7030
צור קשר עם תהילים.net
סגולות שירים מאמרים הקדשות תרום לנו תקשורת
éĺí áçĺăů éĺí áůáĺň
äůí ůěę áúäéěéí ůŕě áúäéěéí
çéôĺů áŕúř

תהלים ליום כו בחודש - פרק קיט

 ×Ş×¨×•× לאמירת תהילים והקדשתך תופיע כאן äĺńó ä÷ăůä
(צז) מָה-אָהַבְתִּי תוֹרָתֶךָ כָּל-הַיּוֹם הִיא שִׂיחָתִי:
(צח) מֵאיְבַי תְּחַכְּמֵנִי מִצְוֹתֶךָ כִּי לְעוֹלָם הִיא-לִי:
(צט) מִכָּל-מְלַמְּדַי הִשְׂכַּלְתִּי כִּי עֵדְוֹתֶיךָ שִׂיחָה לִי:
(ק) מִזְּקֵנִים אֶתְבּוֹנָן כִּי פִקּוּדֶיךָ נָצָרְתִּי:
(קא) מִכָּל-ארַח רָע כָּלִאתִי רַגְלָי לְמַעַן אֶשְׁמר דְּבָרֶךָ:
(קב) מִמִּשְׁפָּטֶיךָ לֹא-סָרְתִּי כִּי אַתָּה הוֹרֵתָנִי:
(קג) מַה-נִּמְלְצוּ לְחִכִּי אִמְרָתֶךָ מִדְּבַשׁ לְפִי:
(קד) מִפִּקּוּדֶיךָ אֶתְבּוֹנָן עַל-כֵּן שָׂנֵאתִי כָּל-ארַח שָׁקֶר:
(קה) נֵר-לְרַגְלִי דְבָרֶךָ וְאוֹר לִנְתִיבָתִי:
(קו) נִשְׁבַּעְתִּי וָאֲקַיֵּמָה לִשְׁמר מִשְׁפְּטֵי צִדְקֶךָ:
(קז) נַעֲנֵיתִי עַד-מְאד יְהוָה חַיֵּנִי כִדְבָרֶךָ:
(קח) נִדְבוֹת פִּי רְצֵה-נָא יְהוָה וּמִשְׁפָּטֶיךָ לַמְּדֵנִי:
(קט) נַפְשִׁי בְכַפִּי תָמִיד וְתוֹרָתְךָ לֹא שָׁכָחְתִּי:
(קי) נָתְנוּ רְשָׁעִים פַּח לִי וּמִפִּקּוּדֶיךָ לֹא תָעִיתִי:
(קיא) נָחַלְתִּי עֵדְוֹתֶיךָ לְעוֹלָם כִּי-שְׂשׂוֹן לִבִּי הֵמָּה:
(קיב) נָטִיתִי לִבִּי לַעֲשׂוֹת חֻקֶּיךָ לְעוֹלָם עֵקֶב:
(קיג) סֵעֲפִים שָׂנֵאתִי וְתוֹרָתְךָ אָהָבְתִּי:
(קיד) סִתְרִי וּמָגִנִּי אָתָּה לִדְבָרְךָ יִחָלְתִּי:
(קטו) סוּרוּ מִמֶּנִּי מְרֵעִים וְאֶצְּרָה מִצְוֹת אֱלֹהָי:
(קטז) סָמְכֵנִי כְאִמְרָתְךָ וְאֶחְיֶה וְאַל-תְּבִישֵׁנִי מִשִּׂבְרִי:
(קיז) סְעָדֵנִי וְאִוָּשֵׁעָה וְאֶשְׁעָה בְחֻקֶּיךָ תָמִיד:
(קיח) סָלִיתָ כָּל-שׁגִים מֵחֻקֶּיךָ כִּי-שֶׁקֶר תַּרְמִיתָם:
(קיט) סִגִים הִשְׁבַּתָּ כָל-רִשְׁעֵי-אָרֶץ לָכֵן אָהַבְתִּי עֵדתֶיךָ:
(קכ) סָמַר מִפַּחְדְּךָ בְשָׂרִי וּמִמִּשְׁפָּטֶיךָ יָרֵאתִי:
(קכא) עָשִׂיתִי מִשְׁפָּט וָצֶדֶק בַּל-תַּנִּיחֵנִי לְעשְׁקָי:
(קכב) עֲרב עַבְדְּךָ לְטוֹב אַל-יַעַשְׁקֻנִי זֵדִים:
(קכג) עֵינַי כָּלוּ לִישׁוּעָתֶךָ וּלְאִמְרַת צִדְקֶךָ:
(קכד) עֲשֵׂה עִם-עַבְדְּךָ כְחַסְדֶּךָ וְחֻקֶּיךָ לַמְּדֵנִי:
(קכה) עַבְדְּךָ-אָנִי הֲבִינֵנִי וְאֵדְעָה עֵדתֶיךָ:
(קכו) עֵת לַעֲשׂוֹת לַיהוָה הֵפֵרוּ תּוֹרָתֶךָ:
(קכז) עַל-כֵּן אָהַבְתִּי מִצְוֹתֶיךָ מִזָּהָב וּמִפָּז:
(קכח) עַל-כֵּן כָּל-פִּקּוּדֵי כל יִשָּׁרְתִּי כָּל-ארַח שֶׁקֶר שָׂנֵאתִי:
(קכט) פְּלָאוֹת עֵדְוֹתֶיךָ עַל-כֵּן נְצָרָתַם נַפְשִׁי:
(קל) פֵּתַח דְּבָרֶיךָ יָאִיר מֵבִין פְּתָיִים:
(קלא) פִּי פָעַרְתִּי וָאֶשְׁאָפָה כִּי לְמִצְוֹתֶיךָ יָאָבְתִּי:
(קלב) פְּנֵה-אֵלַי וְחָנֵּנִי כְּמִשְׁפָּט לְאהֲבֵי שְׁמֶךָ:
(קלג) פְּעָמַי הָכֵן בְּאִמְרָתֶךָ וְאַל-תַּשְׁלֶט-בִּי כָל-אָוֶן:
(קלד) פְּדֵנִי מֵעשֶׁק אָדָם וְאֶשְׁמְרָה פִּקּוּדֶיךָ:
(קלה) פָּנֶיךָ הָאֵר בְּעַבְדֶּךָ וְלַמְּדֵנִי אֶת-חֻקֶּיךָ:
(קלו) פַּלְגֵי-מַיִם יָרְדוּ עֵינָי עַל לֹא-שָׁמְרוּ תוֹרָתֶךָ:
(קלז) צַדִּיק אַתָּה יְהוָה וְיָשָׁר מִשְׁפָּטֶיךָ:
(קלח) צִוִּיתָ צֶדֶק עֵדתֶיךָ וֶאֱמוּנָה מְאד:
(קלט) צִמְּתַתְנִי קִנְאָתִי כִּי-שָׁכְחוּ דְבָרֶיךָ צָרָי:
(קמ) צְרוּפָה אִמְרָתְךָ מְאד וְעַבְדְּךָ אֲהֵבָהּ:
(קמא) צָעִיר אָנכִי וְנִבְזֶה פִּקֻּדֶיךָ לֹא שָׁכָחְתִּי:
(קמב) צִדְקָתְךָ צֶדֶק לְעוֹלָם וְתוֹרָתְךָ אֱמֶת:
(קמג) צַר-וּמָצוֹק מְצָאוּנִי מִצְוֹתֶיךָ שַׁעֲשֻׁעָי:
(קמד) צֶדֶק עֵדְוֹתֶיךָ לְעוֹלָם הֲבִינֵנִי וְאֶחְיֶה:
(קמה) קָרָאתִי בְכָל-לֵב עֲנֵנִי יְהוָה חֻקֶּיךָ אֶצּרָה:
(קמו) קְרָאתִיךָ הוֹשִׁיעֵנִי וְאֶשְׁמְרָה עֵדתֶיךָ:
(קמז) קִדַּמְתִּי בַנֶּשֶׁף וָאֲשַׁוֵּעָה לִדְבָרְךָ יִחָלְתִּי:
(קמח) קִדְּמוּ עֵינַי אַשְׁמֻרוֹת לָשִׂיחַ בְּאִמְרָתֶךָ:
(קמט) קוֹלִי שִׁמְעָה כְּחַסְדֶּךָ יְהוָה כְּמִשְׁפָּטֶךָ חַיֵּנִי:
(קנ) קָרְבוּ רדְפֵי זִמָּה מִתּוֹרָתְךָ רָחָקוּ:
(קנא) קָרוֹב אַתָּה יְהוָה וְכָל-מִצְוֹתֶיךָ אֱמֶת:
(קנב) קֶדֶם יָדַעְתִּי מֵעֵדתֶיךָ כִּי לְעוֹלָם יְסַדְתָּם:
(קנג) רְאֵה-עָנְיִי וְחַלְּצֵנִי כִּי-תוֹרָתְךָ לֹא שָׁכָחְתִּי:
(קנד) רִיבָה רִיבִי וּגְאָלֵנִי לְאִמְרָתְךָ חַיֵּנִי:
(קנה) רָחוֹק מֵרְשָׁעִים יְשׁוּעָה כִּי-חֻקֶּיךָ לֹא דָרָשׁוּ:
(קנו) רַחֲמֶיךָ רַבִּים יְהוָה כְּמִשְׁפָּטֶיךָ חַיֵּנִי:
(קנז) רַבִּים רדְפַי וְצָרָי מֵעֵדְוֹתֶיךָ לֹא נָטִיתִי:
(קנח) רָאִיתִי בגְדִים וָאֶתְקוֹטָטָה אֲשֶׁר אִמְרָתְךָ לֹא שָׁמָרוּ:
(קנט) רְאֵה כִּי-פִקּוּדֶיךָ אָהָבְתִּי יְהוָה כְּחַסְדְּךָ חַיֵּנִי:
(קס) ראשׁ-דְּבָרְךָ אֱמֶת וּלְעוֹלָם כָּל-מִשְׁפַּט צִדְקֶךָ:
(קסא) שָׂרִים רְדָפוּנִי חִנָּם וּמִדְּבָרְךָ פָּחַד לִבִּי:
(קסב) שָׂשׂ אָנכִי עַל-אִמְרָתֶךָ כְּמוֹצֵא שָׁלָל רָב:
(קסג) שֶׁקֶר שָׂנֵאתִי וָאֲתַעֵבָה תּוֹרָתְךָ אָהָבְתִּי:
(קסד) שֶׁבַע בַּיּוֹם הִלַּלְתִּיךָ עַל מִשְׁפְּטֵי צִדְקֶךָ:
(קסה) שָׁלוֹם רָב לְאהֲבֵי תוֹרָתֶךָ וְאֵין לָמוֹ מִכְשׁוֹל:
(קסו) שִׂבַּרְתִּי לִישׁוּעָתְךָ יְהוָה וּמִצְוֹתֶיךָ עָשִׂיתִי:
(קסז) שָׁמְרָה נַפְשִׁי עֵדתֶיךָ וָאהֲבֵם מְאד:
(קסח) שָׁמַרְתִּי פִקּוּדֶיךָ וְעֵדתֶיךָ כִּי כָל-דְּרָכַי נֶגְדֶּךָ:
(קסט) תִּקְרַב רִנָּתִי לְפָנֶיךָ יְהוָה כִּדְבָרְךָ הֲבִינֵנִי:
(קע) תָּבוֹא תְחִנָּתִי לְפָנֶיךָ כְּאִמְרָתְךָ הַצִּילֵנִי:
(קעא) תַּבַּעְנָה שְׂפָתַי תְּהִלָּה כִּי תְלַמְּדֵנִי חֻקֶּיךָ:
(קעב) תַּעַן-לְשׁוֹנִי אִמְרָתֶךָ כִּי כָל-מִצְוֹתֶיךָ צֶּדֶק:
(קעג) תְּהִי-יָדְךָ לְעָזְרֵנִי כִּי פִקּוּדֶיךָ בָחָרְתִּי:
(קעד) תָּאַבְתִּי לִישׁוּעָתְךָ יְהוָה וְתוֹרָתְךָ שַׁעֲשֻׁעָי:
(קעה) תְּחִי-נַפְשִׁי וּתְהַלְלֶךָּ וּמִשְׁפָּטֶךָ יַעְזְּרֻנִי:
(קעו) תָּעִיתִי כְּשֶׂה אבֵד בַּקֵּשׁ עַבְדֶּךָ כִּי מִצְוֹתֶיךָ לֹא שָׁכָחְתִּי:
âřńú äăôńä ůěç ěçář
÷řŕúé ŕú äôř÷ ěŕ ÷řŕúé ŕú äôř÷
ôř÷ äáŕ ôř÷ ÷ĺăí
úâéĺú
לאמר מזמורים דוד המלך אמונה ישועה בקשה שירי שונא יהודי תמים להבריח שונאיך זהירות מציאת זיווג אישה דין אם שכולה קריאת תהלים שלימה תהלים שפע מסע תרומת תהלים מחולק דוד משאלה הפלה נישואים שנאה מריבה תהילים מתים הקדשות סגולה ספינה לימוד תהלים אורח לידה חן מעלת נשמות בניה


î÷áĺöú îôňě äěëä ářůú   ýŠý All Rights Reserved, tehilim.net