אות ג
(1 - ט:ו) גָּעַרְתָּ גוֹיִם אִבַּדְתָּ רָשָׁע שְׁמָם מָחִיתָ לְעוֹלָם וָעֶד: (2 - יט:יב) גַּם-עַבְדְּךָ נִזְהָר בָּהֶם בְּשָׁמְרָם עֵקֶב רָב: (3 - יט:יד) גַּם מִזֵּדִים חֲשׂךְ עַבְדֶּךָ אַל-יִמְשְׁלוּ-בִי אָז אֵיתָם וְנִקֵּיתִי מִפֶּשַׁע רָב: (4 - כא:ו) גָּדוֹל כְּבוֹדוֹ בִּישׁוּעָתֶךָ הוֹד וְהָדָר תְּשַׁוֶּה עָלָיו: (5 - כב:ט) גּל אֶל-יְהוָה יְפַלְּטֵהוּ יַצִּילֵהוּ כִּי חָפֵץ בּוֹ: (6 - כג:ד) גַּם כִּי-אֵלֵךְ בְּגֵיא צַלְמָוֶת לֹא-אִירָא רָע כִּי-אַתָּה עִמָּדִי שִׁבְטְךָ וּמִשְׁעַנְתֶּךָ הֵמָּה יְנַחֲמֻנִי: (7 - כה:ג) גַּם כָּל-קוֶֹיךָ לֹא יֵבשׁוּ יֵבשׁוּ הַבּוֹגְדִים רֵיקָם: (8 - לד:ד) גַּדְּלוּ לַיהוָה אִתִּי וּנְרוֹמְמָה שְׁמוֹ יַחְדָּו: (9 - לז:ה) גּוֹל עַל-יְהוָה דַּרְכֶּךָ וּבְטַח עָלָיו וְהוּא יַעֲשֶׂה: (10 - מא:י) גַּם אִישׁ-שְׁלוֹמִי אֲשֶׁר-בָּטַחְתִּי בוֹ אוֹכֵל לַחְמִי הִגְדִּיל עָלַי עָקֵב: (11 - מח:ב) גָּדוֹל יְהוָה וּמְהֻלָּל מְאד בְּעִיר אֱלֹהֵינוּ הַר-קָדְשׁוֹ: (12 - מט:ג) גַּם-בְּנֵי אָדָם גַּם-בְּנֵי-אִישׁ יַחַד עָשִׁיר וְאֶבְיוֹן: (13 - נב:ז) גַּם-אֵל יִתָּצְךָ לָנֶצַח יַחְתְּךָ וְיִסָּחֲךָ מֵאהֶל וְשֵׁרֶשְׁךָ מֵאֶרֶץ חַיִּים סֶלָה: (14 - סח:י) גֶּשֶׁם נְדָבוֹת תָּנִיף אֱלֹהִים נַחֲלָתְךָ וְנִלְאָה אַתָּה כוֹנַנְתָּהּ: (15 - סח:לא) גְּעַר חַיַּת קָנֶה עֲדַת אַבִּירִים בְּעֶגְלֵי עַמִּים מִתְרַפֵּס בְּרַצֵּי-כָסֶף בִּזַּר עַמִּים קְרָבוֹת יֶחְפָּצוּ: (16 - עא:כב) גַּם-אֲנִי אוֹדְךָ בִכְלִי-נֶבֶל אֲמִתְּךָ אֱלֹהָי אֲזַמְּרָה לְךָ בְכִנּוֹר קְדוֹשׁ יִשְׂרָאֵל: (17 - עא:כד) גַּם-לְשׁוֹנִי כָּל-הַיּוֹם תֶּהְגֶּה צִדְקָתֶךָ כִּי-בשׁוּ כִי-חָפְרוּ מְבַקְשֵׁי רָעָתִי: (18 - עז:טז) גָּאַלְתָּ בִּזְרוֹעַ עַמֶּךָ בְּנֵי-יַעֲקב וְיוֹסֵף סֶלָה: (19 - פ:ט) גֶּפֶן מִמִּצְרַיִם תַּסִּיעַ תְּגָרֵשׁ גּוֹיִם וַתִּטָּעֶהָ: (20 - פג:ח) גְּבָל וְעַמּוֹן וַעֲמָלֵק פְּלֶשֶׁת עִם-ישְׁבֵי צוֹר: (21 - פג:ט) גַּם-אַשּׁוּר נִלְוָה עִמָּם הָיוּ זְרוֹעַ לִבְנֵי-לוֹט סֶלָה: (22 - פד:ד) גַּם-צִפּוֹר מָצְאָה בַיִת וּדְרוֹר קֵן לָהּ אֲשֶׁר-שָׁתָה אֶפְרחֶיהָ אֶת-מִזְבְּחוֹתֶיךָ יְהוָה צְבָאוֹת מַלְכִּי וֵאלֹהָי: (23 - פה:יג) גַּם-יְהוָה יִתֵּן הַטּוֹב וְאַרְצֵנוּ תִּתֵּן יְבוּלָהּ: (24 - קד:ט) גְּבוּל-שַׂמְתָּ בַּל-יַעֲברוּן בַּל-יְשֻׁבוּן לְכַסּוֹת הָאָרֶץ: (25 - קיא:ב) גְּדלִים מַעֲשֵׂי יְהוָה דְּרוּשִׁים לְכָל-חֶפְצֵיהֶם: (26 - קיב:ב) גִּבּוֹר בָּאָרֶץ יִהְיֶה זַרְעוֹ דּוֹר יְשָׁרִים יְברָךְ: (27 - קיט:יז) גְּמל עַל-עַבְדְּךָ אֶחְיֶה וְאֶשְׁמְרָה דְבָרֶךָ: (28 - קיט:יח) גַּל-עֵינַי וְאַבִּיטָה נִפְלָאוֹת מִתּוֹרָתֶךָ: (29 - קיט:יט) גֵּר אָנכִי בָאָרֶץ אַל-תַּסְתֵּר מִמֶּנִּי מִצְוֹתֶיךָ: (30 - קיט:כ) גָּרְסָה נַפְשִׁי לְתַאֲבָה אֶל-מִשְׁפָּטֶיךָ בְכָל-עֵת: (31 - קיט:כא) גָּעַרְתָּ זֵדִים אֲרוּרִים הַשּׁגִים מִמִּצְוֹתֶיךָ: (32 - קיט:כב) גַּל מֵעָלַי חֶרְפָּה וָבוּז כִּי עֵדתֶיךָ נָצָרְתִּי: (33 - קיט:כג) גַּם יָשְׁבוּ שָׂרִים בִּי נִדְבָּרוּ עַבְדְּךָ יָשִׂיחַ בְּחֻקֶּיךָ: (34 - קיט:כד) גַּם-עֵדתֶיךָ שַׁעֲשֻׁעַי אַנְשֵׁי עֲצָתִי: (35 - קלט:י) גַּם-שָׁם יָדְךָ תַנְחֵנִי וְתֹאחֲזֵנִי יְמִינֶךָ: (36 - קלט:יב) גַּם-חֹשֶׁךְ לֹא-יַחְשִׁיךְ מִמֶּךָּ וְלַיְלָה כַּיּוֹם יָאִיר כַּחֲשֵׁיכָה כָּאוֹרָה: (37 - קלט:טז) גָּלְמִי רָאוּ עֵינֶיךָ וְעַל-סִפְרְךָ כֻּלָּם יִכָּתֵבוּ יָמִים יֻצָּרוּ וְלוֹ אֶחָד בָּהֶם: (38 - קמה:ג) גָּדוֹל יְהוָה וּמְהֻלָּל מְאד וְלִגְדֻלָּתוֹ אֵין חֵקֶר: (39 - קמז:ה) גָּדוֹל אֲדוֹנֵינוּ וְרַב-כּחַ לִתְבוּנָתוֹ אֵין מִסְפָּר:
|