פרקים 46-60 - פרק מו
422 קריאות
Update Required
To play the media you will need to either update your browser to a recent version or update your Flash plugin.
(א)
לַמְנַצֵּחַ לִבְנֵי-קרַח עַל-עֲלָמוֹת שִׁיר:
(ב)
אֱלֹהִים לָנוּ מַחֲסֶה וָעז עֶזְרָה בְצָרוֹת נִמְצָא מְאד:
(ג)
עַל-כֵּן לֹא-נִירָא בְּהָמִיר אָרֶץ וּבְמוֹט הָרִים בְּלֵב יַמִּים:
(ד)
יֶהֱמוּ יֶחְמְרוּ מֵימָיו יִרְעֲשׁוּ הָרִים בְּגַאֲוָתוֹ סֶלָה:
(ה)
נָהָר פְּלָגָיו יְשַׂמְּחוּ עִיר-אֱלֹהִים קְדשׁ מִשְׁכְּנֵי עֶלְיוֹן:
(ו)
אֱלֹהִים בְּקִרְבָּהּ בַּל-תִּמּוֹט יַעְזְּרֶהָ אֱלֹהִים לִפְנוֹת בּקֶר:
(ז)
הָמוּ גוֹיִם מָטוּ מַמְלָכוֹת נָתַן בְּקוֹלוֹ תָּמוּג אָרֶץ:
(ח)
יְהוָה צְבָאוֹת עִמָּנוּ מִשְׂגַּב-לָנוּ אֱלֹהֵי יַעֲקב סֶלָה:
(ט)
לְכוּ-חֲזוּ מִפְעֲלוֹת יְהוָה אֲשֶׁר-שָׂם שַׁמּוֹת בָּאָרֶץ:
(י)
מַשְׁבִּית מִלְחָמוֹת עַד-קְצֵה הָאָרֶץ קֶשֶׁת יְשַׁבֵּר וְקִצֵּץ חֲנִית עֲגָלוֹת יִשְׂרף בָּאֵשׁ:
(יא)
הַרְפּוּ וּדְעוּ כִּי-אָנכִי אֱלֹהִים אָרוּם בַּגּוֹיִם אָרוּם בָּאָרֶץ:
(יב)
יְהוָה צְבָאוֹת עִמָּנוּ מִשְׂגַּב-לָֹנוּ אֱלֹהֵי יַעֲקב סֶלָה:
קראת? שתף חברים