תהלים ליום א בחודש - פרק ו

ג ד ה ו ז ח ט

תרום לאמירת תהילים והקדשתך תופיע כאן

��

(א) לַמְנַצֵּחַ בִּנְגִינוֹת עַל-הַשְּׁמִינִית מִזְמוֹר לְדָוִד:
(ב) יְהוָה אַל-בְּאַפְּךָ תוֹכִיחֵנִי וְאַל-בַּחֲמָתְךָ תְיַסְּרֵנִי:
(ג) חָנֵּנִי יְהוָה כִּי אֻמְלַל אָנִי רְפָאֵנִי יְהוָה כִּי נִבְהֲלוּ עֲצָמָי:
(ד) וְנַפְשִׁי נִבְהֲלָה מְאד וְאַתָּה יְהוָה עַד-מָתָי:
(ה) שׁוּבָה יְהוָה חַלְּצָה נַפְשִׁי הוֹשִׁיעֵנִי לְמַעַן חַסְדֶּךָ:
(ו) כִּי אֵין בַּמָּוֶת זִכְרֶךָ בִּשְׁאוֹל מִי יוֹדֶה-לָּךְ:
(ז) יָגַעְתִּי בְאַנְחָתִי אַשְׂחֶה בְכָל-לַיְלָה מִטָּתִי בְּדִמְעָתִי עַרְשִׂי אַמְסֶה:
(ח) עָשְׁשָׁה מִכַּעַס עֵינִי עָתְקָה בְּכָל-צוֹרְרָי:
(ט) סוּרוּ מִמֶּנִּי כָּל-פּעֲלֵי אָוֶן כִּי-שָׁמַע יְהוָה קוֹל בִּכְיִי:
(י) שָׁמַע יְהוָה תְּחִנָּתִי יְהוָה תְּפִלָּתִי יִקָּח:
(יא) יֵבשׁוּ וְיִבָּהֲלוּ מְאד כָּל-איְבָי יָשֻׁבוּ יֵבשׁוּ רָגַע: