תהלים ליום ל בחודש - פרק קמו

קמה קמו קמז קמח קמט קנ

תרום לאמירת תהילים והקדשתך תופיע כאן

��

(א) הַלְלוּיָהּ הַלְלִי נַפְשִׁי אֶת-יְהוָה:
(ב) אֲהַלְלָה יְהוָה בְּחַיָּי אֲזַמְּרָה לֵאלֹהַי בְּעוֹדִי:
(ג) אַל-תִּבְטְחוּ בִנְדִיבִים בְּבֶן-אָדָם שֶׁאֵין לוֹ תְשׁוּעָה:
(ד) תֵּצֵא רוּחוֹ יָשֻׁב לְאַדְמָתוֹ בַּיּוֹם הַהוּא אָבְדוּ עֶשְׁתּנתָיו:
(ה) אַשְׁרֵי שֶׁאֵל יַעֲקב בְּעֶזְרוֹ שִׂבְרוֹ עַל-יְהוָה אֱלֹהָיו:
(ו) עשֶׂה שָׁמַיִם וָאָרֶץ אֶת-הַיָּם וְאֶת-כָּל-אֲשֶׁר-בָּם הַשּׁמֵר אֱמֶת לְעוֹלָם:
(ז) עשֶׂה מִשְׁפָּט לַעֲשׁוּקִים נתֵן לֶחֶם לָרְעֵבִים יְהוָה מַתִּיר אֲסוּרִים:
(ח) יְהוָה פּקֵחַ עִוְרִים יְהוָה זקֵף כְּפוּפִים יְהוָה אהֵב צַדִּיקִים:
(ט) יְהוָה שׁמֵר אֶת-גֵּרִים יָתוֹם וְאַלְמָנָה יְעוֹדֵד וְדֶרֶךְ רְשָׁעִים יְעַוֵּת:
(י) יִמְלֹךְ יְהוָה לְעוֹלָם אֱלֹהַיִךְ צִיּוֹן לְדר וָדר הַלְלוּיָהּ: