|
אות ה
(1 - ה:ג) הַקְשִׁיבָה לְקוֹל שַׁוְעִי מַלְכִּי וֵאלֹהָי כִּי-אֵלֶיךָ אֶתְפַּלָּל: (2 - ה:יא) הַאֲשִׁימֵם אֱלֹהִים יִפְּלוּ מִמּעֲצוֹתֵיהֶם בְּרב פִּשְׁעֵיהֶם הַדִּיחֵמוֹ כִּי מָרוּ בָךְ: (3 - ז:טו) הִנֵּה יְחַבֶּל-אָוֶן וְהָרָה עָמָל וְיָלַד שָׁקֶר: (4 - ט:ז) הָאוֹיֵב תַּמּוּ חֳרָבוֹת לָנֶצַח וְעָרִים נָתַשְׁתָּ אָבַד זִכְרָם הֵמָּה: (5 - יב:ב) הוֹשִׁיעָה יְהוָה כִּי-גָמַר חָסִיד כִּי-פַסּוּ אֱמוּנִים מִבְּנֵי אָדָם: (6 - יג:ד) הַבִּיטָה עֲנֵנִי יְהוָה אֱלֹהָי הָאִירָה עֵינַי פֶּן-אִישַׁן הַמָּוֶת: (7 - יד:ג) הַכּל סָר יַחְדָּו נֶאֱלָחוּ אֵין עשֵׂה-טוֹב אֵין גַּם-אֶחָד: (8 - יד:ד) הֲלֹא יָדְעוּ כָּל-פּעֲלֵי אָוֶן אכְלֵי עַמִּי אָכְלוּ לֶחֶם יְהוָה לֹא קָרָאוּ: (9 - טו:ב) הוֹלֵךְ תָּמִים וּפעֵל צֶדֶק וְדבֵר אֱמֶת בִּלְבָבוֹ: (10 - יז:ז) הַפְלֵה חֲסָדֶיךָ מוֹשִׁיעַ חוֹסִים מִמִּתְקוֹמְמִים בִּימִינֶךָ: (11 - יח:לא) הָאֵל תָּמִים דַּרְכּוֹ אִמְרַת יְהוָה צְרוּפָה מָגֵן הוּא לְכל הַחוֹסִים בּוֹ: (12 - יח:לג) הָאֵל הַמְאַזְּרֵנִי חָיִל וַיִּתֵּן תָּמִים דַּרְכִּי: (13 - יח:מח) הָאֵל הַנּוֹתֵן נְקָמוֹת לִי וַיַּדְבֵּר עַמִּים תַּחְתָּי: (14 - יט:ב) הַשָּׁמַיִם מְסַפְּרִים כְּבוֹד-אֵל וּמַעֲשֵׂה יָדָיו מַגִּיד הָרָקִיעַ: (15 - יט:יא) הַנֶּחֱמָדִים מִזָּהָב וּמִפָּז רָב וּמְתוּקִים מִדְּבַשׁ וְנפֶת צוּפִים: (16 - כ:ט) הֵמָּה כָּרְעוּ וְנָפָלוּ וַאֲנַחְנוּ קַּמְנוּ וַנִּתְעוֹדָד: (17 - כב:כא) הַצִּילָה מֵחֶרֶב נַפְשִׁי מִיַּד-כֶּלֶב יְחִידָתִי: (18 - כב:כב) הוֹשִׁיעֵנִי מִפִּי אַרְיֵה וּמִקַּרְנֵי רֵמִים עֲנִיתָנִי: (19 - כה:ה) הַדְרִיכֵנִי בַאֲמִתֶּךָ וְלַמְּדֵנִי כִּי-אַתָּה אֱלֹהֵי יִשְׁעִי אוֹתְךָ קִוִּיתִי כָּל-הַיּוֹם: (20 - כז:יא) הוֹרֵנִי יְהוָה דַּרְכֶּךָ וּנְחֵנִי בְּארַח מִישׁוֹר לְמַעַן שׁוֹרְרָי: (21 - כח:ט) הוֹשִׁיעָה אֶת-עַמֶּךָ וּבָרֵךְ אֶת-נַחֲלָתֶךָ וּרְעֵם וְנַשְּׂאֵם עַד-הָעוֹלָם: (22 - כט:ב) הָבוּ לַיהוָה כְּבוֹד שְׁמוֹ הִשְׁתַּחֲווּ לַיהוָה בְּהַדְרַת-קדֶשׁ: (23 - ל:יב) הָפַכְתָּ מִסְפְּדִי לְמָחוֹל לִי פִּתַּחְתָּ שַׂקִּי וַתְּאַזְּרֵנִי שִׂמְחָה: (24 - לא:ג) הַטֵּה אֵלַי אָזְנְךָ מְהֵרָה הַצִּילֵנִי הֱיֵה לִי לְצוּר מָעוֹז לְבֵית מְצוּדוֹת לְהוֹשִׁיעֵנִי: (25 - לא:יז) הָאִירָה פָנֶיךָ עַל-עַבְדֶּךָ הוֹשִׁיעֵנִי בְחַסְדֶּךָ: (26 - לג:ב) הוֹדוּ לַיהוָה בְּכִנּוֹר בְּנֵבֶל עָשׂוֹר זַמְּרוּ-לוֹ: (27 - לג:טו) הַיּצֵר יַחַד לִבָּם הַמֵּבִין אֶל-כָּל-מַעֲשֵׂיהֶם: (28 - לג:יח) הִנֵּה עֵין יְהוָה אֶל-יְרֵאָיו לַמְיַחֲלִים לְחַסְדּוֹ: (29 - לד:ו) הִבִּיטוּ אֵלָיו וְנָהָרוּ וּפְנֵיהֶם אַל-יֶחְפָּרוּ: (30 - לה:ב) הַחֲזֵק מָגֵן וְצִנָּה וְקוּמָה בְּעֶזְרָתִי: (31 - לה:כג) הָעִירָה וְהָקִיצָה לְמִשְׁפָּטִי אֱלֹהַי וַאדנָי לְרִיבִי: (32 - לז:ח) הֶרֶף מֵאַף וַעֲזב חֵמָה אַל-תִּתְחַר אַךְ-לְהָרֵעַ: (33 - לח:ו) הִבְאִישׁוּ נָמַקּוּ חַבּוּרתָי מִפְּנֵי אִוַּלְתִּי: (34 - לט:ה) הוֹדִיעֵנִי יְהוָה קִצִּי וּמִדַּת יָמַי מַה-הִיא אֵדְעָה מֶה-חָדֵל אָנִי: (35 - לט:ו) הִנֵּה טְפָחוֹת נָתַתָּה יָמַי וְחֶלְדִּי כְאַיִן נֶגְדֶּךָ אַךְ-כָּל-הֶבֶל כָּל-אָדָם נִצָּב סֶלָה: (36 - לט:יא) הָסֵר מֵעָלַי נִגְעֶךָ מִתִּגְרַת יָדְךָ אֲנִי כָלִיתִי: (37 - לט:יד) הָשַׁע מִמֶּנִּי וְאַבְלִיגָה בְּטֶרֶם אֵלֵךְ וְאֵינֶנִּי: (38 - מב:ד) הָיְתָה-לִּי דִמְעָתִי לֶחֶם יוֹמָם וָלָיְלָה בֶּאֱמר אֵלַי כָּל-הַיּוֹם אַיֵּה אֱלֹהֶיךָ: (39 - מד:כב) הֲלֹא-אֱלֹהִים יַחֲקָר-זאת כִּי-הוּא ידֵעַ תַּעֲלֻמוֹת לֵב: (40 - מו:ז) הָמוּ גוֹיִם מָטוּ מַמְלָכוֹת נָתַן בְּקוֹלוֹ תָּמוּג אָרֶץ: (41 - מו:יא) הַרְפּוּ וּדְעוּ כִּי-אָנכִי אֱלֹהִים אָרוּם בַּגּוֹיִם אָרוּם בָּאָרֶץ: (42 - מח:ו) הֵמָּה רָאוּ כֵּן תָּמָהוּ נִבְהֲלוּ נֶחְפָּזוּ: (43 - מט:ז) הַבּטְחִים עַל-חֵילָם וּבְרב עָשְׁרָם יִתְהַלָּלוּ: (44 - נ:יג) הַאוֹכַל בְּשַׂר אַבִּירִים וְדַם עַתּוּדִים אֶשְׁתֶּה: (45 - נא:ד) הֶרֶב כַּבְּסֵנִי מֵעֲוֹנִי וּמֵחַטָּאתִי טַהֲרֵנִי: (46 - נא:ז) הֵן-בְּעָווֹן חוֹלָלְתִּי וּבְחֵטְא יֶחֱמַתְנִי אִמִּי: (47 - נא:ח) הֵן אֱמֶת חָפַצְתָּ בַטֻּחוֹת וּבְסָתֻם חָכְמָה תוֹדִיעֵנִי: (48 - נא:יא) הַסְתֵּר פָּנֶיךָ מֵחֲטָאָי וְכָל-עֲוֹנתַי מְחֵה: (49 - נא:יד) הָשִׁיבָה לִּי שְׂשׂוֹן יִשְׁעֶךָ וְרוּחַ נְדִיבָה תִסְמְכֵנִי: (50 - נא:טז) הַצִּילֵנִי מִדָּמִים אֱלֹהִים אֱלֹהֵי תְשׁוּעָתִי תְּרַנֵּן לְשׁוֹנִי צִדְקָתֶךָ: (51 - נא:כ) הֵיטִיבָה בִרְצוֹנְךָ אֶת-צִיּוֹן תִּבְנֶה חוֹמוֹת יְרוּשָׁלָם: (52 - נב:ד) הַוּוֹת תַּחְשׁב לְשׁוֹנֶךָ כְּתַעַר מְלֻטָּשׁ עשֵׂה רְמִיָּה: (53 - נב:ט) הִנֵּה הַגֶּבֶר לֹא-יָשִׂים אֱלֹהִים מָעוּזּוֹ וַיִּבְטַח בְּרב עָשְׁרוֹ יָעז בְּהַוָּתוֹ: (54 - נג:ה) הֲלֹא יָדְעוּ פּעֲלֵי אָוֶן אכְלֵי עַמִּי אָכְלוּ לֶחֶם אֱלֹהִים לֹא קָרָאוּ: (55 - נד:ו) הִנֵּה אֱלֹהִים עזֵר לִי אֲדנָי בְּסֹמְכֵי נַפְשִׁי: (56 - נה:ב) הַאֲזִינָה אֱלֹהִים תְּפִלָּתִי וְאַל-תִּתְעַלַּם מִתְּחִנָּתִי: (57 - נה:ג) הַקְשִׁיבָה לִּי וַעֲנֵנִי אָרִיד בְּשִׂיחִי וְאָהִימָה: (58 - נה:ח) הִנֵּה אַרְחִיק נְדד אָלִין בַּמִּדְבָּר סֶלָה: (59 - נה:יב) הַוּוֹת בְּקִרְבָּהּ וְלֹא-יָמִישׁ מֵרְחֹבָהּ תּוֹךְ וּמִרְמָה: (60 - נה:כג) הַשְׁלֵךְ עַל-יְהוָה יְהָבְךָ וְהוּא יְכַלְכְּלֶךָ לֹא-יִתֵּן לְעוֹלָם מוֹט לַצַּדִּיק: (61 - נח:ב) הַאֻמְנָם אֵלֶם צֶדֶק תְּדַבֵּרוּן מֵישָׁרִים תִּשְׁפְּטוּ בְּנֵי אָדָם: (62 - נט:ב) הַצִּילֵנִי מֵאיְבַי אֱלֹהָי מִמִּתְקוֹמְמַי תְּשַׂגְּבֵנִי: (63 - נט:ג) הַצִּילֵנִי מִפּעֲלֵי אָוֶן וּמֵאַנְשֵׁי דָמִים הוֹשִׁיעֵנִי: (64 - נט:ח) הִנֵּה יַבִּיעוּן בְּפִיהֶם חֲרָבוֹת בְּשִׂפְתוֹתֵיהֶם כִּי מִי שׁמֵעַ: (65 - נט:טז) הֵמָּה יְנִיעוּן לֶאֱכל אִם-לֹא יִשְׂבְּעוּ וַיָּלִינוּ: (66 - ס:ד) הִרְעַשְׁתָּה אֶרֶץ פְּצַמְתָּהּ רְפָה שְׁבָרֶיהָ כִי-מָטָה: (67 - ס:ה) הִרְאִיתָ עַמְּךָ קָשָׁה הִשְׁקִיתָנוּ יַיִן תַּרְעֵלָה: (68 - ס:יב) הֲלֹא-אַתָּה אֱלֹהִים זְנַחְתָּנוּ וְלֹא-תֵצֵא אֱלֹהִים בְּצִבְאוֹתֵינוּ: (69 - ס:יג) הָבָה-לָּנוּ עֶזְרָת מִצָּר וְשָׁוְא תְּשׁוּעַת אָדָם: (70 - סו:ו) הָפַךְ יָם לְיַבָּשָׁה בַּנָּהָר יַעַבְרוּ בְרָגֶל שָׁם נִשְׂמְחָה-בּוֹ: (71 - סו:ט) הַשָּׂם נַפְשֵׁנוּ בַּחַיִּים וְלֹא-נָתַן לַמּוֹט רַגְלֵנוּ: (72 - סו:יא) הֲבֵאתָנוּ בַמְּצוּדָה שַׂמְתָּ מּוּעָקָה בְמָתְנֵינוּ: (73 - סו:יב) הִרְכַּבְתָּ אֱנוֹשׁ לְראשֵׁנוּ בָּאנוּ-בָאֵשׁ וּבַמַּיִם וַתּוֹצִיאֵנוּ לָרְוָיָה: (74 - סח:טז) הַר-אֱלֹהִים הַר-בָּשָׁן הַר-גַּבְנֻנִּים הַר-בָּשָׁן: (75 - סח:כא) הָאֵל לָנוּ אֵל לְמוֹשָׁעוֹת וְלֵיהוִה אֲדנָי לַמָּוֶת תּוֹצָאוֹת: (76 - סט:ב) הוֹשִׁיעֵנִי אֱלֹהִים כִּי בָאוּ מַיִם עַד-נָפֶשׁ: (77 - סט:טו) הַצִּילֵנִי מִטִּיט וְאַל-אֶטְבָּעָה אִנָּצְלָה מִשּׂנְאַי וּמִמַּעֲמַקֵּי-מָיִם: (78 - עא:ג) הֱיֵה לִי לְצוּר מָעוֹן לָבוֹא תָמִיד צִוִּיתָ לְהוֹשִׁיעֵנִי כִּי-סַלְעִי וּמְצוּדָתִי אָתָּה: (79 - עג:יב) הִנֵּה-אֵלֶּה רְשָׁעִים וְשַׁלְוֵי עוֹלָם הִשְׂגּוּ-חָיִל: (80 - עד:ג) הָרִימָה פְעָמֶיךָ לְמַשֻּׁאוֹת נֶצַח כָּל-הֵרַע אוֹיֵב בַּקּדֶשׁ: (81 - עד:כ) הַבֵּט לַבְּרִית כִּי-מָלְאוּ מַחֲשַׁכֵּי-אֶרֶץ נְאוֹת חָמָס: (82 - עה:ב) הוֹדִינוּ לְּךָ אֱלֹהִים הוֹדִינוּ וְקָרוֹב שְׁמֶךָ סִפְּרוּ נִפְלְאוֹתֶיךָ: (83 - עז:ח) הַלְעוֹלָמִים יִזְנַח אֲדנָי וְלֹא-יסִיף לִרְצוֹת עוֹד: (84 - עז:ט) הֶאָפֵס לָנֶצַח חַסְדּוֹ גָּמַר אוֹמֶר לְדר וָדר: (85 - עז:י) הֲשָׁכַח חַנּוֹת אֵל אִם-קָפַץ בְּאַף רַחֲמָיו סֶלָה: (86 - עח:כ) הֵן הִכָּה-צוּר וַיָּזוּבוּ מַיִם וּנְחָלִים יִשְׁטפוּ הֲגַם-לֶחֶם יוּכַל תֵּת אִם-יָכִין שְׁאֵר לְעַמּוֹ: (87 - עט:ד) הָיִינוּ חֶרְפָּה לִשְׁכֵנֵינוּ לַעַג וָקֶלֶס לִסְבִיבוֹתֵינוּ: (88 - פ:ו) הֶאֱכַלְתָּם לֶחֶם דִּמְעָה וַתַּשְׁקֵמוֹ בִּדְמָעוֹת שָׁלִישׁ: (89 - פא:ב) הַרְנִינוּ לֵאלֹהִים עוּזֵּנוּ הָרִיעוּ לֵאלֹהֵי יַעֲקב: (90 - פא:ז) הֲסִירוֹתִי מִסֵּבֶל שִׁכְמוֹ כַּפָּיו מִדּוּד תַּעֲברְנָה: (91 - פה:ו) הַלְעוֹלָם תֶּאֱנַף-בָּנוּ תִּמְשׁךְ אַפְּךָ לְדר וָדר: (92 - פה:ז) הֲלֹא אַתָּה תָּשׁוּב תְּחַיֵּינוּ וְעַמְּךָ יִשְׂמְחוּ-בָךְ: (93 - פה:ח) הַרְאֵנוּ יְהוָה חַסְדֶּךָ וְיֶשְׁעֲךָ תִּתֶּן-לָנוּ: (94 - פו:ו) הַאֲזִינָה יְהוָה תְּפִלָּתִי וְהַקְשִׁיבָה בְּקוֹל תַּחֲנוּנוֹתָי: (95 - פו:יא) הוֹרֵנִי יְהוָה דַּרְכֶּךָ אֲהַלֵּךְ בַּאֲמִתֶּךָ יַחֵד לְבָבִי לְיִרְאָה שְׁמֶךָ: (96 - פח:ט) הִרְחַקְתָּ מְיֻדָּעַי מִמֶּנִּי שַׁתַּנִי תוֹעֵבוֹת לָמוֹ כָּלֻא וְלֹא אֵצֵא: (97 - פח:יא) הֲלַמֵּתִים תַּעֲשֶׂה-פֶּלֶא אִם רְפָאִים יָקוּמוּ יוֹדוּךָ סֶּלָה: (98 - פח:יב) הַיְסֻפַּר בַּקֶּבֶר חַסְדֶּךָ אֱמוּנָתְךָ בָּאֲבַדּוֹן: (99 - פח:יג) הֲיִוָּדַע בַּחֹשֶׁךְ פִּלְאֶךָ וְצִדְקָתְךָ בְּאֶרֶץ נְשִׁיָּה: (100 - פח:יט) הִרְחַקְתָּ מִמֶּנִּי אהֵב וָרֵעַ מְיֻדָּעַי מַחְשָׁךְ: (101 - פט:כז) הוּא יִקְרָאֵנִי אָבִי אָתָּה אֵלִי וְצוּר יְשׁוּעָתִי: (102 - פט:מג) הֲרִימוֹתָ יְמִין צָרָיו הִשְׂמַחְתָּ כָּל-אוֹיְבָיו: (103 - פט:מה) הִשְׁבַּתָּ מִטֳּהָרוֹ וְכִסְאוֹ לָאָרֶץ מִגַּרְתָּה: (104 - פט:מו) הִקְצַרְתָּ יְמֵי עֲלוּמָיו הֶעֱטִיתָ עָלָיו בּוּשָׁה סֶלָה: (105 - צד:ב) הִנָּשֵׂא שׁפֵט הָאָרֶץ הָשֵׁב גְּמוּל עַל-גֵּאִים: (106 - צד:ט) הֲנטַע אזֶן הֲלֹא יִשְׁמָע אִם-יצֵר עַיִן הֲלֹא יַבִּיט: (107 - צד:י) הֲיסֵר גּוֹיִם הֲלֹא יוֹכִיחַ הַמְלַמֵּד אָדָם דָּעַת: (108 - צד:כ) הַיְחָבְרְךָ כִּסֵּא הַוּוֹת יצֵר עָמָל עֲלֵי-חֹק: (109 - צו:ו) הוֹד-וְהָדָר לְפָנָיו עז וְתִפְאֶרֶת בְּמִקְדָּשׁוֹ: (110 - צו:ז) הָבוּ לַיהוָה מִשְׁפְּחוֹת עַמִּים הָבוּ לַיהוָה כָּבוֹד וָעז: (111 - צו:ח) הָבוּ לַיהוָה כְּבוֹד שְׁמוֹ שְׂאוּ מִנְחָה וּבאוּ לְחַצְרוֹתָיו: (112 - צו:ט) הִשְׁתַּחֲווּ לַיהוָה בְּהַדְרַת-קדֶשׁ חִילוּ מִפָּנָיו כָּל-הָאָרֶץ: (113 - צז:ד) הֵאִירוּ בְרָקָיו תֵּבֵל רָאֲתָה וַתָּחֵל הָאָרֶץ: (114 - צז:ה) הָרִים כַּדּוֹנַג נָמַסּוּ מִלִּפְנֵי יְהוָה מִלִּפְנֵי אֲדוֹן כָּל-הָאָרֶץ: (115 - צז:ו) הִגִּידוּ הַשָּׁמַיִם צִדְקוֹ וְרָאוּ כָל-הָעַמִּים כְּבוֹדוֹ: (116 - צח:ב) הוֹדִיעַ יְהוָה יְשׁוּעָתוֹ לְעֵינֵי הַגּוֹיִם גִּלָּה צִדְקָתוֹ: (117 - צח:ד) הָרִיעוּ לַיהוָה כָּל-הָאָרֶץ פִּצְחוּ וְרַנְּנוּ וְזַמֵּרוּ: (118 - קב:ה) הוּכָּה כָעֵשֶׂב וַיִּבַשׁ לִבִּי כִּי שָׁכַחְתִּי מֵאֲכל לַחְמִי: (119 - קב:כז) הֵמָּה יאבֵדוּ וְאַתָּה תַעֲמד וְכֻלָּם כַּבֶּגֶד יִבְלוּ כַּלְּבוּשׁ תַּחֲלִיפֵם וְיַחֲלֹפוּ: (120 - קג:ג) הַסּלֵחַ לְכָל-עֲוֹנֵכִי הָרפֵא לְכָל-תַּחֲלוּאָיְכִי: (121 - קג:ד) הַגּוֹאֵל מִשַּׁחַת חַיָּיְכִי הַמְעַטְּרֵכִי חֶסֶד וְרַחֲמִים: (122 - קג:ה) הַמַּשְׂבִּיַע בַּטּוֹב עֶדְיֵךְ תִּתְחַדֵּשׁ כַּנֶּשֶׁר נְעוּרָיְכִי: (123 - קד:ג) הַמְקָרֶה בַמַּיִם עֲלִיּוֹתָיו הַשָּׂם-עָבִים רְכוּבוֹ הַמְהַלֵּךְ עַל-כַּנְפֵי-רוּחַ: (124 - קד:י) הַמְשַׁלֵּחַ מַעְיָנִים בַּנְּחָלִים בֵּין הָרִים יְהַלֵּכוּן: (125 - קד:יח) הָרִים הַגְּבהִים לַיְּעֵלִים סְלָעִים מַחְסֶּה לַשְׁפַנִּים: (126 - קד:כא) הַכְּפִירִים שׁאֲגִים לַטָּרֶף וּלְבַקֵּשׁ מֵאֵל אָכְלָם: (127 - קד:לב) הַמַּבִּיט לָאָרֶץ וַתִּרְעָד יִגַּע בֶּהָרִים וְיֶעֱשָׁנוּ: (128 - קה:א) הוֹדוּ לַיהוָה קִרְאוּ בִשְׁמוֹ הוֹדִיעוּ בָעַמִּים עֲלִילוֹתָיו: (129 - קה:ג) הִתְהַלְלוּ בְּשֵׁם קָדְשׁוֹ יִשְׂמַח לֵב מְבַקְשֵׁי יְהוָה: (130 - קה:ז) הוּא יְהוָה אֱלֹהֵינוּ בְּכָל-הָאָרֶץ מִשְׁפָּטָיו: (131 - קה:כה) הָפַךְ לִבָּם לִשְׂנא עַמּוֹ לְהִתְנַכֵּל בַּעֲבָדָיו: (132 - קה:כט) הָפַךְ אֶת-מֵימֵיהֶם לְדָם וַיָּמֶת אֶת-דְּגָתָם: (133 - קו:א) הַלְלוּיָהּ הוֹדוּ לַיהוָה כִּי-טוֹב כִּי לְעוֹלָם חַסְדּוֹ: (134 - קו:מז) הוֹשִׁיעֵנוּ יְהוָה אֱלֹהֵינוּ וְקַבְּצֵנוּ מִן-הַגּוֹיִם לְהדוֹת לְשֵׁם קָדְשֶׁךָ לְהִשְׁתַּבֵּחַ בִּתְהִלָּתֶךָ: (135 - קז:א) הדוּ לַיהוָה כִּי-טוֹב כִּי לְעוֹלָם חַסְדּוֹ: (136 - קז:כד) הֵמָּה רָאוּ מַעֲשֵׂי יְהוָה וְנִפְלְאוֹתָיו בִּמְצוּלָה: (137 - קח:יב) הֲלֹא-אֱלֹהִים זְנַחְתָּנוּ וְלֹא-תֵצֵא אֱלֹהִים בְּצִבְאתֵינוּ: (138 - קח:יג) הָבָה-לָּנוּ עֶזְרָת מִצָּר וְשָׁוְא תְּשׁוּעַת אָדָם: (139 - קט:ו) הַפְקֵד עָלָיו רָשָׁע וְשָׂטָן יַעֲמד עַל-יְמִינוֹ: (140 - קיא:א) הַלְלוּיָהּ אוֹדֶה יְהוָה בְּכָל-לֵבָב בְּסוֹד יְשָׁרִים וְעֵדָה: (141 - קיא:ג) הוֹד-וְהָדָר פָּעֳלוֹ וְצִדְקָתוֹ עמֶדֶת לָעַד: (142 - קיב:א) הַלְלוּיָהּ אַשְׁרֵי-אִישׁ יָרֵא אֶת-יְהוָה בְּמִצְוֹתָיו חָפֵץ מְאד: (143 - קיב:ג) הוֹן-וָעשֶׁר בְּבֵיתוֹ וְצִדְקָתוֹ עמֶדֶת לָעַד: (144 - קיג:א) הַלְלוּיָהּ הַלְלוּ עַבְדֵי יְהוָה הַלְלוּ אֶת-שֵׁם יְהוָה: (145 - קיג:ו) הַמַּשְׁפִּילִי לִרְאוֹת בַּשָּׁמַיִם וּבָאָרֶץ: (146 - קיד:ב) הָיְתָה יְהוּדָה לְקָדְשׁוֹ יִשְׂרָאֵל מַמְשְׁלוֹתָיו: (147 - קיד:ג) הַיָּם רָאָה וַיָּנס הַיַּרְדֵּן יִסּב לְאָחוֹר: (148 - קיד:ד) הֶהָרִים רָקְדוּ כְאֵילִים גְּבָעוֹת כִּבְנֵי-צאן: (149 - קיד:ו) הֶהָרִים תִּרְקְדוּ כְאֵילִים גְּבָעוֹת כִּבְנֵי-צאן: (150 - קיד:ח) הַהפְכִי הַצּוּר אֲגַם-מָיִם חַלָּמִישׁ לְמַעְיְנוֹ-מָיִם: (151 - קטו:טז) הַשָּׁמַיִם שָׁמַיִם לַיהוָה וְהָאָרֶץ נָתַן לִבְנֵי-אָדָם: (152 - קטז:י) הֶאֱמַנְתִּי כִּי אֲדַבֵּר אֲנִי עָנִיתִי מְאד: (153 - קיז:א) הַלְלוּ אֶת-יְהוָה כָּל-גּוֹיִם שַׁבְּחוּהוּ כָּל-הָאֻמִּים: (154 - קיח:א) הוֹדוּ לַיהוָה כִּי-טוֹב כִּי לְעוֹלָם חַסְדּוֹ: (155 - קיח:כט) הוֹדוּ לַיהוָה כִּי-טוֹב כִּי לְעוֹלָם חַסְדּוֹ: (156 - קיט:לג) הוֹרֵנִי יְהוָה דֶּרֶךְ חֻקֶּיךָ וְאֶצְּרֶנָּה עֵקֶב: (157 - קיט:לד) הֲבִינֵנִי וְאֶצְּרָה תוֹרָתֶךָ וְאֶשְׁמְרֶנָּה בְכָל-לֵב: (158 - קיט:לה) הַדְרִיכֵנִי בִּנְתִיב מִצְוֹתֶיךָ כִּ י בוֹ חָפָצְתִּי: (159 - קיט:לו) הַט-לִבִּי אֶל-עֵדְוֹתֶיךָ וְאַל אֶל-בָּצַע: (160 - קיט:לז) הַעֲבֵר עֵינַי מֵרְאוֹת שָׁוְא בִּדְרָכֶךָ חַיֵּנִי: (161 - קיט:לח) הָקֵם לְעַבְדְּךָ אִמְרָתֶךָ אֲשֶׁר לְיִרְאָתֶךָ: (162 - קיט:לט) הַעֲבֵר חֶרְפָּתִי אֲשֶׁר יָגרְתִּי כִּי מִשְׁפָּטֶיךָ טוֹבִים: (163 - קיט:מ) הִנֵּה תָּאַבְתִּי לְפִקֻּדֶיךָ בְּצִדְקָתְךָ חַיֵּנִי: (164 - קכא:ד) הִנֵּה לֹא יָנוּם וְלֹא יִישָׁן שׁוֹמֵר יִשְׂרָאֵל: (165 - קכג:ב) הִנֵּה כְעֵינֵי עֲבָדִים אֶל-יַד אֲדוֹנֵיהֶם כְּעֵינֵי שִׁפְחָה אֶל-יַד גְּבִרְתָּהּ כֵּן עֵינֵינוּ אֶל-יְהוָה אֱלֹהֵינוּ עַד שֶׁיְּחָנֵּנוּ: (166 - קכה:ד) הֵיטִיבָה יְהוָה לַטּוֹבִים וְלִישָׁרִים בְּלִבּוֹתָם: (167 - קכו:ג) הִגְדִּיל יְהוָה לַעֲשׂוֹת עִמָּנוּ הָיִינוּ שְׂמֵחִים: (168 - קכו:ה) הַזּרְעִים בְּדִמְעָה בְּרִנָּה יִקְצרוּ: (169 - קכו:ו) הָלוֹךְ יֵלֵךְ וּבָכה נשֵׂא מֶשֶׁךְ-הַזָּרַע בּא-יָבא בְרִנָּה נשֵׂא אֲלֻמּתָיו: (170 - קכז:ג) הִנֵּה נַחֲלַת יְהוָה בָּנִים שָׂכָר פְּרִי הַבָּטֶן: (171 - קכח:ד) הִנֵּה כִי-כֵן יְבֹרַךְ גָּבֶר יְרֵא יְהוָה: (172 - קלב:ו) הִנֵּה-שְׁמַעֲנוּהָ בְאֶפְרָתָה מְצָאנוּהָ בִּשְׂדֵי-יָעַר: (173 - קלה:א) הַלְלוּיָהּ הַלְלוּ אֶת-שֵׁם יְהוָה הַלְלוּ עַבְדֵי יְהוָה: (174 - קלה:ג) הַלְלוּיָהּ כִּי-טוֹב יְהוָה זַמְּרוּ לִשְׁמוֹ כִּי נָעִים: (175 - קלו:א) הוֹדוּ לַיהוָה כִּי-טוֹב כִּי לְעוֹלָם חַסְדּוֹ: (176 - קלו:ב) הוֹדוּ לֵאלֹהֵי הָאֱלֹהִים כִּי לְעוֹלָם חַסְדּוֹ: (177 - קלו:ג) הוֹדוּ לַאֲדנֵי הָאֲדנִים כִּי לְעוֹלָם חַסְדּוֹ: (178 - קלו:כו) הוֹדוּ לְאֵל הַשָּׁמָיִם כִּי לְעוֹלָם חַסְדּוֹ: (179 - קלט:כא) הֲלוֹא-מְשַׂנְאֶיךָ יְהוָה אֶשְׂנָא וּבִתְקוֹמְמֶיךָ אֶתְקוֹטָט: (180 - קמב:ה) הַבֵּיט יָמִין וּרְאֵה וְאֵין-לִי מַכִּיר אָבַד מָנוֹס מִמֶּנִּי אֵין דּוֹרֵשׁ לְנַפְשִׁי: (181 - קמב:ז) הַקְשִׁיבָה אֶל-רִנָּתִי כִּי-דַלּוֹתִי מְאד הַצִּילֵנִי מֵרדְפַי כִּי אָמְצוּ מִמֶּנִּי: (182 - קמב:ח) הוֹצִיאָה מִמַּסְגֵּר נַפְשִׁי לְהוֹדוֹת אֶת-שְׁמֶךָ בִּי יַכְתִּרוּ צַדִּיקִים כִּי תִגְמל עָלָי: (183 - קמג:ח) הַשְׁמִיעֵנִי בַבּקֶר חַסְדֶּךָ כִּי-בְךָ בָטָחְתִּי הוֹדִיעֵנִי דֶּרֶךְ-זוּ אֵלֵךְ כִּי-אֵלֶיךָ נָשָׂאתִי נַפְשִׁי: (184 - קמג:ט) הַצִּילֵנִי מֵאיְבַי יְהוָה אֵלֶיךָ כִסִּיתִי: (185 - קמד:י) הַנּוֹתֵן תְּשׁוּעָה לַמְּלָכִים הַפּוֹצֶה אֶת-דָּוִד עַבְדּוֹ מֵחֶרֶב רָעָה: (186 - קמה:ה) הֲדַר כְּבוֹד הוֹדֶךָ וְדִבְרֵי נִפְלְאתֶיךָ אָשִׂיחָה: (187 - קמו:א) הַלְלוּיָהּ הַלְלִי נַפְשִׁי אֶת-יְהוָה: (188 - קמז:א) הַלְלוּיָהּ כִּי-טוֹב זַמְּרָה אֱלֹהֵינוּ כִּי-נָעִים נָאוָה תְהִלָּה: (189 - קמז:ג) הָרוֹפֵא לִשְׁבוּרֵי לֵב וּמְחַבֵּשׁ לְעַצְּבוֹתָם: (190 - קמז:ח) הַמְכַסֶּה שָׁמַיִם בְּעָבִים הַמֵּכִין לָאָרֶץ מָטָר הַמַּצְמִיחַ הָרִים חָצִיר: (191 - קמז:יד) הַשָּׂם גְּבוּלֵךְ שָׁלוֹם חֵלֶב חִטִּים יַשְׂבִּיעֵךְ: (192 - קמז:טו) הַשּׁלֵחַ אִמְרָתוֹ אָרֶץ עַד-מְהֵרָה יָרוּץ דְּבָרוֹ: (193 - קמז:טז) הַנּתֵן שֶׁלֶג כַּצָּמֶר כְּפוֹר כָּאֵפֶר יְפַזֵּר: (194 - קמח:א) הַלְלוּיָהּ הַלְלוּ אֶת-יְהוָה מִן-הַשָּׁמַיִם הַלְלוּהוּ בַּמְּרוֹמִים: (195 - קמח:ב) הַלְלוּהוּ כָּל-מַלְאָכָיו הַלְלוּהוּ כָּל-צְבָאָיו: (196 - קמח:ג) הַלְלוּהוּ שֶׁמֶשׁ וְיָרֵחַ הַלְלוּהוּ כָּל-כּוֹכְבֵי אוֹר: (197 - קמח:ד) הַלְלוּהוּ שְׁמֵי הַשָּׁמָיִם וְהַמַּיִם אֲשֶׁר מֵעַל הַשָּׁמָיִם: (198 - קמח:ז) הַלְלוּ אֶת-יְהוָה מִן-הָאָרֶץ תַּנִּינִים וְכָל-תְּהמוֹת: (199 - קמח:ט) הֶהָרִים וְכָל-גְּבָעוֹת עֵץ פְּרִי וְכָל-אֲרָזִים: (200 - קמח:י) הַחַיָּה וְכָל-בְּהֵמָה רֶמֶשׂ וְצִפּוֹר כָּנָף: (201 - קמט:א) הַלְלוּיָהּ שִׁירוּ לַיהוָה שִׁיר חָדָשׁ תְּהִלָּתוֹ בִּקְהַל חֲסִידִים: (202 - קנ:א) הַלְלוּיָהּ הַלְלוּ-אֵל בְּקָדְשׁוֹ הַלְלוּהוּ בִּרְקִיעַ עֻזּוֹ: (203 - קנ:ב) הַלְלוּהוּ בִּגְבוּרתָיו הַלְלוּהוּ כְּרב גֻּדְלוֹ: (204 - קנ:ג) הַלְלוּהוּ בְּתֵקַע שׁוֹפָר הַלְלוּהוּ בְּנֵבֶל וְכִנּוֹר: (205 - קנ:ד) הַלְלוּהוּ בְתֹף וּמָחוֹל הַלְלוּהוּ בְּמִנִּים וְעֻגָב: (206 - קנ:ה) הַלְלוּהוּ בְּצִלְצְלֵי-שָׁמַע הַלְלוּהוּ בְּצִלְצְלֵי תְרוּעָה:
|
|
|
|
|