרֶץ: (45 - עד:ד) שָׁאֲגוּ צרְרֶיךָ בְּקֶרֶב מוֹעֲדֶךָ שָׂמוּ אוֹתֹתָם אתוֹת: (46 - עד:ז) שִׁלְחוּ בָאֵשׁ מִקְדָּשֶׁךָ לָאָרֶץ חִלְּלוּ מִשְׁכַּן-שְׁמֶךָ: (47 - עו:ד) שָׁמָּה שִׁבַּר רִשְׁפֵי-קָשֶׁת מָגֵן וְחֶרֶב וּמִלְחָמָה סֶלָה: (48 - עח:נט) שָׁמַע אֱלֹהִים וַיִּתְעַבָּר וַיִּמְאַס מְאד בְּיִשְׂרָאֵל: (49 - עט:ג) שָׁפְכוּ דָמָם כַּמַּיִם סְבִיבוֹת יְרוּשָׁלַם וְאֵין קוֹבֵר: (50 - עט:ו) שְׁפךְ חֲמָתְךָ אֶל-הַגּוֹיִם אֲשֶׁר לֹא-יְדָעוּךָ וְעַל-מַמְלָכוֹת אֲשֶׁר בְּשִׁמְךָ לֹא קָרָאוּ: (51 - פ:יז) שְׂרֻפָה בָאֵשׁ כְּסוּחָה מִגַּעֲרַת פָּנֶיךָ יאבֵדוּ: (52 - פא:ג) שְׂאוּ-זִמְרָה וּתְנוּ-תֹף כִּנּוֹר נָעִים עִם-נָבֶל: (53 - פא:ט) שְׁמַע עַמִּי וְאָעִידָה בָּךְ יִשְׂרָאֵל אִם-תִּשְׁמַע-לִי: (54 - פב:ג) שִׁפְטוּ-דָל וְיָתוֹם עָנִי וָרָשׁ הַצְדִּיקוּ: (55 - פג:א) שִׁיר מִזְמוֹר לְאָסָף: (56 - פג:יב) שִׁיתֵמוֹ נְדִיבֵמוֹ כְּערֵב וְכִזְאֵב וּכְזֶבַח וּכְצַלְמֻנָּע כָּל-נְסִיכֵמוֹ: (57 - פה:ה) שׁוּבֵנוּ אֱלֹהֵי יִשְׁעֵנוּ וְהָפֵר כַּעַסְךָ עִמָּנוּ: (58 - פו:ב) שָׁמְרָה נַפְשִׁי כִּי-חָסִיד אָנִי הוֹשַׁע עַבְדְּךָ אַתָּה אֱלֹהַי הַבּוֹטֵחַ אֵלֶיךָ: (59 - פו:ד) שַׂמֵּחַ נֶפֶשׁ עַבְדֶּךָ כִּי-אֵלֶיךָ אֲדנָי נַפְשִׁי אֶשָּׂא: (60 - פח:א) שִׁיר מִזְמוֹר לִבְנֵי קרַח לַמְנַצֵּחַ עַל-מַחֲלַת לְעַנּוֹת מַשְׂכִּיל לְהֵימָן הָאֶזְרָחִי: (61 - פח:ז) שַׁתַּנִי בְּבוֹר תַּחְתִּיּוֹת בְּמַחֲשַׁכִּים בִּמְצלוֹת: (62 - פט:מב) שַׁסֻּהוּ כָּל-עבְרֵי דָרֶךְ הָיָה חֶרְפָּה לִשְׁכֵנָיו: (63 - צ:ח) שַׁתָּה עֲוֹנתֵינוּ לְנֶגְדֶּךָ עֲלֻמֵנוּ לִמְאוֹר פָּנֶיךָ: (64 - צ:יג) שׁוּבָה יְהוָה עַד-מָתָי וְהִנָּחֵם עַל-עֲבָדֶיךָ: (65 - צ:יד) שַׂבְּעֵנוּ בַבּקֶר חַסְדֶּךָ וּנְרַנְּנָה וְנִשְׂמְחָה בְּכָל-יָמֵינוּ: (66 - צ:טו) שַׂמְּחֵנוּ כִּימוֹת עִנִּיתָנוּ שְׁנוֹת רָאִינוּ רָעָה: (67 - צב:יד) שְׁתוּלִים בְּבֵית יְהוָה בְּחַצְרוֹת אֱלֹהֵינוּ יַפְרִיחוּ: (68 - צו:א) שִׁירוּ לַיהוָה שִׁיר חָדָשׁ שִׁירוּ לַיהוָה כָּל-הָאָרֶץ: (69 - צו:ב) שִׁירוּ לַיהוָה בָּרֲכוּ שְׁמוֹ בַּשְּׂרוּ מִיּוֹם-לְיוֹם יְשׁוּעָתוֹ: (70 - צז:ח) שָׁמְעָה וַתִּשְׂמַח צִיּוֹן וַתָּגֵלְנָה בְּנוֹת יְהוּדָה לְמַעַן מִשְׁפָּטֶיךָ יְהוָה: (71 - צז:יב) שִׂמְחוּ צַדִּיקִים בַּיהוָה וְהוֹדוּ לְזֵכֶר קָדְשׁוֹ: (72 - קב:ח) שָׁקַדְתִּי וָאֶהְיֶה כְּצִפּוֹר בּוֹדֵד עַל-גָּג: (73 - קד:כו) שָׁם אֳנִיּוֹת יְהַלֵּכוּן לִוְיָתָן זֶה יָצַרְתָּ לְשַׂחֶק-בּוֹ: (74 - קה:ב) שִׁירוּ לוֹ זַמְּרוּ-לוֹ שִׂיחוּ בְּכָל-נִפְלְאתָיו: (75 - קה:יז) שָׁלַח לִפְנֵיהֶם אִישׁ לְעֶבֶד נִמְכַּר יוֹסֵף: (76 - קה:כ) שָׁלַח-מֶלֶךְ וַיַתִּירֵהוּ משֵׁל עַמִּים וַיְפַתְּחֵהוּ: (77 - קה:כא) שָׂמוֹ אָדוֹן לְבֵיתוֹ וּמשֵׁל בְּכָל-קִנְיָנוֹ: (78 - קה:כו) שָׁלַח משֶׁה עַבְדּוֹ אַהֲרן אֲשֶׁר בָּחַר-בּוֹ: (79 - קה:כז) שָׂמוּ-בָם דִּבְרֵי אתוֹתָיו וּמפְתִים בְּאֶרֶץ חָם: (80 - קה:כח) שָׁלַח חֹשֶׁךְ וַיַּחֲשִׁךְ וְלֹא-מָרוּ אֶת-דְּבָרוֹ: (81 - קה:ל) שָׁרַץ אַרְצָם צְפַרְדְּעִים בְּחַדְרֵי מַלְכֵיהֶם: (82 - קה:לח) שָׂמַח מִצְרַיִם בְּצֵאתָם כִּי-נָפַל פַּחְדָּם עֲלֵיהֶם: (83 - קה:מ) שָׁאַל וַיָּבֵא שְׂלָו וְלֶחֶם שָׁמַיִם יַשְׂבִּיעֵם: (84 - קו:כא) שָׁכְחוּ אֵל מוֹשִׁיעָם עשֶׂה גְדלוֹת בְּמִצְרָיִם: (85 - קז:מ) שׁפֵךְ בּוּז עַל-נְדִיבִים וַיַּתְעֵם בְּתֹהוּ לֹא-דָרֶךְ: (86 - קח:א) שִׁיר מִזְמוֹר לְדָוִד: (87 - קטז:ו) שׁמֵר פְּתָאיִם יְהוָֹה דַּלּתִי וְלִי יְהוֹשִׁיעַ: (88 - קטז:ז) שׁוּבִי נַפְשִׁי לִמְנוּחָיְכִי כִּי יְהוָה גָּמַל עָלָיְכִי: (89 - קיט:קסא) שָׂרִים רְדָפוּנִי חִנָּם וּמִדְּבָרְךָ פָּחַד לִבִּי: (90 - קיט:קסב) שָׂשׂ אָנכִי עַל-אִמְרָתֶךָ כְּמוֹצֵא שָׁלָל רָב: (91 - קיט:קסג) שֶׁקֶר שָׂנֵאתִי וָאֲתַעֵבָה תּוֹרָתְךָ אָהָבְתִּי: (92 - קיט:קסד) שֶׁבַע בַּיּוֹם הִלַּלְתִּיךָ עַל מִשְׁפְּטֵי צִדְקֶךָ: (93 - קיט:קסה) שָׁלוֹם רָב לְאהֲבֵי תוֹרָתֶךָ וְאֵין לָמוֹ מִכְשׁוֹל: (94 - קיט:קסו) שִׂבַּרְתִּי לִישׁוּעָתְךָ יְהוָה וּמִצְוֹתֶיךָ עָשִׂיתִי: (95 - קיט:קסז) שָׁמְרָה נַפְשִׁי עֵדתֶיךָ וָאהֲבֵם מְאד: (96 - קיט:קסח) שָׁמַרְתִּי פִקּוּדֶיךָ וְעֵדתֶיךָ כִּי כָל-דְּרָכַי נֶגְדֶּךָ: (97 - קכ:א) שִׁיר הַמַּעֲלוֹת אֶל-יְהוָה בַּצָּרָתָה לִּי קָרָאתִי וַיַּעֲנֵנִי: (98 - קכא:א) שִׁיר לַמַּעֲלוֹת אֶשָּׂא עֵינַי אֶל-הֶהָרִים מֵאַיִן יָבא עֶזְרִי: (99 - קכב:א) שִׁיר הַמַּעֲלוֹת לְדָוִד שָׂמַחְתִּי בְּאמְרִים לִי בֵּית יְהוָה נֵלֵךְ: (100 - קכב:ד) שֶׁשָּׁם עָלוּ שְׁבָטִים שִׁבְטֵי-יָהּ עֵדוּת לְיִשְׂרָאֵל לְהדוֹת לְשֵׁם יְהוָה: (101 - קכב:ו) שַׁאֲלוּ שְׁלוֹם יְרוּשָׁלָם יִשְׁלָיוּ אהֲבָיִךְ: (102 - קכג:א) שִׁיר הַמַּעֲלוֹת אֵלֶיךָ נָשָׂאתִי אֶת-עֵינַי הַיּשְׁבִי בַּשָּׁמָיִם: (103 - קכד:א) שִׁיר הַמַּעֲלוֹת לְדָוִד לוּלֵי יְהוָה שֶׁהָיָה לָנוּ יאמַר-נָא יִשְׂרָאֵל: (104 - קכה:א) שִׁיר הַמַּעֲלוֹת הַבּטְחִים בַּיהוָה כְּהַר-צִיּוֹן לֹא-יִמּוֹט לְעוֹלָם יֵשֵׁב: (105 - קכו:א) שִׁיר הַמַּעֲלוֹת בְּשׁוּב יְהוָה אֶת-שִׁיבַת צִיּוֹן הָיִינוּ כְּחֹלְמִים: (106 - קכו:ד) שׁוּבָה יְהוָה אֶת-שְׁבִיתֵנוּ כַּאֲפִיקִים בַּנֶּגֶב: (107 - קכז:א) שִׁיר הַמַּעֲלוֹת לִשְׁלֹמה אִם-יְהוָה לֹא-יִבְנֶה בַיִת שָׁוְא עָמְלוּ בוֹנָיו בּוֹ אִם-יְהוָה לֹא-יִשְׁמָר-עִיר שָׁוְא שָׁקַד שׁוֹמֵר: (108 - קכז:ב) שָׁוְא לָכֶם מַשְׁכִּימֵי קוּם מְאַחֲרֵי-שֶׁבֶת אכְלֵי לֶחֶם הָעֲצָבִים כֵּן יִתֵּן לִידִידוֹ שֵׁנָא: (109 - קכח:א) שִׁיר הַמַּעֲלוֹת אַשְׁרֵי כָּל-יְרֵא יְהוָה הַהלֵךְ בִּדְרָכָיו: (110 - קכט:א) שִׁיר הַמַּעֲלוֹת רַבַּת צְרָרוּנִי מִנְּעוּרָי יאמַר נָא יִשְׂרָאֵל: (111 - קכט:ז) שֶׁלּא מִלֵּא כַפּוֹ קוֹצֵר וְחִצְנוֹ מְעַמֵּר: (112 - קל:א) שִׁיר הַמַּעֲלוֹת מִמַּעֲמַקִּים קְרָאתִיךָ יְהוָה: (113 - קלא:א) שִׁיר הַמַּעֲלוֹת לְדָוִד יְהוָה לֹא-גָבַהּ לִבִּי וְלֹא-רָמוּ עֵינַי וְלֹא-הִלַּכְתִּי בִּגְדלוֹת וּבְנִפְלָאוֹת מִמֶּנִּי: (114 - קלב:א) שִׁיר הַמַּעֲלוֹת זְכוֹר-יְהוָה לְדָוִד אֵת כָּל-עֻנּוֹתוֹ: (115 - קלב:יז) שָׁם אַצְמִיחַ קֶרֶן לְדָוִד עָרַכְתִּי נֵר לִמְשִׁיחִי: (116 - קלג:א) שִׁיר הַמַּעֲלוֹת לְדָוִד הִנֵּה מַה-טּוֹב וּמַה-נָּעִים שֶׁבֶת אַחִים גַּם-יָחַד: (117 - קלד:א) שִׁיר הַמַּעֲלוֹת הִנֵּה בָרֲכוּ אֶת-יְהוָה כָּל-עַבְדֵי יְהוָה הָעמְדִים בְּבֵית-יְהוָה בַּלֵּילוֹת: (118 - קלד:ב) שְׂאוּ-יְדֵכֶם קדֶשׁ וּבָרְכוּ אֶת-יְהוָה: (119 - קלה:ב) שֶׁעמְדִים בְּבֵית יְהוָה בְּחַצְרוֹת בֵּית אֱלֹהֵינוּ: (120 - קלה:ח) שֶׁהִכָּה בְּכוֹרֵי מִצְרָיִם מֵאָדָם עַד-בְּהֵמָה: (121 - קלה:ט) שָׁלַח אוֹתֹת וּמפְתִים בְּתוֹכֵכִי מִצְרָיִם בְּפַרְעה וּבְכָל-עֲבָדָיו: (122 - קלה:י) שֶׁהִכָּה גּוֹיִם רַבִּים וְהָרַג מְלָכִים עֲצוּמִים: (123 - קלו:כג) שֶׁבְּשִׁפְלֵנוּ זָכַר-לָנוּ כִּי לְעוֹלָם חַסְדּוֹ: (124 - קמ:ד) שָׁנְנוּ לְשׁוֹנָם כְּמוֹ נָחָשׁ חֲמַת עַכְשׁוּב תַּחַת שְׂפָתֵימוֹ סֶלָה: (125 - קמ:ה) שָׁמְרֵנִי יְהוָה מִידֵי רָשָׁע מֵאִישׁ חֲמָסִים תִּנְצְרֵנִי אֲשֶׁר חָשְׁבוּ לִדְחוֹת פְּעָמָי: (126 - קמא:ג) שִׁיתָה יְהוָה שָׁמְרָה לְפִי נִצְּרָה עַל-דַּל שְׂפָתָי: (127 - קמא:ט) שָׁמְרֵנִי מִידֵי-פַח יָקְשׁוּ לִי וּמקְשׁוֹת פּעֲלֵי אָוֶן: (128 - קמד:ז) שְׁלַח יָדֶיךָ מִמָּרוֹם פְּצֵנִי וְהַצִּילֵנִי מִמַּיִם רַבִּים מִיַּד בְּנֵי נֵכָר: (129 - קמה:כ) שׁוֹמֵר יְהוָה אֶת-כָּל-אהֲבָיו וְאֵת כָּל-הָרְשָׁעִים יַשְׁמִיד: (130 - קמז:יב) שַׁבְּחִי יְרוּשָׁלַם אֶת-יְהוָה הַלְלִי אֱלֹהַיִךְ צִיּוֹן:
|
|
|
|
|