אות ח
(1 - ו:ג) חָנֵּנִי יְהוָה כִּי אֻמְלַל אָנִי רְפָאֵנִי יְהוָה כִּי נִבְהֲלוּ עֲצָמָי: (2 - ט:יד) חָנְנֵנִי יְהוָה רְאֵה עָנְיִי מִשּׂנְאָי מְרוֹמְמִי מִשַּׁעֲרֵי מָוֶת: (3 - טז:ו) חֲבָלִים נָפְלוּ-לִי בַּנְּעִמִים אַף-נַחֲלָת שָׁפְרָה עָלָי: (4 - יז:י) חֶלְבָּמוֹ סָגְרוּ פִּימוֹ דִּבְּרוּ בְגֵאוּת: (5 - יח:ו) חֶבְלֵי שְׁאוֹל סְבָבוּנִי קִדְּמוּנִי מוֹקְשֵׁי מָוֶת: (6 - יח:מז) חַי-יְהוָה וּבָרוּךְ צוּרִי וְיָרוּם אֱלוֹהֵי יִשְׁעִי: (7 - כא:ה) חַיִּים שָׁאַל מִמְּךָ נָתַתָּה לּוֹ ארֶךְ יָמִים עוֹלָם וָעֶד: (8 - כה:ז) חַטּאות נְעוּרַי וּפְשָׁעַי אַל-תִּזְכּר כְּחַסְדְּךָ זְכָר-לִי-אַתָּה לְמַעַן טוּבְךָ יְהוָה: (9 - לא:י) חָנֵּנִי יְהוָה כִּי צַר לִי עָשְׁשָׁה בְכַעַס עֵינִי נַפְשִׁי וּבִטְנִי: (10 - לא:כה) חִזְקוּ וְיַאֲמֵץ לְבַבְכֶם כָּל-הַמְיַחֲלִים לַיהוָה: (11 - לב:ה) חַטָּאתִי אוֹדִיעֲךָ וַעֲוֹנִי לֹא-כִסִּיתִי אָמַרְתִּי אוֹדֶה עֲלֵי פְשָׁעַי לַיהוָה וְאַתָּה נָשָׂאתָ עֲוֹן חַטָּאתִי סֶלָה: (12 - לד:ח) חֹנֶה מַלְאַךְ-יְהוָה סָבִיב לִירֵאָיו וַיְחַלְּצֵם: (13 - לז:יד) חֶרֶב פָּתְחוּ רְשָׁעִים וְדָרְכוּ קַשְׁתָּם לְהַפִּיל עָנִי וְאֶבְיוֹן לִטְבוֹחַ יִשְׁרֵי-דָרֶךְ: (14 - לז:טו) חַרְבָּם תָּבוֹא בְלִבָּם וְקַשְּׁתוֹתָם תִּשָּׁבַרְנָה: (15 - לח:כג) חוּשָׁה לְעֶזְרָתִי אֲדנָי תְּשׁוּעָתִי: (16 - לט:ד) חַם-לִבִּי בְּקִרְבִּי בַּהֲגִיגִי תִבְעַר-אֵשׁ דִּבַּרְתִּי בִּלְשׁוֹנִי: (17 - מה:ד) חֲגוֹר-חַרְבְּךָ עַל-יָרֵךְ גִּבּוֹר הוֹדְךָ וַהֲדָרֶךָ: (18 - מה:ו) חִצֶּיךָ שְׁנוּנִים עַמִּים תַּחְתֶּיךָ יִפְּלוּ בְּלֵב אוֹיְבֵי הַמֶּלֶךְ: (19 - נא:ג) חָנֵּנִי אֱלֹהִים כְּחַסְדֶּךָ כְּרב רַחֲמֶיךָ מְחֵה פְשָׁעָי: (20 - נה:כב) חָלְקוּ מַחֲמָאת פִּיו וּקְרַב לִבּוֹ רַכּוּ דְבָרָיו מִשֶּׁמֶן וְהֵמָּה פְתִחוֹת: (21 - נו:ב) חָנֵּנִי אֱלֹהִים כִּי-שְׁאָפַנִי אֱנוֹשׁ כָּל-הַיּוֹם לֹחֵם יִלְחָצֵנִי: (22 - נז:ב) חָנֵּנִי אֱלֹהִים חָנֵּנִי כִּי בְךָ חָסָיָה נַפְשִׁי וּבְצֵל-כְּנָפֶיךָ אֶחְסֶה עַד יַעֲבר הַוּוֹת: (23 - נח:ה) חֲמַת-לָמוֹ כִּדְמוּת חֲמַת-נָחָשׁ כְּמוֹ-פֶתֶן חֵרֵשׁ יַאְטֵם אָזְנוֹ: (24 - נט:יג) חַטַּאת פִּימוֹ דְּבַר-שְׂפָתֵימוֹ וְיִלָּכְדוּ בִגְאוֹנָם וּמֵאָלָה וּמִכַּחַשׁ יְסַפֵּרוּ: (25 - סח:יא) חַיָּתְךָ יָשְׁבוּ-בָהּ תָּכִין בְּטוֹבָתְךָ לֶעָנִי אֱלֹהִים: (26 - סט:כא) חֶרְפָּה שָׁבְרָה לִבִּי וָאָנוּשָׁה וָאֲקַוֶּה לָנוּד וָאַיִן וְלַמְנַחֲמִים וְלֹא מָצָאתִי: (27 - עז:ו) חִשַּׁבְתִּי יָמִים מִקֶּדֶם שְׁנוֹת עוֹלָמִים: (28 - פה:יא) חֶסֶד-וֶאֱמֶת נִפְגָּשׁוּ צֶדֶק וְשָׁלוֹם נָשָׁקוּ: (29 - פו:ג) חָנֵּנִי אֲדנָי כִּי-אֵלֶיךָ אֶקְרָא כָּל-הַיּוֹם: (30 - פט:ב) חַסְדֵּי יְהוָה עוֹלָם אָשִׁירָה לְדר וָדר אוֹדִיעַ אֱמוּנָתְךָ בְּפִי: (31 - קו:ו) חָטָאנוּ עִם-אֲבוֹתֵינוּ הֶעֱוִינוּ הִרְשָׁעְנוּ: (32 - קטז:ה) חַנּוּן יְהוָֹה וְצַדִּיק וֵאלֹהֵינוּ מְרַחֵם: (33 - קיט:נז) חֶלְקִי יְהוָה אָמַרְתִּי לִשְׁמר דְּבָרֶיךָ: (34 - קיט:נח) חִלִּיתִי פָנֶיךָ בְכָל-לֵב חָנֵּנִי כְּאִמְרָתֶךָ: (35 - קיט:נט) חִשַּׁבְתִּי דְרָכָי וָאָשִׁיבָה רַגְלַי אֶל-עֵדתֶיךָ: (36 - קיט:ס) חַשְׁתִּי וְלֹא הִתְמַהְמָהְתִּי לִשְׁמר מִצְוֹתֶיךָ: (37 - קיט:סא) חֶבְלֵי רְשָׁעִים עִוְּדֻנִי תּוֹרָתְךָ לֹא שָׁכָחְתִּי: (38 - קיט:סב) חֲצוֹת לַיְלָה אָקוּם לְהוֹדוֹת לָךְ עַל מִשְׁפְּטֵי צִדְקֶךָ: (39 - קיט:סג) חָבֵר אָנִי לְכָל-אֲשֶׁר יְרֵאוּךָ וּלְשׁמְרֵי פִּקּוּדֶיךָ: (40 - קיט:סד) חַסְדְּךָ יְהוָה מָלְאָה הָאָרֶץ חֻקֶּיךָ לַמְּדֵנִי: (41 - קכ:ד) חִצֵּי גִבּוֹר שְׁנוּנִים עִם גַּחֲלֵי רְתָמִים: (42 - קכג:ג) חָנֵּנוּ יְהוָה חָנֵּנוּ כִּי-רַב שָׂבַעְנוּ בוּז: (43 - קלט:כג) חָקְרֵנִי אֵל וְדַע לְבָבִי בְּחָנֵנִי וְדַע שַׂרְעַפָּי: (44 - קמ:ב) חַלְּצֵנִי יְהוָה מֵאָדָם רָע מֵאִישׁ חֲמָסִים תִּנְצְרֵנִי: (45 - קמד:ב) חַסְדִּי וּמְצוּדָתִי מִשְׂגַּבִּי וּמְפַלְטִי לִי מָגִנִּי וּבוֹ חָסִיתִי הָרדֵד עַמִּי תַחְתָּי: (46 - קמה:ח) חַנּוּן וְרַחוּם יְהוָה אֶרֶךְ אַפַּיִם וּגְדָל-חָסֶד:
|