|
אות ת
(1 - ב:ט) תְּרעֵם בְּשֵׁבֶט בַּרְזֶל כִּכְלִי יוֹצֵר תְּנַפְּצֵם: (2 - ה:ז) תְּאַבֵּד דּבְרֵי כָזָב אִישׁ-דָּמִים וּמִרְמָה יְתָעֵב יְהוָה: (3 - ח:ז) תַּמְשִׁילֵהוּ בְּמַעֲשֵׂי יָדֶיךָ כּל שַׁתָּה תַחַת-רַגְלָיו: (4 - י:יז) תַּאֲוַת עֲנָוִים שָׁמַעְתָּ יְהוָה תָּכִין לִבָּם תַּקְשִׁיב אָזְנֶךָ: (5 - טז:יא) תּוֹדִיעֵנִי ארַח חַיִּים שׂבַע שְׂמָחוֹת אֶת-פָּנֶיךָ נְעִמוֹת בִּימִינְךָ נֶצַח: (6 - יז:א) תְּפִלָּה לְדָוִד שִׁמְעָה יְהוָה צֶדֶק הַקְשִׁיבָה רִנָּתִי הַאֲזִינָה תְפִלָּתִי בְּלֹא שִׂפְתֵי מִרְמָה: (7 - יז:ה) תָּמךְ אֲשֻׁרַי בְּמַעְגְּלוֹתֶיךָ בַּל-נָמוֹטוּ פְעָמָי: (8 - יח:לז) תַּרְחִיב צַעֲדִי תַחְתָּי וְלֹא מָעֲדוּ קַרְסֻלָּי: (9 - יח:מד) תְּפַלְּטֵנִי מֵרִיבֵי עָם תְּשִׂימֵנִי לְראשׁ גּוֹיִם עַם לֹא-יָדַעְתִּי יַעַבְדוּנִי: (10 - יט:ח) תּוֹרַת יְהוָה תְּמִימָה מְשִׁיבַת נָפֶשׁ עֵדוּת יְהוָה נֶאֱמָנָה מַחְכִּימַת פֶּתִי: (11 - כא:ג) תַּאֲוַת לִבּוֹ נָתַתָּה לּוֹ וַאֲרֶשֶׁת שְׂפָתָיו בַּל-מָנַעְתָּ סֶּלָה: (12 - כא:ט) תִּמְצָא יָדְךָ לְכָל-איְבֶיךָ יְמִינְךָ תִּמְצָא שׂנְאֶיךָ: (13 - כא:י) תְּשִׁיתֵמוֹ כְּתַנּוּר אֵשׁ לְעֵת פָּנֶיךָ יְהוָה בְּאַפּוֹ יְבַלְּעֵם וְתֹאכְלֵם אֵשׁ: (14 - כג:ה) תַּעֲרךְ לְפָנַי שֻׁלְחָן נֶגֶד צרְרָי דִּשַּׁנְתָּ בַשֶּׁמֶן ראשִׁי כּוֹסִי רְוָיָה: (15 - כה:כא) תּם-וָישֶׁר יִצְּרוּנִי כִּי קִוִּיתִיךָ: (16 - כח:ד) תֶּן-לָהֶם כְּפָעֳלָם וּכְרעַ מַעַלְלֵיהֶם כְּמַעֲשֵׂה יְדֵיהֶם תֵּן לָהֶם הָשֵׁב גְּמוּלָם לָהֶם: (17 - לא:ה) תּוֹצִיאֵנִי מֵרֶשֶׁת זוּ טָמְנוּ לִי כִּי אַתָּה מָעֻזִּי: (18 - לא:יט) תֵּאָלַמְנָה שִׂפְתֵי שָׁקֶר הַדּבְרוֹת עַל-צַדִּיק עָתָק בְּגַאֲוָה וָבוּז: (19 - לא:כא) תַּסְתִּירֵם בְּסֵתֶר פָּנֶיךָ מֵרֻכְסֵי אִישׁ תִּצְפְּנֵם בְּסֻכָּה מֵרִיב לְשׁנוֹת: (20 - לד:כב) תְּמוֹתֵת רָשָׁע רָעָה וְשׂנְאֵי צַדִּיק יֶאְשָׁמוּ: (21 - לה:ח) תְּבוֹאֵהוּ שׁוֹאָה לֹא יֵדָע וְרִשְׁתּוֹ אֲשֶׁר-טָמַן תִּלְכְּדוֹ בְּשׁוֹאָה יִפָּל-בָּהּ: (22 - לז:לא) תּוֹרַת אֱלֹהָיו בְּלִבּוֹ לֹא תִמְעַד אֲשֻׁרָיו: (23 - מב:ח) תְּהוֹם-אֶל-תְּהוֹם קוֹרֵא לְקוֹל צִנּוֹרֶיךָ כָּל-מִשְׁבָּרֶיךָ וְגַלֶּיךָ עָלַי עָבָרוּ: (24 - מד:יא) תְּשִׁיבֵנוּ אָחוֹר מִנִּי-צָר וּמְשַׂנְאֵינוּ שָׁסוּ לָמוֹ: (25 - מד:יב) תִּתְּנֵנוּ כְּצאן מַאֲכָל וּבַגּוֹיִם זֵרִיתָנוּ: (26 - מד:יג) תִּמְכּר-עַמְּךָ בְלֹא-הוֹן וְלֹא רִבִּיתָ בִּמְחִירֵיהֶם: (27 - מד:יד) תְּשִׂימֵנוּ חֶרְפָּה לִשְׁכֵנֵינוּ לַעַג וָקֶלֶס לִסְבִיבוֹתֵינוּ: (28 - מד:טו) תְּשִׂימֵנוּ מָשָׁל בַּגּוֹיִם מְנוֹד ראשׁ בַּלְאֻמִּים: (29 - מה:טז) תּוּבַלְנָה בִּשְׂמָחֹת וָגִיל תְּבוֹאֶינָה בְּהֵיכַל מֶלֶךְ: (30 - מה:יז) תַּחַת אֲבתֶיךָ יִהְיוּ בָנֶיךָ תְּשִׁיתֵמוֹ לְשָׂרִים בְּכָל-הָאָרֶץ: (31 - מט:כ) תָּבא עַד-דּוֹר אֲבוֹתָיו עַד-נֵצַח לֹא יִרְאוּ-אוֹר: (32 - נ:כ) תֵּשֵׁב בְּאָחִיךָ תְדַבֵּר בְּבֶן-אִמְּךָ תִּתֶּן-דּפִי: (33 - נא:ט) תְּחַטְּאֵנִי בְאֵזוֹב וְאֶטְהָר תְּכַבְּסֵנִי וּמִשֶּׁלֶג אַלְבִּין: (34 - נא:י) תַּשְׁמִיעֵנִי שָׂשׂוֹן וְשִׂמְחָה תָּגֵלְנָה עֲצָמוֹת דִּכִּיתָ: (35 - סד:ג) תַּסְתִּירֵנִי מִסּוֹד מְרֵעִים מֵרִגְשַׁת פּעֲלֵי אָוֶן: (36 - סה:יא) תְּלָמֶיהָ רַוֵּה נַחֵת גְּדוּדֶיהָ בִּרְבִיבִם תְּמגְגֶנָּה צִמְחָהּ תְּבָרֵךְ: (37 - סח:לה) תְּנוּ עז לֵאלֹהִים עַל-יִשְׂרָאֵל גַּאֲוָתוֹ וְעֻזּוֹ בַּשְּׁחָקִים: (38 - סט:כד) תֶּחְשַׁכְנָה עֵינֵיהֶם מֵרְאוֹת וּמָתְנֵיהֶם תָּמִיד הַמְעַד: (39 - סט:כו) תְּהִי-טִירָתָם נְשַׁמָּה בְּאָהֳלֵיהֶם אַל-יְהִי ישֵׁב: (40 - סט:כח) תְּנָה-עָוֹן עַל-עֲוֹנָם וְאַל-יָבאוּ בְּצִדְקָתֶךָ: (41 - עא:כא) תֶּרֶב גְּדֻלָּתִי וְתִסּב תְּנַחֲמֵנִי: (42 - עא:כג) תְּרַנֵּנָּה שְׂפָתַי כִּי אֲזַמְּרָה-לָּךְ וְנַפְשִׁי אֲשֶׁר פָּדִיתָ: (43 - עט:יא) תָּבוֹא לְפָנֶיךָ אֶנְקַת אָסִיר כְּגדֶל זְרוֹעֲךָ הוֹתֵר בְּנֵי תְמוּתָה: (44 - פ:ז) תְּשִׂימֵנוּ מָדוֹן לִשְׁכֵנֵינוּ וְאיְבֵינוּ יִלְעֲגוּ-לָמוֹ: (45 - פ:יב) תְּשַׁלַּח קְצִירֶהָ עַד-יָם וְאֶל-נָהָר יוֹנְקוֹתֶיהָ: (46 - פ:יח) תְּהִי-יָדְךָ עַל-אִישׁ יְמִינֶךָ עַל-בֶּן-אָדָם אִמַּצְתָּ לָּךְ: (47 - פא:ד) תִּקְעוּ בַחֹדֶשׁ שׁוֹפָר בַּכֶּסֶה לְיוֹם חַגֵּנוּ: (48 - פו:א) תְּפִלָּה לְדָוִד הַטֵּה יְהוָה אָזְנְךָ עֲנֵנִי כִּי-עָנִי וְאֶבְיוֹן אָנִי: (49 - פח:ג) תָּבוֹא לְפָנֶיךָ תְּפִלָּתִי הַטֵּה אָזְנְךָ לְרִנָּתִי: (50 - צ:א) תְּפִלָּה לְמשֶׁה אִישׁ-הָאֱלֹהִים אֲדנָי מָעוֹן אַתָּה הָיִיתָ לָּנוּ בְּדר וָדר: (51 - צ:ג) תָּשֵׁב אֱנוֹשׁ עַד-דַּכָּא וַתּאמֶר שׁוּבוּ בְנֵי-אָדָם: (52 - קב:א) תְּפִלָּה לְעָנִי כִי-יַעֲטף וְלִפְנֵי יְהוָה יִשְׁפּךְ שִׂיחוֹ: (53 - קב:יט) תִּכָּתֶב זאת לְדוֹר אַחֲרוֹן וְעַם נִבְרָא יְהַלֶּל-יָהּ: (54 - קד:ו) תְּהוֹם כַּלְּבוּשׁ כִּסִּיתוֹ עַל-הָרִים יַעַמְדוּ מָיִם: (55 - קד:כ) תָּשֶׁת חֹשֶׁךְ וִיהִי לָיְלָה בּוֹ-תִרְמשׂ כָּל-חַיְתוֹ-יָעַר: (56 - קד:כב) תִּזְרַח הַשֶּׁמֶשׁ יֵאָסֵפוּן וְאֶל-מְעוֹנתָם יִרְבָּצוּן: (57 - קד:כח) תִּתֵּן לָהֶם יִלְקטוּן תִּפְתַּח יָדְךָ יִשְׂבְּעוּן טוֹב: (58 - קד:כט) תַּסְתִּיר פָּנֶיךָ יִבָּהֵלוּן תּסֵף רוּחָם יִגְוָעוּן וְאֶל-עֲפָרָם יְשׁוּבוּן: (59 - קד:ל) תְּשַׁלַּח רוּחֲךָ יִבָּרֵאוּן וּתְחַדֵּשׁ פְּנֵי אֲדָמָה: (60 - קו:יז) תִּפְתַּח-אֶרֶץ וַתִּבְלַע דָּתָן וַתְּכַס עַל-עֲדַת אֲבִירָם: (61 - קז:ד) תָּעוּ בַמִּדְבָּר בִּישִׁימוֹן דָּרֶךְ עִיר מוֹשָׁב לֹא מָצָאוּ: (62 - קט:ד) תַּחַת-אַהֲבָתִי יִשְׂטְנוּנִי וַאֲנִי תְפִלָּה: (63 - קט:יט) תְּהִי-לוֹ כְּבֶגֶד יַעְטֶּה וּלְמֵזַח תָּמִיד יַחְגְּרֶהָ: (64 - קיט:קסט) תִּקְרַב רִנָּתִי לְפָנֶיךָ יְהוָה כִּדְבָרְךָ הֲבִינֵנִי: (65 - קיט:קע) תָּבוֹא תְחִנָּתִי לְפָנֶיךָ כְּאִמְרָתְךָ הַצִּילֵנִי: (66 - קיט:קעא) תַּבַּעְנָה שְׂפָתַי תְּהִלָּה כִּי תְלַמְּדֵנִי חֻקֶּיךָ: (67 - קיט:קעב) תַּעַן-לְשׁוֹנִי אִמְרָתֶךָ כִּי כָל-מִצְוֹתֶיךָ צֶּדֶק: (68 - קיט:קעג) תְּהִי-יָדְךָ לְעָזְרֵנִי כִּי פִקּוּדֶיךָ בָחָרְתִּי: (69 - קיט:קעד) תָּאַבְתִּי לִישׁוּעָתְךָ יְהוָה וְתוֹרָתְךָ שַׁעֲשֻׁעָי: (70 - קיט:קעה) תְּחִי-נַפְשִׁי וּתְהַלְלֶךָּ וּמִשְׁפָּטֶךָ יַעְזְּרֻנִי: (71 - קיט:קעו) תָּעִיתִי כְּשֶׂה אבֵד בַּקֵּשׁ עַבְדֶּךָ כִּי מִצְוֹתֶיךָ לֹא שָׁכָחְתִּי: (72 - קלז:ו) תִּדְבַּק לְשׁוֹנִי לְחִכִּי אִם-לֹא אֶזְכְּרֵכִי אִם-לֹא אַעֲלֶה אֶת-יְרוּשָׁלַם עַל ראשׁ שִׂמְחָתִי: (73 - קלט:כב) תַּכְלִית שִׂנְאָה שְׂנֵאתִים לְאיְבִים הָיוּ לִי: (74 - קמא:ב) תִּכּוֹן תְּפִלָּתִי קְטרֶת לְפָנֶיךָ מַשְׂאַת כַּפַּי מִנְחַת-עָרֶב: (75 - קמה:א) תְּהִלָּה לְדָוִד אֲרוֹמִמְךָ אֱלוֹהַי הַמֶּלֶךְ וַאֲבָרֲכָה שִׁמְךָ לְעוֹלָם וָעֶד: (76 - קמה:כא) תְּהִלַּת יְהוָה יְדַבֵּר פִּי וִיבָרֵךְ כָּל-בָּשָׂר שֵׁם קָדְשׁוֹ לְעוֹלָם וָעֶד: (77 - קמו:ד) תֵּצֵא רוּחוֹ יָשֻׁב לְאַדְמָתוֹ בַּיּוֹם הַהוּא אָבְדוּ עֶשְׁתּנתָיו:
|
|
|
|
|