תהילים ליום שבת - פרק קלח

קלה קלו קלז קלח קלט קמ קמא קמב קמג קמד קמה קמו קמז קמח קמט קנ

תרום לאמירת תהילים והקדשתך תופיע כאן

��

(א) לְדָוִד אוֹדְךָ בְכָל-לִבִּי נֶגֶד אֱלֹהִים אֲזַמְּרֶךָּ:
(ב) אֶשְׁתַּחֲוֶה אֶל-הֵיכַל קָדְשְׁךָ וְאוֹדֶה אֶת-שְׁמֶךָ עַל-חַסְדְּךָ וְעַל-אֲמִתֶּךָ כִּי-הִגְדַּלְתָּ עַל-כָּל-שִׁמְךָ אִמְרָתֶךָ:
(ג) בְּיוֹם קָרָאתִי וַתַּעֲנֵנִי תַּרְהִבֵנִי בְנַפְשִׁי עז:
(ד) יוֹדוּךָ יְהוָה כָּל-מַלְכֵי-אָרֶץ כִּי שָׁמְעוּ אִמְרֵי-פִיךָ:
(ה) וְיָשִׁירוּ בְּדַרְכֵי יְהוָה כִּי גָדוֹל כְּבוֹד יְהוָה:
(ו) כִּי רָם יְהוָה וְשָׁפָל יִרְאֶה וְגָבהַּ מִמֶּרְחָק יְיֵדָע:
(ז) אִם-אֵלֵךְ בְּקֶרֶב צָרָה תְּחַיֵּנִי עַל אַף איְבַי תִּשְׁלַח יָדֶךָ וְתוֹשִׁיעֵנִי יְמִינֶךָ:
(ח) יְהוָה יִגְמר בַּעֲדִי יְהוָה חַסְדְּךָ לְעוֹלָם מַעֲשֵׂי יָדֶיךָ אַל-תֶּרֶף: